Tsoˈblejetik ya yakˈik ta nael te utsˈineleteik ta stojol te slumal batsˈil antswiniketik
Foto https://www.resumenlatinoamericano.org
Nokˈol awaibel, jun kˈop aˈyej te bajem ta stojol te batsˈil ants winiketik ta Chiapas,
chajpambil yuˈun te Noticiero Chiapas Paralelo, te ya x-aˈtej sok te Alianza de Medios de la Red de Periodistas de a Pie.
Tsoˈblejetik yuˈun te slumalab batsˈil ants winiketik la stsobsbajik yuˈun yochintayel ta komun te mukˈul aˈteletik; ta spatilal te acuerdo yuˈun te ajwalil López Obrador te yakal slejbel sjajchel mukˈul aˈteletik te ya la “xtuun yuˈun spisil ants winiketik ta jlumaltik”.
Te Encuentro Nacional Contra Gasoductos y Proyectos de Muerte, kˈojt ta pasel ta Altepelmecalli, La Casa de los Pueblos, la sjachik oxlajuneb tsoblejetik te banti ochemik te Pueblos Unidos ta Región Cholulteca, te Frente de Pueblos en Defensa de la Tierra y el Agua Morelos-Puebla-Tlaxcala (FPDTA) sok te Congreso Nacional Indígena (CNI), te mukˈul tsoˈbleje ja ta stojol stejkˈanel te Acuerdo Presidencial te la yakˈ ta nael te ajwalil López Obrador te kˈaxel cheb schaˈwinik yuˈun noviembre.
Te acuerdo yuˈun AMLO jaˈ te ya la skˈan snajiltes te mukˈul aˈteletike ta swenta “stulanil sok te smukˈule, yakukla yichˈ ilel te mukˈ skˈoblal yuˈun te schˈiel te jlumaltike”, jaxan ya suj te mukˈul najetik yuˈun te ajwalil te yakˈel kˈaxel te aˈatele “ te maba xu xkˈax ta joˈeb kˈajkˈal” yuˈunla jich ya stajik te skˈop te j-aˈteletik, te ya yakˈ pasotuk te mukˈul aˈteletike.
Te tsoblejetik ikˈawanike la stuch kˈabtayik te yoˈotik ajwalile “jaˈ te ajwalil yuˈun te mukˈul aˈteletike, yuˈun te chajpanwanej ta tujkˈ, yuˈun te utsˈinwane ta slujmal batsˈil antswiniketik” sok la stajik ta jalal ta stojol te Tren Maya, te Corredor Transístmico sok te Proyecto Integral Morelos jaˈik la te najil ta yutsˈinel te slumalab te batsˈil ants winiketike.
Te bin lokˈ ta slajibal te tsoˈbleje ja yakˈel ta nael yuˈun te Caravana Por La Vida te ya xa jajchuk ta Altepelmecalli, Casa de los Pueblos, te martes cheb schaˈwinik yuˈun marzo yuˈun te 2022 te yak ta talele. Te karabana ya xa kˈaxuk ta mukˈul lumetik, tut lumetik sok ta slumalik te machˈatik yak yochintaybel te mukˈul aˈteletik yuˈun te ajwalile sok ya xkejcha ta jun uˈ, te cheb schaˈwinik yuˈun abril ta slumal Juchitán, Oaxaca, ta Istmo yuˈun Tehuantepec.
Ta yan cholbil kˈop aˈyej te The Indigenous Peoples Rights International (IPRI) sok Front Line Defenders la smel yoˈtanik ta stojol te yachˈil utsˈineletik te yak ta chiknajel ta stojol te slumal batsˈil tsotsiletik sok tseltaletik ta Chiapas. ta skajibal te 2022, te tsoblejetik te ayik ta jlumaltik la scholbeyik ta tsojol te jujtsˈin utsˈinel yuˈun te machˈatik chapatik ta tujkˈe ta municipio yuˈun Aldama, Ocosingo, Chalchihuitán, Chenalhó, Chilón sok Pantelhó.
Te tut lumetik te la stajik tenele, la yakˈik ta nael ta stojol te mayuk ichˈel ta wenta yuˈun te ini utsˈinel jaˈ yuˈun te bayal wokolile sok tenel lokˈel ta slumalike.
Janix jich, yichˈojikla kˈopetik yuˈun te machˈatik yakalik ta bojlobel ta stojol te slumal batsˈil ants winiketik yuˈun Chivit, Stzelejpotobtik, Yeton, Xuxchen, Tabac, Juxton, Coco’, Stselej Potov sok te Cabecera Municipal yuˈun Aldama.
“ya jkikˈkotok te j-aˈtel patanetik federalatik sok estataletik ta schajpanel te yachˈil utsˈineletike, te schajpanel lekil aˈteletik yuˈun yikˈel bajel ta chukojibal te machˈatik ta bojlobele sok yilel ta lek slumal te machˈatik yakatik skˈambelik ichˈel ta wentae yakuk xu xkuxajik sok slamal kˈinal yuˈun yochintayel sok yakˈel ta ichˈel ta wenta te yochelike ta komun sok ta juju tul” jich la yalik te tsoblejetike.
Ta yan skˈoblal, te Red de resistencia y rebelión del suroeste de Francia, ochik-euk ta swenta yakˈel ta nael te utsˈinel ta stojol te slumal batsˈil ants winiketike, ta swenta te mayuk ichˈel ta mukˈ te la yakˈikix ta nael sok ta ilel te wokolile, sok la stikonikix ta skˈab te yoxkajal j-aˈtel patanetik yuˈun te ajwalile.
