Foto: Cortesía

“Te lab oˈtanil maba tikˈ-a, ya jkˈankotik lekil chajpajel”, yakal skˈambelik smelelil te kˈope  sok yichˈel ta mukˈ te yochel ants winiketik 

Nokˈol awaibel, jun kˈop aˈyej te bajem ta stojol te batsˈil ants winiketik ta Chiapas,  chajpambil yuˈun te Noticiero Chiapas Paralelo, te ya x-aˈtej sok te Alianza de Medios de la  Red de Periodistas de a Pie 

Yoˈtik lunes baluneb schaˈwinik yuˈun noviembre yuˈun 2021.  

Te tsoblejetik Tsa tsal O’ntonal, Cereza Colectiva sok Melel Xojobal A. C. ikˈawanik ta Kˈop  aˈyej ta stojol “Te lab oˈtanil maba tikˈ-a, ya jkˈankotik lekil chajpajel: utsˈineletik ta stojol te  tut achˈixetik, chˈiel achˈixetik sok antsetik ta Chiapas”, kˈojtik te machˈatik utsˈinbilik jilel  yuˈun te slajel te machˈatik kˈux ta yoˈtanike sok te machˈatik kuxul jilike, janix jichik-ek  antsetik te ayik ta chukujibal, te tsoblej ini ja ta stojol te Día Internacional de Eliminación de  la Violencia contra la Mujer.  

Tey ta tsobleje, te naniletik utsˈinbilik jilel yuˈun slajel te yal snichˈanike la skˈanik yilel ta lek  te utsˈinel ta stojol te tut achˈixetik sok te chˈiel achˈixetik ta jlumaltike. Janix jich la skˈanik  yilel ta lek te aˈtelil yuˈun wokoliletik te maba yakal ta aˈtentayel sok te chajpanbil tsitseletik yuˈun ants winiketike o te bin útil yanix skˈan aˈatentayele. Binutˈil naniletik te utsˈinbilik  jilel, kˈopojik ta lek ta stojol te ay jun schajpajibal wokoliletik te ya stup yaˈyejalul te wokolil  tey ta carpeta de investigación, jaˈ ta stojol yuˈun te jajchik ta kˈope.  

Jaxan te maba liˈ ayikix te jkal jnich’ankotik sok la schˈabtesike, jaˈme skˈop te joˈonkotike,  maba yakal jkˈambelkotik ta jichnax te chajpajibale, yanix jkˈankotik-a te smelelil te ¿bin  yuˈun te la smilik te jkachˈixkotike?, jich la yal jtul nanil tey ta tsoblej.  

Melel Xojobal ya smel yoˈtan yuˈun te bin utˈil ay te utsˈinel ta stojol te tut achˈixetik sok te  chˈiel achˈixetike batsˈijem ta slajibal jaˈwiletiki ini, ta stojol te milel yuˈun te antsetike, kaj  ta 2011 kˈalal ta 2021, lajuneb schanwinik ta jtul la stajik te wokolile tas kaj te mulil ini, sok  lajuneb schaˈwinik porsiento tajbilik te batsˈil antsetike, jich la schol Jennifer Haza, directora  yu’un te asociación civil. 

Ta stojol te antsetik te ayik ta chukojibal, spisil maba ay smulik, te tsoblej la yakˈ ta nael  chan pˈij skˈoblal, te banti Maricela Gómez Bautista, chukbil sok te yal yuˈun jun jaˈwil tey  ta Centro de Reinserción Social para Sentenciados (CERESO) No. 5 ta San Cristóbal de Las  Casas, ayix cheb jaˈwil te chukule sok yakal smajlibel schajpajibal te swokole.  

Haza la schol te ayix ta bajel chaneb jaˈwil te j-aˈatel patanetik maba skoltayojik jtuluk ants,  te yoˈtike ay juklajuneb schaˈwinik ta jtul antsetik te chukatike, te maba ay smulik, yakal  stojbelik muliletik te maba spasojik, la yal te jaˈ ya yakbeyikxan bayal swokol te antsetik te  maba spaj sok te winiketike, jaˈ ta stojol yuˈun, te la skˈambey te j-aˈtel patanetik yichˈel ta  wenta skˈoblalulik te antsetik te ayik ta chukujibale, bayalik te ya sk’an yichˈik lokˈesele sok  te chajpajele. 

Ta yan cholbil kˈop aˈyej yermanotak te machˈatik utsˈinbilik sok te machˈatik kuxatik jilel  yuˈun te wokolil ta Viejo Velasco, sok te Coordinadora yuