Yakal slejbelik yachˈubtesel te yochel slumal batsˈil ants winiketik sok afromexicanoetik / La stopˈik te lokˈombail yuˈun “Los Constructores”, ta Morelia, Michoacán
México, al ser un país multicultural, representa un reto educativo enorme para los docentes. Cortesía: INPI
Nokˈol awaibel, jun kˈop aˈyej te bajem ta stojol te batsˈil ants winiketik ta Chiapas,
chajpambil yuˈun te Noticiero Chiapas Paralelo, te ya x-aˈtej sok te Alianza de Medios de la Red de Periodistas de a Pie.
“Te Reforma Constitucional sobre los Derechos de los Pueblos Indígenas y Afromexicanos ya skˈan chajpanel ta lek sok ichˈbiluk ta mukˈ. ja jun kˈuxutaywane te ya skˈan pasele, maba ya skˈanix pˈajel te binix yuˈunikˈa sok te bin yakal skˈanbelik te slumal batsˈil anst winiketike. Kˈojyix skˈajkˈalel te ichˈbilukik ta wenta ta Constitución yuˈun te jlumaltike”, jich la yal Adelfo Regino Montes, director general yuˈun te Instituto Nacional de los Pueblos Indígenas (INPI).
Te achˈubtesel aˈtelil yakal ta jalele, yakal skˈambel sjeluntesel waklajuneb mantaletik yuˈun te Constitución, jich bin utˈil ta yaˈyejal te banti maba xu ta jeluntesele sok te banti ya xu ta tijele. Spisil talelil pajalnax ta ichˈel ta mukˈ ta swenta te chajpanbil sok te snopojibal yuˈun te mukˈul lumetik sok chˈin lumetik, yuˈun te yanyantik talel kuxlejalile te ay ta spamal slumal México.
Ta skˈajkˈalel te tsoblej jachbil yuˈun te Comisión Bicameral de Concordia y Pacificación sok te Comisión para el Diálogo con los Pueblos Indígenas de México, la yichˈ jalel ta lek ta stojol te yachˈil mantale ya yal, te slumal batsˈil ants winiketik ya xu yilik ta stukelik te bin utˈil ya schajpan sbajike, ta swenta te nopojibal ta juju tul, ja jun kˈoblalil ta spamal bajlumilal, jaˈ yuˈun ini,ya xu ta ilel, ox kaj te yaˈtejibal ta tunelil yuˈun te batsˈil ants winiketik: te comunitario, básico sok municipal.
Te yan skˈoblalil la yichˈ tajel ta jalel ta yachˈil mantal yuˈun te constitución, te yichˈel ta wentaˈ te lum kˈinaletike sok te bin ya yakˈ te jmeˈtik lum, mukˈ skˈoblal, ta stojol te chiknajem wokolil yuˈune te yoˈtik yakal ta kˈaxel yuˈunik te slumal batsˈil ants winiketike, ta stojol te elekˈ kˈinal.
Ta yan cholbil kˈop aˈyej te Consejo Supremo Indígena de Michoacán, la stopˈik te lokˈombail yuˈun “Los Constructores”, ta Morelia, “ta stojol te jaˈ skˈoblalil te chˈun kˈop, ya yakˈ ta ilel te mosoinel sok jaˈ jun lokˈombail yuˈun te lajel te jachbil yuˈun españoletik”.
Te nopojibale, la yal te Consejo, la yich tajel ta Asamblea General, ta stojol te mayuk kˈuxultayel, chopoltaywane, pˈajel sok te mayuk ichˈel ta mukˈ yuˈun te Ayuntamiento yuˈun Morelia, te maba la skˈan kˈopoj sok te slumal batsˈil ants winiketike.
Te sbuchel te lokˈombaile kˈoy ta pasel ta skˈajkˈalel yuˈun Tangáxoan Tzíntzicha, te slajibal Cazonci o Irecha, ajwalil yuˈun te estado P’urhépecha. Te ajwalile la yabeyik swokol sok la xchikˈik ta skuxlejal ta skˈab te j-aˈtel patanetik yuˈun te Real Audiencia de Nueva España, te nitbil yuˈun te español Nuño de Guzmán, ta chanlajuneb yuˈun febrero yuˈun 1530.
