Slumal batsˈil ants winiketik ya skˈanik te ichˈel ta mukˈ te yochelike sok yakal slejbelik skanantayel te skˈinalike (tseltal)
En Chiapas existe una gran diversidad de etnias y grupos indígenas; Chiapas, después de Oaxaca, es el segundo estado con mayor diversidad étnica en México. Cortesía: Corazón de Chiapas.
Nokˈol awaibel, jun kˈop aˈyej te bajem ta stojol te batsˈil ants winiketik ta Chiapas, chajpambil yuˈun te Noticiero Chiapas Paralelo, te ya x-aˈtej sok te Alianza de Medios de la Red de Periodistas de a Pie
Tsoblejetik sok te machˈatik junax ayik sok te Sexta Declaración de la Selva Lacandona la yakˈik ta nael te utsˈinel ta stojol te slumal zapatista yuˈun Nuevo San Gregorio, ta Municipio Autónomo Lucio Cabañas, te yakal ta kˈaxel yuˈunik ta skˈab te machˈatik chapatik ta tujkˈ te yichˈo sbijil “Los 40 Invasores”.
Ta spatilal syoxebal bejel yuˈun te lajchayeb tsoblejetik te junax ya x-aˈtejik sok te Red de Resistencias y Rebeldías AJMAQ te kˈoy ta pasel te kˈaxel wakeb sok baluneb yuˈun enero yuˈun 2022 tey ta slumal te batsˈil ants winiketik yuˈun yilel te bin yakal ta kˈaxele, la yakˈik ta nael te kuxatik sok utsˈinel, sok xiwtesel yuˈun te machˈatik chapatik ta tujkˈ.
La yakˈik ta nael, te skˈinal Nuevo San Gregorio ya la staj 155 ektaria te la schaˈ yuˈuntayik ta spatilal sjajchel te Ejército Zapatista de Liberación Nacional (EZLN). Ta yuil noviembre yuˈun 2019 te tsoˈoblej yuˈun te 40 invasores, jajchik ta xiwteswane sok te tijaw ta majtamba, la smakik te j-aˈteletik, te sanaul nop jun secundaria autónoma, te Steel chipajetik sok poxil waˈmaletik te tsˈunatik tea.
Ta swenta schajpanel te majtamba, ta skˈajkˈalel jukeb schaˈwinik yuˈun febrero ta yaˈwilal 2020, te slumalab Nuevo San Gregorio sok te Junta de Buen Gobierno kˈan kˈopojik sok te machˈatik yakatik ta tenawe, la schajpanbeyik oxchajp nopojibaletik: jun, ta komun yakuk yichˈ aˈtentayel te lum kˈinale; sechebal, spukel jun ektaria ta jujun ants winiketik, ta yoxebal, xatˈelsabjik ta ojlil te 155 ektaria, jaxanmeto, te nopojibal ini la spˈajik te machˈatik yakatik ta tenawe.
Ta stojol te 155 ektaria te chaˈu-untaybil yuˈuninke, te machˈatik ta tenawe la stutubtesik te kˈinale, jich bin utˈil euk te bin utˈil yakatik ta kuxinel te ants winiketike, te bejel sok te sweel yuchˈelik te sapatistaetike ta jaxanix oxeb sok ojlil ektaria te skˈinalike. yoˈtike te swinkilel lume chukatik ayik ta skˈinalike.
La yalik “te jujutsˈin utsˈinel yuˈun te 40 invasores, jaˈnax ayik ta tenaw, makaw, elekˈ sok smilel te lum kˈinale, ja ya yakˈ ta ilel te utsinel te yochel ants winiketike, stunel sok smulanel te lum kˈinale, sok te yuˈuniknanix-a te kˈinale, te ya xu yakˈik ta ichˈel ta wenta te yochelike. Jich la yalik te machˈatik yak skˈanbelik ichel ta wentae.
Ta yan cholbil kˈop ayej, te Congreso Nacional Indígena sok te Concejo Indígena de Gobierno (CNI- CIG) la yakˈik ta nael stejkˈajel te chajpanbil aˈatelil yuˈun te ajwalil banti ya yal te aˈteletik sok te mukˈul chajpanbil aˈtelil yuˈun te ajwalile yakuk yichˈ ilel binutˈil te ya xtuun yuˈun spisil te ants winiketike sok te ya skˈan kanantayel ta jlumaltik.
La yalik ta stojol stejkˈajel te aˈtele “te ajwalil neoliberal ta México la yichˈ tejkˈanbeyel te chopol chajpanbil aˈtelil yuˈune, ta stojol te la yakˈ ta nael te ya la “xtuˈun yuˈun spisil te ants winiketike” sok te ya la skˈan “kanantayel ta jlumaltik”. banti ya yakˈ ta ilel “sok schopolil te ya skˈan skuj te yochel ants winiketike, jaˈ yuˈun te ya stun te swinikab te chapatik ta tujkˈe yuˈun jich ya xu spasbel”.
