Antsetik lokˈik ta bejel ta skˈanel ichˈel ta mukˈ yuˈun te yochel skuxlejalik banti manchuk stajik utsˈinel
Violencia machista en pueblos originarios: mujeres resisten y protestan contra los feminicidios. Foto: Rocío Gallegos
Nokˈol awaibel, jun kˈop aˈyej te bajem ta stojol te batsˈil ants winiketik ta Chiapas,
chajpambil yuˈun te Noticiero Chiapas Paralelo, te ya x-aˈtej sok te Alianza de Medios de la Red de Periodistas de a Pie.
Patria, Minerva sok María Teresa Mirabal oxtul wixetik te la yochintaybeyik skˈop te chopol dominikano Rafael Leónidas Trujillo. “Las Mariposas”, jichla bijintesbilik, yakalikla-a ta nopjun ta universidad, nujpunemik sok ayla yal snichˈanik. Minerva sok María Teresa kˈaxemikixla ta snaul te chukujibale.
Ta joˈeb schaˈwinik yuˈun noviembre yuˈun 1960 la yichˈik milel ta smantal Trujillo, te slajelike kˈatpu ta slokˈomba spamal bajlumilal yuˈun utsˈinel ta stojol te antsetike. “Teme la milonike, yaxa jlokˈes schebal jkˈab tey ta jmukenale sok bayelme jkip ya xlokˈontal” jich la yal Minerva ta chanlajuneb schaˈwinik yaˈbilal. Ta 1999 te ONU la skˈatpuntes te slajelike ta jun tulan kˈajkˈal ta spamal bajlumilal yuˈun stejkˈanel te utsˈinel ta stojol te antsetik, ja yuˈun, ta jujun jaˈbil ya yichˈ ichˈel ta muk ta jlumaltik ta swenta skanantayel yochelik te antsetike.
Tema 3 mil ta jtul antsetik lokˈik ta bejal tey ta México ta swenta skˈanel ichˈel ta mukˈ yuˈun yochel skuxlejalik banti manchuk stajik utsˈinel. Te bejel ta 25 yuˈun Noviembre ja stojol te aˈtelil ta jujun jaˈbil ta spamal bajlumilal te waklajuneb kˈajkˈal ta kˈop yuˈun skejchajel te utsˈineletik ta stojol te antsetike.
Ta México jaˈ te banti ya yichˈ milel ta jujun kˈajkˈal bulucheb ta jtul antsetik, te utsˈinel ta stojol te antsetike biluk bin utˈil ya xchikna. Jaˈ yuˈun, bayal ta jtul antsetik ya xlokˈik ta bejel ta jujun jaˈbil ta skˈanel ichˈel ta muk yuˈun te yochel skuxlejalik banti manchuk stajik utsˈinele.
Te chaoxpˈal kˈop ini ja stojol te bejele.
Jen ja jun periodista ta Yo también, jun pukˈ chol kˈop aˈyej te ya xkˈopojik sok te machˈatik maba tsˈakal ayike. La yal waxakeb ta jujun lajuntul antsetik te maba tsˈakal ayike ay stajojik utsˈinel yuˈun te smamalalike, jich akˈbil ta nael ta jun jojkˈoyeletik pasbil yuˈun te Centro Interdisciplinario de Derechos Infancia Y Parentalidad AC.
“Bayal welta te maba jtajkotik ta nael bintik utsˈinel yakal ta kˈaxel kuunkotike, ya jkuykotik te jaˈ utsˈinel teme ya smajonkotike”.
Guadalupe, sok snan, yichˈojik ta skˈabik jun kartulina sok slokˈombail banti ya yakˈ ta ilel majel ta yejlaw te yachˈixe sok ya xkˈopojik yuˈun te maba chujk te machˈa bojlobe.
Anahí te ya x-aˈtej ta schˈalel te ants winiketik, te ini joˈeb schaˈwinik yuˈun noviembre lokˈ ta bejel sok te tut yachˈix te tsˈakayem joˈeb yaˈbilal, tulan yakal ta aw kˈalal yakal ta bejele “jmojlol, jwix, teme ya smajat, maba kˈuxat ta yoˈtan” xchij ta aw.
….
Ta yan cholbil kˈop aˈyej, te Colectiva Cereza, jun tsoblej te ya xkoltawan ta schajpanel te wokolil ta chukojibal yuˈun te antsetik ta Chiapas, la skˈan te kˈaxel miércoles oxeb schaˈwinik yuˈun noviembre te skojlel joˈlajuntul antsetik te chukatik tey ta San Cristóbal de Las Casas, Chiapas, banti la yal te maba toj la yich chajpanbeyelik te smulike, la yichˈik jachbeyel ta jichnax te smulike sok chaoxtulik te maba ayuk machˈa koltayotik ta kˈop kˈalal kajik ta ichˈel ta kˈope.
Patricia Araceli sok jwojkˈ antsetik te yakatik ta koltawe jich- euk te abogadaetik te yakalik ta aˈtel tey ta Colectiva Cereza la yakˈik ta nael sbijil te joˈlajuntul antsetik tsakatik tey ta chukojibal te joˈeb yajtalul ta San Cristóbal de Las Casas, la scholik te maba lek la schajpanbeyik te smulike “la stajik utsˈil yuˈunla, la yichˈik chajpanel ta skˈab sok smatal te winiketike”
Ta jaˈbil kˈaxeliktoe Araceli sok te smojlolab ayla yulatayojikix te ini chukojibal, la yalik te spisilik sok ta jujun tul te antsetik ini, ay stajojik utsˈinel yuˈun te maba pajalik ta ichˈel ta mukˈe, la stajik laˈbanel, chopoltayel, sok majel yuˈun te smamalalike, ta spatilal la xcha yichˈik chukel yuˈunla stajik kujchinel ta muliletik te maba la spasik mak te aynix la spasike, ta swenta te maba ayuk stakˈinik ta skoltayel yal snichˈanike.