Te tsobleje la yal, te slumal batsˈil ants winiketike yakalikto ta yochintayel sok ta tenaw, yuˈun te manchuk sujbilik ta spasel te bin maba skˈanike, yuˈun te skanantayel te lum kˈinale sok te kˈinalil ta komun, janix jich yichˈel ta muk te bin utˈil ya skanantay sbajike, te chajpajele, te skanantayel te jmeˈtik lum sok bin ya yakˈe.
Ta Chiapas Paralelo yatome jcholbeyexkotik te bintik ya xk’ojt ta pasele.
La skˈases ta batsˈil kˈop: Juan Gabriel López Ruíz.
Febrero yuˈun 2022.
…..
Buscan reformar los derechos de los pueblos indígenas y afromexicanos / Derriban la escultura “Los Constructores”, en Morelia, Michoacán.
Estás escuchando un espacio informativo para las comunidades indígenas de Chiapas, producido por el noticiero Chiapas Paralelo, integrante de la Alianza de Medios de la Red de Periodistas de a Pie.
“La Reforma Constitucional sobre los Derechos de los Pueblos Indígenas y Afromexicano debe concretarse en los mejores términos y condiciones políticas. Es un asunto de humanidad elemental, no se puede seguir negando a los pueblos el reconocimiento de sus legítimos derechos y reclamos. Ha llegado la hora de que estén debidamente reconocidos en la Constitución de nuestro país”, afirmó Adelfo Regino Montes, director general del Instituto Nacional de los Pueblos Indígenas (INPI).
Dicha reforma integral, propone reformar 16 artículos de la Constitución, tanto en su apartado dogmático como orgánico. Sobre todo, intercultural porque se nutre de las visiones de los pueblos y comunidades, de las diversas perspectivas culturales que hay a lo largo y ancho del territorio mexicano.
Durante las mesas convocadas por la Comisión Bicameral de Concordia y Pacificación y la Comisión para el Diálogo con los Pueblos Indígenas de México, se destacó que la reforma plantea que los pueblos tengan la capacidad jurídica para determinar libremente su condición política, Señaló que la libre determinación, es un consenso universal, a partir de esto se podrá determinar, por lo menos, tres niveles de ejercicio de la autonomía indígena: el comunitario, básico y municipal.
Otro tema de importancia planteado en la reforma constitucional, es el reconocimiento de las tierras, territorios y recursos naturales. Es fundamental, porque forma parte de las problemáticas que hoy viven los pueblos, en relación al despojo.
En otras noticias el Consejo Supremo Indígena de Michoacán, derribó la escultura “Los Constructores”, en Morelia, “por ser un símbolo de subordinación, representación del esclavismo y un emblema del genocidio español”.
La decisión, dijo el Consejo, se tomó en Asamblea General, «ante la indolencia, racismo, discriminación y falta de atención por parte del Ayuntamiento de Morelia, quien se ha negado sistemáticamente a entablar el diálogo con las comunidades indígenas”.
El derribo del monumento ocurrió en el marco del Aniversario Luctuoso de Tangáxoan Tzíntzicha, el último Cazonci o Irecha, gobernante del Estado P’urhépecha. Al gobernante lo torturaron y quemaron vivo por parte de la presidencia de la Real Audiencia de Nueva España, a cargo del español Nuño de Guzmán, el 14 de febrero de 1530.
La organización señaló que los pueblos originarios continúan en resistencia y en lucha, por la autodeterminación y la autonomía, por la defensa del territorio y la tierra comunal, así como por el reconocimiento de sus sistemas de seguridad y de justicia, y la defensa de la madre tierra y los recursos naturales.
Desde Chiapas Paralelo te seguiremos informando.
TRADUCTOR: Juan Gabriel López Ruíz
Enero del 2022.
No comments yet.