“Ya jkakˈkotik ta nael te utsˈinel ta stojol te slumal batsˈil ants winiketik sok te mayukik ta ichˈel ta mukˈ, ya jtenkotik te machˈatik ay yochelik ta ini wokolil te j-aˈtel patanetike te yakuk x-aˈtejik ta yakˈel te ichel ta wenta te yochel ants winiketike, ta yichˈel ta mukˈ te skuxlejal sok te yochel te swinkilel lume. Kˈojyix skˈajkˈalel te yoxkajal j-aˈtel patanetik yuˈun te ajwalile te ya kuk x-aˈtejik ta lek yuˈun jich ya xtejkˈa te utsˈinel te yak ta batsˈijel ta Chiapas” jich kejcha te Red de resistencia y rebelión.
Ta Chiapas Paralelo yatome jcholbeyexkotik te bintik ya xk’ojt ta pasele.La skˈases ta batsˈil kˈop: Juan Gabriel López Ruíz.
Enero yuˈun 2022.
…….
Organizaciones denuncian las olas de violencia en contra de comunidades indígenas.
Estás escuchando un espacio informativo para las comunidades indígenas de Chiapas, producido por el noticiero Chiapas Paralelo, integrante de la Alianza de Medios de la Red de Periodistas de a Pie.
Organizaciones de pueblos originarios se unieron para hacer frente común contra los megaproyectos; esto después del acuerdo presidencial de López Obrador que busca apuntalar proyectos de “interés nacional”.
El Encuentro Nacional Contra Gasoductos y Proyectos de Muerte, fue llevado a cabo en el Altepelmecalli, La Casa de los Pueblos convocado por trece organizaciones, entre ellas los Pueblos Unidos de la Región Cholulteca, el Frente de Pueblos en Defensa de la Tierra y el Agua Morelos-Puebla-Tlaxcala (FPDTA) y el Congreso Nacional Indígena (CNI), el Encuentro Nacional representa una importante oposición al Acuerdo Presidencial que emitió el presidente López Obrador el pasado 22 de noviembre.
El acuerdo de AMLO pretende priorizar grandes proyectos de infraestructura que por su “complejidad y magnitud, se consideren prioritarios o estratégicos para el desarrollo nacional”. Además instruye a las dependencias federales a otorgar autorizaciones provisionales “en un plazo máximo de cinco días hábiles”, para obtener dictámenes, permisos o licencias que les permitan poner en marcha dichos proyectos.
Las organizaciones convocantes señalaron que el actual gobierno federal “es el gobierno de los megaproyectos, de la militarización, del ataque a los pueblos”; y enfatizaron que tanto el Tren Maya, el Corredor Transístmico y el Proyecto Integral Morelos eran tres de las principales amenazas contra los pueblos originarios.
El resultado final del Encuentro fue el anuncio de la Caravana Por La Vida que partirá del Altepelmecalli, Casa de los Pueblos, el próximo martes 22 de marzo del 2022. La caravana irá avanzando por pueblos, comunidades y territorios en resistencia a megaproyectos y concluirá un mes después, el 22 de abril, en la ciudad de Juchitán, Oaxaca, en el Istmo de Tehuantepec.
En otras noticias The Indigenous Peoples Rights International (IPRI) y Front Line Defenders expresaron su preocupación ante la nueva ola de violencia en contra de comunidades indígenas tsotsiles y tseltales en Chiapas. Al inicio de 2022, organizaciones locales les informaron sobre las constantes agresiones por parte de grupos armados en los municipios de Aldama, Ocosingo, Chalchihuitán, Chenalhó, Chilón y Pantelhó.
Las comunidades afectadas reportaron que la impunidad ante este tipo agresiones favorece un ambiente de inseguridad y desplazamientos forzados.
Así mismo, han recibido información sobre varias agresiones por parte de grupos armados en contra de la población civil de las comunidades indígenas de Chivit, Stzelejpotobtik, Yeton, Xuxchen, Tabac, Juxton, Coco’, Stselej Potov y la Cabecera Municipal de Aldama.
“Llamamos a las autoridades federales y estatales a esclarecer los nuevos hechos de violencia, a conducir una investigación con debida diligencia para llevar a los responsables ante la ley de forma expedita y a asegurarse de que las comunidades defensoras puedan vivir en un ambiente seguro para defender y ejercer sus derechos humanos colectivos e individuales”, expusieron las organizaciones.
Por otro lado, la Red de resistencia y rebelión del suroeste de Francia, se unieron en la denuncia de las violencias ejercidas contras los pueblos indígenas, debido a la impunidad a pesar de varias denuncias documentadas y dirigidas a los 3 niveles de gobierno.
“Denunciamos la violencia hecha a los pueblos indígenas y su impunidad. Y, urgimos a que los responsables institucionales actúen como en un Estado de derechos, en el respeto de la vida y de los derechos de los pueblos. Ya es tiempo que los 3 niveles de gobierno actúen para que pare la violencia cada vez mayor en Chiapas”, concluyó la Red de resistencia y rebelión.
Desde Chiapas Paralelo te seguiremos informando.
TRADUCTOR: Juan Gabriel López Ruíz
Enero del 2022.
Sin comentarios aún.