Yermanotak sok Las Abejas de Acteal yakal skˈambelik stojil sok sbejel ta lek te aˈteletik yuˈun slajel te jkanan yochel antswiniketik Simón Pedro
Familiares de Simón Pedro: Foto: Ángeles Mariscal
Nokˈol awaibel, jun kˈop aˈyej te bajem ta stojol te batsˈil ants winiketik ta Chiapas,
chajpambil yuˈun te Noticiero Chiapas Paralelo, te ya x-aˈtej sok te Alianza de Medios de la Red de Periodistas de a Pie.
Maba jajkem te aˈtelil ta swenta slejel sok schukel te machˈatik schˈiko sbajik ta slajel te jkanan yochel antswinketik sok jkˈaxel presidente yuˈun te tsoblaj Las Abejas de Acteal, Simón Pedro Pérez López, kˈojt ta pasel te joˈeb yuˈun julio yuˈun 2021 ta Altos yuˈun Chiapas slumal batsˈil ants winiketik. Te ajwalil liˈ ta estado maba yikˈo bajel ta audiensia te machˈa kuybil ta yakˈel te milawe.
Sjoy ta kuxinel te batsˈil tsotsil jokinbilik yuˈun te swinkilel te Centro de Derechos Humanos Fray Bartolomé de Las Casas, la scholik te jalbotik yuˈun te Fiscalía de Justicia de Chiapas spasel te “juicio abreviado” ta stojol Hugo Rolando “N”, te jaˈtonax chukul stukel sok kuybil ta yakˈel te milawe.
Spasel te juicio abreviado ya xu sten te machˈa chukul, ta schˈunel yakˈel te milawe sok jich ya xkejcha te ini chajpanel. Te maba xa yichˈ pasel jun aˈtelil te ya schol ta lek, schiknatesel te bin utˈil bejen te ini wokolil sok stajel te machˈanix la yakˈik te milawe, jich la schol, Juan López, swinkilel yuˈun te Frayba, tsoblej te yakal skoltabelik sjoy ta kuxinel te Simón Pedro.
“Yermanotak te Simón Pedro sok Las Abejas de Acteal maba la skˈanik te juicio abreviado, la skˈanik te yakukto xbejen te aˈtele yuˈun jich stajel te banti chiknatal te milawe, ta swenta te wokolile kˈojt ta pasel ta yojlil te utsˈineletik yakal ta kˈaxel ta bayuk munisipioetik yuˈun Altos de Chiapas”, jich bin utˈil ta munisipioetik yuˈun Pantelhó, Simojovel sok Chenalhó, la yal Juan López.
Kˈalal maba la skˈanik te juicio abreviado, te Fiscalía de Justicia la skˈan te kajukix scholel ta lek te bin utˈil chiknaj te lajele, sok stˈunel te bin ya yichˈ jalal kˈalal ya x-ichˈot ta kˈope te Hugo Rolando “N”.
Jaxan, maba xnaba bin yuˈun, ta bayuk welta te j-aˈtel patanetik yuˈun Chiapas maba yikˈojik bajel te machˈa tsakbile -te kˈaxemix ta jun jaˈbil chukul tey ta El Amate- ta ichˈel ta kˈop, yuˈun jich ya xchol te bin kˈojt ta pasele, sok jich te abogado yuˈun yermanotak te Simón Pedro ya xu sjachbey jojkˈoyeletik.
Te machˈatik kˈux ta yoˈtane sok te abogado yuˈun yermanotak te Simón Pedro, ta ichˈel ta kˈop te ini oxeb sok chaneb yuˈun marzo, ya skˈanik te yoˈtik te ajwalil ya yikˈbajel te machˈa chukule yuˈun jich ya xu xkˈopo sok jich ya yichˈ jachbeyel jojkˈoyeletik.
Ta Chiapas Paralelo yatome jcholbeyexkotik te bintik ya xk’ojt ta pasele.
Tsˈibabil yuˈun: Ángeles Mariscal
La skˈases ta batsˈil kˈop: Juan Gabriel López Ruíz.
Marzo yuˈun 2023
……
Familiares y Las Abejas de Acteal exigen claridad y avance en la investigación del asesinato del defensor Simón Pedro
Estás escuchando un espacio informativo para las comunidades indígenas de Chiapas, producido por el noticiero Chiapas Paralelo, integrante de la Alianza de Medios de la Red de Periodistas de a Pie.
No ha avanzado la investigación para enjuiciar a los autores intelectuales del asesinato del defensor de derechos humanos y ex presidente de la organización Las Abejas de Acteal, Simón Pedro Pérez López, ocurrido el 5 de julio de 2021 en la zona indígena de Los Altos de Chiapas. El gobierno del estado no ha llevado a las audiencias al presunto autor material del crimen.
Familiares del indígena tsotsil acompañados de integrantes del Centro de Derechos Humanos Fray Bartolomé de Las Casas, explicaron que la Fiscalía de Justicia de Chiapas les propuso realizar un “juicio abreviado” contra Hugo Rolando “N”, hasta ahora el único detenido y presunto autor material del homicidio.
Realizar el juicio abreviado hubiera implicado que la persona acusada aceptara la culpabilidad del crimen y se cerrara el caso, sin que hubiera una investigación profunda que permita esclarecer los móviles del homicidio e identificar los autores intelectuales, explicó Juan López, integrantes del Frayba, organización que representan a la familia de Simón Pedro.
“La familia de Simón Pedro y Las Abejas de Acteal se negaron al juicio abreviado, pidieron que se siguiera el proceso de investigación para encontrar el móvil del asesinato, porque el asesinato se dio en el contexto de violencia que se vive en diversos municipios de los Altos de Chiapas”, entre ellos en los municipios de Pantelhó, Simojovel y Chenalhó, explicó Juan López.
Tras negarse al juicio abreviado, la Fiscalía de Justicia tendría que haber iniciado la investigación de fondo sobre el asesinato, apoyado en las pistas que se dieran en el juicio contra Hugo Rolando “N”.
Sin embargo, sin explicar el motivo, en reiteradas ocasiones las autoridades de Chiapas se han negado a trasladar al detenido -quien lleva más de un año recluido en el penal El Amate- a las audiencias para que declare sobre los hechos, y para que sea interrogado por el abogado de la familia de Simón Pedro.
Los familiares y abogados de la familia de Simón Pedro, que en la audiencia de este 3 y 4 de marzo, esperan que en esta ocasión el gobierno sí traslade al detenido para que pueda declarar y ser interrogado.
Desde Chiapas Paralelo te seguiremos informando.
Redacción: Ángeles Mariscal
Traductor: Juan Gabriel López Ruíz
Marzo del 2023
No comments yet.