Najtˈ sbejlal sok jujun kˈajkˈal lujbel yuˈun stajel te jaˈ ta naj
Altar para pedir a la Mare Tierra le provea agua a los pueblos. Foto: Ángeles Mariscal
Chˈunujeletik yuˈun te jkajwaltik ta municipio yuˈun Chilón lokˈik ta bejel ta swenta skojlel jtuneletik te chukatike sok te machˈatik yakatik ta tˈunele / Najtˈ sbejlal sok jujun kˈajkˈal lujbel yuˈun stajel te jaˈ ta naj.
Nokˈol awaibel, jun kˈop aˈyej te bajem ta stojol te batsˈil ants winiketik ta Chiapas,
chajpambil yuˈun te Noticiero Chiapas Paralelo, te ya x-aˈtej sok te Alianza de Medios de la Red de Periodistas de a Pie.
Te kˈaxel jun schaˈwinik yuˈun septiembre yuˈun 2022 bayal ta jtul katoliko winiketik sok antsetik yuˈun te slumal tseltaletik ta Chilón, lokˈik ta bejel ta swenta skˈanel skojlel baluneb ta jtul jtuneletik, chaˈtul ta Chilón, joˈtul ta San Juan Cancuc sok chaˈtul ta Pantelhó, jich bin utˈil-euk stejkˈajel xchujkel te jtatik Marcelo Pérez Pérez.
Spisil la yalik te lokˈik ta bejel ta swenta slamalil kˈinal sok sjachel lekil chajpajel, jich bin utˈil ikˈawanik ta spasel te Episcopado Mexicano, te Conferencia de Superiores Mayores de Religiosos de México, te Consejo Nacional de Laicos y la Provincia Mexicana de la Compañía de Jesús, jaˈ yuˈun lokˈik ta bejel tey ta Bachajón, municipio yuˈun Chilón ta skˈanel lekil chajpajel ta stojol te machˈatik chukatike sok te machˈatik yakatik ta tˈunele.
La yalik te ini jukeb schaˈwinik yuˈun septiembre, jtul juez tey ta chukojibal yuˈun Ocosingo, ya xa yakˈ ta nael te bin ya xa yichˈ pasbeyel te chaˈtul jtuneletike, José Luis Gutiérrez Hernández sok César Hernández Feliciano, la yichˈik chukel te joˈlajuneb yuˈun octubre yuˈun 2020 ta swenta te ochikla ta jun marcha. Ta skˈajkˈalelal ini, jokoyal te koltayel yuˈun tsoblejetik te ya skanantayik yochel antswiniketik te la schˈiksbajike, la yichˈik koltayel lokˈel ta sjajchibal noviembre yuˈun 2020, jaˈnax yuˈun aˈtentaybotikto te jachbil smulike, yatola skˈan xkˈojtiik ta sit te Juzgado de Control yuˈun Ocosingo.
“Te ini tsakeletike ya skˈan stejkˈanik te yakˈel ta nael chopoliletik te chiknajemik ta jlumaltik sok ya yutsˈinik slamalil kˈinale ta jkˈinaltike. Te smul jachbil yuˈun te jbankiltike jaˈ ta swenta skanantayel yochel te slumalab batsˈil antswiniketike, jich bin utˈil-euk te skˈinalik sok stalel skuxlajalik te kˈajyemik ta spasele, te ya xtuun ta skuxlejal te jlumaltike”, jich la yalik te batsˈil antswiniketik ta jun kˈop aˈyej kˈalal kejchaj te bejele.
Ta yan cholbil kˈop ayej, ta Chiapas te antsetike tenbilik ta sbejentayel ta chaneb mak joˈeb kilometro ta skuchel bajel jaˈ ta snajik.
“Ya xu jtajtik jaˈ, jaxan maba ay kuunkotik te bin utˈil ya yichˈ ichˈel bajel ta naje” la yal María Luisa Gómez Pérez, swinkilel yuˈun te municipio yuˈun Sitalá, te ay ta zona selva. María ya xjul ta yoˈtan te kˈalal tuto-a ya la xbajt sok te snan, te swishitak sok yantikxan antsetik, ta nopol mukˈul jaˈ, te ay ta chaˈwinik minuto sbejlal, banti ya yichˈik bajel jaˈ te ya xtuun yuˈunike, te kˈax bayal ya xtuun ta spasel te weilile.
