Tsoblejetik la yakˈik ta nael te smelo yoˈtanik ta stojol te jtatik te kˈan yichˈ akˈbeyel smul / Te mukˈul ajwalil kˈojt ta Ocosingo, Chiapas te ini slajibal semana.
Manifestaciones a favor del padre Marcelo Pérez. Foto: Archivo
Nokˈol awaibel, jun kˈop aˈyej te bajem ta stojol te batsˈil ants winiketik ta Chiapas,
chajpambil yuˈun te Noticiero Chiapas Paralelo, te ya x-aˈtej sok te Alianza de Medios de la Red de Periodistas de a Pie.
Te Diócesis yuˈun San Cristóbal de Las Casas la yakˈ ta nael te ay jun mantal yuˈun chukel ta stojol te jtatik tsotsil Marcelo Pérez Pérez, ta swenta sjokinel swinkilel te lum kˈinal, te ya yakˈik ta nael sok ya yochintayik te chopol tsoblejetike.
Te Fiscalía General de Chiapas la sjach jun mantal ta swenta schujkel te jtaike, kˈalal kˈan smulinik sok te stsajkel, schˈayel jun schaˈwinik ta jtul antswiniketik ta municipio yuˈun Pantelhó, municipio banti te jtatik ochem bin utˈil chajpanwane, kˈalal te julio yuˈun 2021, jun tsoblej te chapatik ta tujkˈ te yichˈo sbijilik El machete, la stenik lokˈel ta machˈtik ochemik sok te chopol tsoblejetike.
Ta jun komun chajpanbil kˈop aˈyej, tsoblejetik la yakˈik ta nael te smelo yoˈtanik ta stojol te Marcelo Pérez Pérez te kˈan yichˈ akˈbeyel smule. Tey ta kˈop aˈyeje, la yalik, te jtatik Marcelo la yichˈ akˈbeyel smul ta yaˈwilal 2014, jich bin utˈil-euk xiwtesel, tˈunel sok majel te kaj ta batsˈijel ta 2020.
Ja yuˈun, la stenik te ajwalil federal ta skanantayel, sok yakˈel ta nael skojlel te jtatik marcelo, janix jich, ikˈawanik ta yichˈel ta mukˈ yaˈtel te jtatik ta swenta skanantayel te yochel ants winiketik, sok akˈa yichˈ pasel spisil te aˈteletik te ya xtuune yuˈun jich ya x-ichˈot ta wenta te yochele, janix jich te slekilal sbakˈetal sok te slekilal yoˈtane.
Ta skˈajkˈalel stsˈakayel jaˈwil slajel te katekista sok kˈaxel presidente yuˈun te tosblej Las Abejas de Acteal, Simón Pedro Pérez -la yichˈmilel te joeb yuˈun junio ta 2021-, bayalik ta jtul chˈunujeletik yuˈun te Diócesis yuˈun San Cristóbal la skˈanik ichel ta mukˈ ta wak jpam lumetik yuˈun te slumal Chiapas.
Tey ta bejele, ochemik te batsˈil antswiniketik yuˈun te munisipioetik yuˈun San Cristóbal, Ocosingo, Comitán, Tenejapa, Chilón, Simojovel, Chenalhó, Pantelhó, San Juan Chamula, San Juan Cancuc sok Nuevo Israelita, banti la yichˈik ta mukˈ te Simón Pedro, te slajele la yakˈ ta ilel sbatsˈiejel te chopol tsoˈblejetik ta slumal Chiapas, jich ya yakˈ ta ilel te chajpanbil jun akˈbil ta nael yuˈun te Centro de Derechos Humanos Fray Bartolomé de Las Casas (Frayba).
Janix jich, la yakˈik ta nael te koltayel yuˈunik ta stojol te jkanan yochel antswiniketik te jtatik Marcelo Pérez, ta spatil kˈalal te Fiscalía General del Estado (FGE) la yakˈ jun mantal yuˈun schujkel.
Ta yan cholbil kˈop aˈyej te ajwalil Andrés Manuel López Obrador kˈopoj ta swenta te waxaklajuneb jaˈwiletik sjajchel te zapatistaetik, “maba skˈan chˈayel ta oˈtanil te machˈatik ya yochintayik te wokolil sok te ya yakˈik skuxlejalik ta swenta slejel te lekil chajpajele”.
Ta skˈajkˈalel, yoxebal sjamel te snaul yuˈun te Banco del Bienestar te la stojlintes te ini salajibal semana ta Ocosingo, Chiapas, te ajwalil López Obrador la yakˈ ta nael te mukˈ skˈoblal sjajchel te zapatistaetike, te jpisiltik ya skˈan jnatik sok manchuk xchˈay ta jkoˈotantik, ta swenta “te wokoliletik te maba x-ichˈot ta wentae, ya xtˈom”.
La sna te skˈanel ichˈel ta mukˈe jajch ta swenta te kˈax chˈayel ta oˈtanil te yakalik-a te chiapanekoetike, te slumalik sok ta stojol te slumal batsˈil antswiniketike. Ja yuˈun la stajik ta nopel stsakel te tujkˈ ta sjajchibal enero yuˈun 1994, ta spatilal skˈojyel te soldadoetike jajch te majtamba tey ta mercado yuˈun Ocosingo.
