Skˈoblalul te j-aˈtel batsˈil keremetik ta yajkˈolal yuˈun te jlumaltik, slumalab Oxchuc ya stuch kˈabtayik te ajwalil bin utˈil jolol yuˈun te paramilitaretik.
Foto: Archivo
Nokˈol awaibel, jun kˈop aˈyej te bajem ta stojol te batsˈil ants winiketik ta Chiapas, te chajpambil yuˈun te Noticiero Chiapas Paralelo, ya x-aˈtej sok te Alianza de Medios de la Red de Periodistas de a Pie.
Ta tsˈibabil jun “Rumbo al norte. Narrativas de jornaleros choles y tseltales en la migración de Chiapas a Sonora” yuˈun Óscar Sánchez Carrillo, ya schol te yaˈtejibal sok te stulanil skˈoblal te bin utˈil junax ayik te j-aˈtel batsˈil winiketik yuˈun Chiapas sok te agroempresaetik ta yajkˈolal slumal México.
Tey ta yakˈel ta nael stojol te tsˈibabil jun, Gabriela Robledo Hernández, doctora yuˈun Ciencias en Ecología y Desarrollo Sustentable, la yal, te tsˈibabil june ya snojtes te bin jojchajem ta stojol te machˈatik ya stajik wokol, te j-aˈtel batsˈil keremetik yuˈun Chiapas, te ayik sok te jtsob j-aˈtelik ta yeˈtal slumal México te ya xlokˈik bajel ta skˈajkˈalel te tsˈunub ta empresaetik te ya slokˈesik sok schonik weel uchˈelil ta yajkˈolal slumal México.
Te tsˈibabil jun ya schol euk, te bin utˈil ay te aˈtelile te maba lek chapbil sok tojel yuˈun te aˈtele, banti te keremetik ya xkˈajyik ta wokol.
Jaˈ ta stojol yuˈun, te j-aˈteletik ya yochintayik te lujbeltiksbaj aˈtelile, te mayuk skˈajkˈalel kux oˈtanil, mayuk koltayel ta stojolik, kˈalal ya stsˈakotik te chamel ya sujtik ta slumalik banti te yermanotak jaˈ yochelik skanantayel.
Janix jich, te keremetik ya skˈan slokˈesik te pasaporte, janax yuˈun ay jun wokol, ya xkˈambotik bayalxan junetik te maba chikan tsˈibabail te ya xkˈanote, “jich bitˈil ta snajul te akˈ june, maba ya schˈun te bin ya xjalbot yuˈun te batsˈil keremetike” jaˈ ya skˈan ayal, ay jun utsˈinwane sok chopoltaywane tey ta snajul te pas junetike.
Ta yan cholbil kˈop aˈyej te Sexagésima Octava Legislatura del Estado de Chiapas la schˈun spasel, ta junax nopojibalil, te kˈop tikombil yuˈun te Comisión de Gobernación y Puntos Constitucionales yuˈun schˈunel te mantal yuˈun te Tribunal Electoral del Estado ta skˈoblal te slumal Oxchuc, jaˈ jich, bin utˈil te pleno yuˈun te Congreso del Estado la stsaj jun Concejo Municipal.
Kˈalal la yichˈik ta wenta te tikonbil kˈope, te Congreso Local la yakˈbey snaˈ te Tribunal Electoral del Estado de Chiapas (TEECH) sok te Instituto de Elecciones y Participación Ciudadana (IEPC). Jaˈ jich, la schˈunik te mantal te chiknajem yuˈun te tsˈibabil jun TECH/JDC/004/2022 ta stojol te yochel swinkilel lumetik yuˈun stsajel te j-aˈtel patanetik, ta swenta te Consejo Municipal yuˈun Oxchuc.
Jaˈ yuˈun, te Frente Comunitario por la Defensa de la Libre Determinación de Oxchuc la yakˈ ta nael, teCongreso del Estado sok te TEECH, snaojik ta stojol te yoˈtik ajwalil consejal maba ay yuˈun “jun lekil kuxlejal sok maba ichˈbil ta wenta yuˈun te Asamblea General Comunitaria”.
Janix jich, la yakˈik ta nael te bin chikna yuˈun te bin la spas te congreso ta yaˈbeyel yaˈtel jun chopol winik, ja ta stojol yuˈun te ajwalil ta estado ya skanantay chopol ants winiketike. Ja yuˈun la stajik ta nael, te toyol tujnelile ja te Asamblea, maba jauk te tut tsoblejetike, te ya stsak tujkˈ yuˈun ya xkˈojt sok schopolil ta yajwalinel jun lum.
Ta snajilal, te machˈatik yakatik ta kˈope la yalik, te snopojibal yuˈun te Consejo General maba la yichˈ aˈtentayel sok te snopojibal yuˈun te batsˈil ants winiketik, ta swenta te maba la yichˈik ta mukˈ yuˈun te ja jun tsajel sok te usos y costumbres, te stsajel jun aˈtelil ta tujnelil maba tenbi ta kˈaxelel yuˈun te yantikxan j-aˈtelil ta tujnelile.