Te skuchel jaˈ, jaˈ jun aˈtelil te ya yich pasel ta cheb sok ta oxeb welta ta jujun kˈajkˈal, sok jaˈ yokelik spasel te antsetike sok te alaletik. “kˈalal toton-a la jkuch jtab litro, kˈalal mukˈubone cheb weltaxan yalal te ya jkuche; lujbenon ya xkˈojyon sok skˈuxul jolol, jaxan yatome jpas yantik xan aˈtelil ta naj, sok kˈojyel ta snaul nop jun. Te yotik maba jkˈan ya xkˈojt ta stojol-euk te jkachˈixe”. Jich la schol María Luisa, ta spatilal lajuneb schaˈwinik jaˈwil ta spasel jujun kˈajkˈal te ini lujbentik sbaj aˈtel, kˈatpu ta jtunel yuˈun te jaˈ.
“Ta INEGI ya xchiknaj te ay yaˈalik joˈlajuneb yoˈwinik porsiento te swinkilel lume, banti ma ichˈbil ta wenta te ya xkˈojt junax welta ta semana sok tatuben ya xkˈojte” la schol Fermín Reygadas, director yuˈun te Cántaro Azul, tsoblej yuˈun te sociedad civil te ya x-aˈtej sok te tut lumetik ta stajel jaˈ, te maba ayuk schopolil ya xkˈojt sok kanataybil ta leke.
Ta swenta jaˈ, te ya stuun te antswiniketik ay chaˈchajp skˈoblalul: stajel jaˈ, jich bin utˈil-euk te slekilale, jich la yal Reygadas. Te chopolil jaˈ ya stuun te antswiniketike jaˈ yuˈun te maba ay kantariyae sok sbejlal te chopol jaˈetike, jich la schol te director yuˈun Cántaro Azul, teme maba ayuk te ini awilaletik, maba ayuk lek sok maba lek ayike, te bin ya schˈoj lokel te antswiniketike ya spuk sbaj ta lum kˈinal sok ya xkˈojt ta tuboetik te ya xlokˈ ta yok jaˈetik.
“Maba lek ta stojo te alaletike, maba lek ya skuchik te bin kˈax ale, maba lekuk ya spasik te ini aˈtelil kˈal ya xu xbajt ta snaul nop june” jich la schol María Luisa, tey ta tsoblej yuˈun te Primer Encuentro Interestatal de Organizaciones Comunitarias de Servicios de Agua y Saneamiento te la yichˈ pasel ta schebal semana yuˈun septiembre ta San Cristóbal de Las Casas, Chiapas.
“Te ini tsoblej tulan skˈoblal, ta sweta te ya stojlintesbotik jsitik ta jun aˈtelil yuˈun stajel jaˈ sok slekilal, ayix jaˈwil te maba ichˈbil ta mukˈe, sok jaxan ta México yala xchiknaj ta ilel kˈaxem ta jtab millones ta jtul, te machˈatik ya stajik jaˈ ta swenta te lejbil ta komun yuˈun te swinkilel lume”, jich la yalik te tsoblejetik ikˈawanike, te banti ochemik te Fundación Avina, Fondo para la Paz, Centinelas del Agua sok Cántaro Azul, te junax ayik ta aˈtel sok te Fundaciones Gonzalo Río Arronte sok W.K. Kellogg.
Ta Chiapas Paralelo yatome jcholbeyexkotik te bintik ya xk’ojt ta pasele.
La skˈases ta batsˈil kˈop: Juan Gabriel López Ruíz.
Septiembre yuˈun 2022
…..
Pueblos creyentes del municipio de Chilón marcharon por la libertad de líderes comunitarios presos y perseguidos / Caminatas largas y cansancio diario, para conseguir agua en el hogar.
Estás escuchando un espacio informativo para las comunidades indígenas de Chiapas, producido por el noticiero Chiapas Paralelo, integrante de la Alianza de Medios de la Red de Periodistas de a Pie.
El pasado 21 de septiembre de 2022 más de un millar de hombres y mujeres católicos de la región tseltal de Chilón, realizaron una marcha-procesión para exigir así la libertad de nueve líderes comunitarios, dos de esa región, cinco de San Juan Cancuc y dos de Pantelhó, así como la cancelación de la orden de aprehensión en contra del párroco Marcelo Pérez Pérez.