Te ajwalile la yal, jaxan sok te ini pichˈ oˈtanil, lekukme ya jkaiy jbajtik, ta swente te yoˈtik ya xu jtsob jbajtikix sok salamalil kˈinal liˈ ta Ocosingo, sok la yal ta stojol te programaetik yuˈun Bienestar ya la yakˈ xkuxinotik sok slamal kˈinal, te ja sit te lekil chajpajele.
Ta spatilal, kˈalal yakalix ta ijkˈubela, López Obrador kˈojt ta San Cristóbal de Las Casas, ta skˈajkˈalel te la yichˈ akˈel te Templo sok te Ex Convento yuˈun Santo Domingo de Guzmán sok te Catedral.
Ta Chiapas Paralelo yatome jcholbeyexkotik te bintik ya xk’ojt ta pasele.
La skˈases ta batsˈil kˈop: Juan Gabriel López Ruíz.
Julio yuˈun 2022
……
Organizaciones expresaron su preocupación por el intento de criminalización en contra del sacerdote indígena / El presidente de la republica llego este fin de semana en Ocosingo, Chiapas.
Estás escuchando un espacio informativo para las comunidades indígenas de Chiapas, producido por el noticiero Chiapas Paralelo, integrante de la Alianza de Medios de la Red de Periodistas de a Pie.
La Diócesis de San Cristóbal de Las Casas dio a conocer que el sacerdote indígena tsotsil Marcelo Pérez Pérez, tiene una orden de aprehensión, como resultado del acompañamiento que ha hecho a pueblos y comunidades que denuncian y enfrentan a grupos criminales.
La Fiscalía General de Chiapas giró una orden de aprehensión contra el sacerdote, al querer vincularlo en la detención y desaparición de 21 personas en el municipio de Pantelhó, municipio donde el religioso fungió como mediador, cuando en julio de 2021 un grupo de autodefensas armadas llamado El Machete, expulsó a quienes consideraba eran parte del crimen organizado.
A través de una declaración conjunta, organizaciones expresaron su preocupación por el intento de criminalización en contra de Marcelo Pérez Pérez. En la declaración, señalaron que el padre Marcelo fue víctima de criminalización en 2014, así como de amenazas, hostigamiento, intimidaciones y agresiones físicas que han aumentado de manera considerable desde 2020.
Por ello, instaron al gobierno federal a proteger y garantizar libertad personal del padre Marcelo. Así mismo, hicieron un llamado a que se reconozca la legítima labor de defensa de los derechos humanos realizada por parte del párroco y se lleven a cabo todas las acciones pertinentes para garantizar el ejercicio de sus derechos, así como su integridad física y emocional.
En el marco del aniversario del asesinato del catequista y expresidente de la organización Las Abejas de Acteal, Simón Pedro Pérez -asesinado el 5 de junio de 2021 -, miles de feligreses de la Diócesis de San Cristóbal se manifestaron en seis regiones del estado de Chiapas.
En las manifestaciones participaron principalmente indígenas de los municipios de San Cristóbal, Ocosingo, Comitán, Tenejapa, Chilón, Simojovel, Chenalhó, Pantelhó, San Juan Chamula, San Juan Cancuc, y la comunidad Nuevo Israelita, donde se rindió un homenaje a Simón Pedro, cuyo asesinato evidenció el avance de la violencia del crimen organizado en el estado de Chiapas, señala el informe que hizo público el Centro de Derechos Humanos Fray Bartolomé de Las Casas (Frayba).
Así también manifestaron su apoyo hacia el defensor de derechos humanos el sacerdote Marcelo Pérez, luego de que la Fiscalía General del Estado (FGE) solicitó una orden de captura en su contra.
En otras noticias el presidente Andrés Manuel López Obrador señaló en su discurso que a 28 años del levantamiento armado zapatista “no debe de olvidarse nunca a los que luchan y dan la vida por la justicia».
Durante la tercera apertura de sucursales del Banco del Bienestar que encabezó este fin de semana en Ocosingo, Chiapas, el presidente López Obrador se refirió al levantamiento zapatista como un acontecimiento fuerte que todos debemos conocer y no olvidar porque «problema que se soslaya, estalla»
Recordó que el movimiento surgió por el olvido completo en que se encontraba el pueblo chiapaneco, sus comunidades y, especialmente los pueblos indígenas. Por lo tanto, decidieron tomar las armas el 1° de enero de 1994, y tras el arribo del Ejército se registró un enfrentamiento en el mercado de Ocosingo.
El primer mandatario agregó que, aún con ese dolor, debemos sentirnos satisfechos porque es posible reunirse en paz en Ocosingo, y puntualizó que los Programas de Bienestar nos permiten vivir en paz, que es fruto de la justicia.
Más tarde, casi al caer la noche, López Obrador estuvo en San Cristóbal de Las Casas, en el marco de la entrega del Templo y Ex Convento de Santo Domingo de Guzmán y la Catedral.
Desde Chiapas Paralelo te seguiremos informando.
TRADUCTOR: Juan Gabriel López Ruíz
Julio del 2022
Sin comentarios aún.