Ja yuˈun, te TEECH la staj ta nopel te maba lajem ta chajpanel te wokolile, ta stojol yuˈun te stsajel j-aˈteletik ta tujnelil ta municipio sok te jach kˈabil, maba la yichˈ chˈunel sok maba la yichˈ ichˈel ta mukˈ te mantalil yuˈun te constitución ta astojol yuˈun te Libre Determinación yuˈun te Asamblea General, jich bin utˈil jalbil ta Acta de Asamblea sok ta Acta te la yichˈ cholel ta lek te 15 yuˈun diciembre yuˈun 2021, jich bin utˈil-ek te bin pasbil ta komon sok te chikanik ta ilele.
Ta Chiapas Paralelo yatome jcholbeyexkotik te bintik ya xk’ojt ta pasele.
La skˈases ta batsˈil kˈop: Juan Gabriel López Ruíz.
Marzo yuˈun 2022.
……
Situación de jóvenes indígenas jornaleros en el noreste del país, comunidades de Oxchuc señalan al presidente concejal como líder paramilitar
Estás escuchando un espacio informativo para las comunidades indígenas de Chiapas, producido por el noticiero Chiapas Paralelo, integrante de la Alianza de Medios de la Red de Periodistas de a Pie.
Del libro “Rumbo al norte. Narrativas de jornaleros choles y tseltales en la migración de Chiapas a Sonora” de Óscar Sánchez Carrillo, muestra la dinámica y contradictoria complejidad de las relaciones sociales tejidas entre jornaleros agrícolas indígenas de Chiapas y las agroempresas del noreste de México.
En la presentación del libro, Gabriela Robledo Hernández, doctora en Ciencias en Ecología y Desarrollo Sustentable, dijo que la obra llena un vacío al estudio de uno de los sectores más vulnerables, la juventud indígena jornalera de Chiapas, pues forman parte de los contingentes de campesinos del sur sureste de México que migran de manera estacional a las empresas agrícolas y agroexportadoras del noroeste mexicano.
El libro muestra, además, las condiciones de producción que imponen una gran flexibilización y precariedad en las condiciones de empleo, donde estos jóvenes se ven forzados a adaptarse.
Por esa razón, los jornaleros se enfrentan a jornadas extenuantes, sin días de descanso, carecen de seguridad social, cuando son víctimas de enfermedades regresan a sus comunidades donde la familia se hace cargo de su restablecimiento.
Incluso, los jóvenes están interesados en sacar su pasaporte, pero hay un problema, les piden más documentos de los que aparecen en los requisitos, “es como si en la institucionalidad, al joven indígena no le creyeran quien dice ser”. Es decir, hay una violencia estructural y un racismo institucionalizado.
En otras noticias la Sexagésima Octava Legislatura del Estado de Chiapas aprobó, por unanimidad, el dictamen emitido por la Comisión de Gobernación y Puntos Constitucionales para el cumplimiento de la sentencia dictada por el Tribunal Electoral del Estado referente al tema Oxchuc. Es así como el pleno del Congreso del Estado designó a un Concejo Municipal.
Una vez tomada la determinación, el Congreso Local notificó al Tribunal Electoral del Estado de Chiapas (TEECH) y al Instituto de Elecciones y Participación Ciudadana (IEPC). Con ello, dio cumplimiento al resolutivo emanado del expediente número TECH/JDC/004/2022 del juicio para la protección de los derechos políticos electorales del ciudadano, relativo a la designación del Consejo Municipal de Oxchuc.
Por consiguiente, el Frente Comunitario por la Defensa de la Libre Determinación de Oxchuc indicó que el Congreso del Estado como el TEECH, tienen conocimiento que el ahora presidente concejal, no ha tenido “un modo honesto de vivir y no está avalado por la Asamblea General Comunitaria”.
Así mismo, indicaron que la filtración de lo que el Congreso hizo para atender la sentencia, con la designación de un criminal, es que el Gobierno del Estado cobija a criminales. Por ello, recordaron que la máxima autoridad es la Asamblea y no un grupo minutario, que toma armas para llegar con violencia a gobernar un pueblo.
En principio, los demandantes manifestaron que la determinación del Consejo General no fue asumida con una perspectiva indígena, pues pasó por alto que, al tratarse de una elección por usos y costumbres, la elección de cada cargo conserva cierta autonomía frente al resto de los cargos.
En ese sentido, el TEECH determinó calificar como infundados los agravios, pues el proceso de elección del cargo a presidente municipal en sistema de elección a mano alzada, no cumplió ni garantizó el principio constitucional de la libre determinación de la Asamblea General, tal como se advierte tanto del Acta de Asamblea y el Acta Circunstanciada del 15 de diciembre de 2021, así como de los hechos públicos y notorios.
Desde Chiapas Paralelo te seguiremos informando.
TRADUCTOR: Juan Gabriel López Ruíz
Marzo del 2022.
Sin comentarios aún.