Convencidos, dijeron marchar por la paz y la construcción de la justicia, como los ha llamado el Episcopado Mexicano, la Conferencia de Superiores Mayores de Religiosos de México, el Consejo Nacional de Laicos y la Provincia Mexicana de la Compañía de Jesús, es por eso que salieron a las calles en Bachajón, municipio de Chilón para exigir justicia para los detenidos y perseguidos políticos.
Señalaron que el próximo 27 de septiembre, un juez del penal de Ocosingo, emitirá una sentencia en contra de dos líderes comunitarios, José Luis Gutiérrez Hernández y César Hernández Feliciano, quienes fueron detenidos el 15 de octubre del 2020 por participar en una protesta. En aquella ocasión, gracias a la solidaridad de las organizaciones defensoras de los derechos humanos que intervinieron, fueron liberados el 1 de noviembre del 2020, pero con la condición de continuar su proceso penal presentándose de manera periódica ante el Juzgado de Control de Ocosingo.
“Estas detenciones intentan reprimir la justa denuncia de nuestros pueblos y obstaculizan la paz en nuestros territorios. La criminalización de estos hermanos nuestros ha sido por defender los derechos de los pueblos originarios, así como su territorio y sus costumbres, sustento vital de nuestras comunidades”, dijeron los indígenas en un mitin al final de la marcha-peregrinación.
En otras noticias en Chiapas las mujeres deben caminar distancias de hasta cuatro o cinco kilómetros para llevar el agua, cargando, a sus hogares.
“Podemos tener el agua, pero no tenemos como llevarlo al hogar”, dice María Luisa Gómez Pérez, habitante del municipio de Sitalá, ubicado en la zona selva. María recuerda que de niña iba con su madre, sus hermanas y otras mujeres, al río más cercano, ubicado a 40 minutos de distancia, para acarrear el agua que les serviría, sobre todo, para la preparación de alimentos.
El acarreo de agua es una jornada que se repite dos y hasta tres veces al día, y que recae principalmente en las mujeres, los niños y las niñas. “Cuando era niña cargaba 20 litros, ya de mujer la carga era el doble; llegaba agotada, con dolor de cabeza y aun así, teníamos que seguir con las otras tareas en la casa, e ir a la escuela. Ahora yo no quiero eso para mi hija”, explica María Luisa, quien luego de tres décadas de repetir todos los días la agotadora labor, se hizo gestora comunitaria del agua.
“En el INEGI aparece como que tienen agua potable el 95 por ciento de la población, no importa que llegue una vez a la semana y que llegue contaminada”, explica Fermín Reygadas, director de Cántaro Azul, organización de la sociedad civil que trabaja con comunidades en la mejora del acceso al agua en condiciones de higiene, y saneamiento.
En el tema del agua para consumo humano hay dos variantes: la accesibilidad, pero también la calidad, explica Reygadas. La contaminación del agua de consumo humano tiene relación con la falta de sistemas de alcantarillado y drenaje, sostiene el director de Cántaro Azul, porque al no existir esos sistemas, ser insuficientes o estar en mal estado, los desechos humanos se dispersan en la intemperie y algunos se vierten en tubos que van a dar a ríos y afluentes.
“No es algo justo para los niños y niñas, no está bien que carguen tanto peso, no está bien que tengan que hacer esta labor en vez de ir a la escuela”, explica María Luisa, en la reunión del Primer Encuentro Interestatal de Organizaciones Comunitarias de Servicios de Agua y Saneamiento que la segunda semana de septiembre se llevó a cabo en la ciudad de San Cristóbal de Las Casas, en Chiapas.
“Este encuentro resulta relevante, pues nos hace mirar hacia una estrategia de acceso al agua y saneamiento que ha sido históricamente invisibilizada, a pesar de que en México se estima que más de 20 millones de personas acceden al agua gracias a la gestión comunitaria”, señalaron las organizaciones convocantes, entre ellas Fundación Avina, Fondo para la Paz, Centinelas del Agua y Cántaro Azul, en alianza con las Fundaciones Gonzalo Río Arronte y W.K. Kellogg.
Desde Chiapas Paralelo te seguiremos informando.
TRADUCTOR: Juan Gabriel López Ruíz
Septiembre del 2022
Sin comentarios aún.