Te koltawaneje la schol, te liˈ ta Chiapas maba ayuk lekil chajpajel ta stojolik te antsetike, jaˈ yuˈun la skˈambey te Poder Judicial del Estado yakuk yilbey ta lek smulik te antsetike sok akˈ yakˈ te lekil koltayel lokˈele.
“Ya jkˈankotik te yichˈ aˈtentayel ta leke sok chajpanel ta pajalnax, te pajaluk ichˈbiluk ta muk te stsˈumbalik sok te yochelike. Ya jkˈanbeykotik te FGE yakuk xkejcha ta sjachel muliletik ta stojol te antsetik, yakuk xkejcha ta tenaw ta kˈop sok stejkˈanel te aˈteletike. Ya jkˈankotik te smelelil sok te lekil chajpajele, jun chajpajel te mayuk machˈa ya yutsˈine”. Jich la yal Araceli.
Ta Chiapas Paralelo yatome jcholbeyexkotik te bintik ya xk’ojt ta pasele.
La skˈases ta batsˈil kˈop: Juan Gabriel López Ruíz.
Noviembre yuˈun 2022
……
Mujeres marcharon para reivindicar el derecho a vivir sin ser violentadas
Estás escuchando un espacio informativo para las comunidades indígenas de Chiapas, producido por el noticiero Chiapas Paralelo, integrante de la Alianza de Medios de la Red de Periodistas de a Pie.
Patria, Minerva y María Teresa Mirabal eran tres hermanas que combatían el dictador dominicano Rafael Leónidas Trujillo. “Las Mariposas”, como les llamaban, eran universitarias, casadas y con hijos. Dos de ellas Minerva y María Teresa, ya habían pasado por la cárcel.
El 25 de noviembre de 1960 fueron asesinadas por el régimen de Trujillo y su asesinato se convirtió en símbolo mundial de la violencia contra la mujer. “Si me matan, sacaré los brazos de la tumba y seré más fuerte”, había dicho Minerva de 34 años. En 1999, la ONU convirtió la fecha de sus asesinatos en un día internacional contra la violencia a las mujeres, y desde entonces, cada año se conmemora en nuestros países como una reivindicación política.
Unas 3 mil mujeres marcharon en la ciudad de México para reivindicar el derecho a vivir sin ser violentadas. La marcha naranja del #25N fue, como cada año el inicio de una jornada mundial de 16 días de activismo contra la violencia hacia las mujeres.
En México donde son asesinadas cada día 11 mujeres, la violencia contra las mujeres tiene muchas formas. Por eso, miles de mujeres salen cada año a reivindicar el derecho a vivir sin violencia.
Estos son algunos de sus motivos para la marcha.
Jen es periodista de Yo también, un medio de comunicación con accesibilidad para las personas con discapacidad. Dice que 8 de cada 10 mujeres con discapacidad han vivido episodios de violencia con su pareja, según una encuesta realizada por el Centro Interdisciplinario de Derechos Infancia Y Parentalidad AC.
“Muchas veces ni siquiera sabemos qué tipo de violencias son las que estamos viviendo, porque pensamos que sólo es violencia si nos golpean”.
Guadalupe, su madre, lleva en sus manos una cartulina con las fotos que muestran los golpes que desfiguraron el rostro de su hija y reclama que su agresor sigue libre.
Anahí es estilista, este #25N salió a marcha junto a su hija de 5 años, grita con fuerza mientras camina: “Amiga, hermana, si te pega, no te ama”
…
En otras noticias, la Colectiva Cereza, una organización civil de apoyo jurídico a mujeres en Chiapas, exigió el pasado miércoles 23 de noviembre la libertad de 15 mujeres presas en el penal estatal de San Cristóbal de Las Casas, Chiapas de quienes dijo enfrentaron juicios plagados de irregularidades, como la prefabricación de delitos y algunas de ellas como falta de traductores a la hora de su juicio.
Patricia Araceli y un grupo de mujeres activistas y abogadas que conforman la Colectiva Cereza dieron a conocer los nombres de 15 mujeres recluidas en el penal estatal número 5 de San Cristóbal de Las Casas, refieren que enfrentaron procesos irregulares “víctimas de un proceso judicial machista y patriarcal”.
Araceli y sus compañeras que han visitado ese penal desde hace algunos años, señalaron que todas y cada una de estas mujeres, han sufrido violencias de la desigualdad, discriminación, racismo, maltrato y tortura en la pareja, para seguir con una detención violenta acusadas la mayoría de delitos que no han cometido o que sí, derivado de tener que tomar decisiones económicas para sostener a sus hijas e hijos.
La activista expuso que en Chiapas no hay justicia para las mujeres, por lo que exigió que el Poder Judicial del Estado revise las causas de las mujeres y dé libertades reales.
“Exigimos se investigue y se juzgue con perspectiva de género, interculturalidad y derechos humanos. Exigimos que la FGE deje de construir delitos contra las mujeres, deje de torturar y de obstaculizar las investigaciones. Exigimos el derecho a la verdad y a la justicia, a una justicia transformadora”. Dijo Araceli.
Desde Chiapas Paralelo te seguiremos informando.
TRADUCTOR: Juan Gabriel López Ruíz
Noviembre del 2022
Sin comentarios aún.