La yalik, te mukˈul lumetik sok slumal batsˈil ants winiketik yuˈun Jalisco, Querétaro, Puebla, Morelos, Veracruz, Oaxaca, Campeche, Quintana Roo, Yucatán sok CDMX, te ochemik euk tey ta Congreso Nacional Indígena, te la yotsesik juklajuneb chajpanbil kˈop aˈyejetik te banti yakal spˈajbelik te chajpanbil aˈtel yuˈun te ajwalil ta jlumaltik.
Te swinikab yuˈun te Comisión de Coordinación y Seguimiento del Congreso Nacional Indígena- Concejo indígena de Gobierno la skˈambeyik spisil te slumalab batsˈil ants winiketik yuˈun México “te wikˈilukme sitik ta swenta stejkˈanel te mukˈul aˈteletik te yichˈotal lajel sok yilel te bin utˈil ya x-aˈtej te poder judicial ta stojol te snopojibal te jlumaltik ta swenta skanatayel te yochelik sok skˈinalike.
Ta Chiapas Paralelo yatome jcholbeyexkotik te bintik ya xk’ojt ta pasele.
La skˈases ta batsˈil kˈop: Juan Gabriel López Ruíz.
……
Pueblos indígenas exigen el cumplimento de sus derechos y buscan defender sus territorios
Estás escuchando un espacio informativo para las comunidades indígenas de Chiapas, producido por el noticiero Chiapas Paralelo, integrante de la Alianza de Medios de la Red de Periodistas de a Pie.
Una red de organizaciones y colectivos adherentes a la Sexta Declaración de la Selva Lacandona denunciaron las agresiones constantes contra la comunidad autónoma zapatista de Nuevo San Gregorio, perteneciente al Municipio Autónomo Lucio Cabañas, que han venido sufriendo por parte de un grupo civil armado denominados “Los 40 Invasores”.
Luego de que miembros de un conjunto de 12 organizaciones civiles adheridas a la Red de Resistencias y Rebeldías AJMAQ realizaran una tercera caravana el pasado 08 y 09 de enero del 2022 hacia esa comunidad indígena zapatista para constatar lo que ahí sucede, señalaron que viven bajo ataques, bajo amenazas por el grupo civil armado.
Señalaron que la comunidad autónoma Nuevo San Gregorio comprende 155 hectáreas de tierra recuperada tras levantamiento del Ejército Zapatista de Liberación Nacional (EZLN). Desde noviembre de 2019 el grupo de los 40 invasores, comenzaron con la intimidación y provocación cercando los trabajaderos, la escuela secundaria autónoma, los árboles frutales y plantas medicinales que ahí se encuentran.
Con el fin de resolver el conflicto el 27 de febrero del 2020, la comunidad de Nuevo San Gregorio y la Junta de Buen Gobierno intentaron establecer un diálogo con los invasores haciéndoles 3 propuestas concretas: 1, que la tierra se trabajara de forma colectiva; 2, darles una hectárea por persona y tres, dividir por la mitad las 155 hectáreas, Sin embargo, estas propuestas fueron rechazadas por parte de los invasores.
De las 155 hectáreas de tierras recuperadas, los invasores han reducido el espacio, forma de vida, tránsito y producción de las familias zapatistas a tres hectáreas y media. Las familias actualmente se encuentran cercadas en sus propias tierras.
Denunciaron que “el constante accionar criminal del grupo de los 40 invasores, está en invadir, cercar, secuestrar y matar la tierra, lo que representa violentar el derecho al uso y disfrute de la tierra y el territorio que de manera legítima y el pleno ejercicio de derecho tienen las familias zapatistas a las formas de organización autónoma”. dijeron las activistas.
En otras noticias el Congreso Nacional Indígena y Concejo Indígena de Gobierno (CNI- CIG) dieron a conocer la suspensión provisional del acuerdo presidencial que declara las obras y proyectos del gobierno federal de interés público y seguridad nacional.
Señalaron que con esta suspensión “el gobierno neoliberal mexicano está impedido de manera provisional para ejecutar las acciones señaladas en su ilegal acuerdo, como el declarar sus proyectos de “Interés Público” y de “Seguridad Nacional”, con lo que reitera “con cinismo su decisión de atropellar los derechos de quien sea, usando a sus grupos armados para hacerlo”.
Argumentaron que pueblos y comunidades indígenas de Jalisco, Querétaro, Puebla, Morelos, Veracruz, Oaxaca, Campeche, Quintana Roo, Yucatán y CDMX, participantes en el Congreso Nacional Indígena, interpusieron en total 17 amparos en contra del acuerdo del presidente de la república.
Los miembros de la Comisión de Coordinación y Seguimiento del Congreso Nacional Indígena- Concejo indígena de Gobierno, hicieron un llamado a todos los pueblos originarios de México “para estar atentos a la imposición de los megaproyectos de muerte y a la forma como pueda desempeñarse el poder judicial ante la decisión de nuestros pueblos por defender sus derechos y sus territorios”.
Enero yuˈun 2022.
No comments yet.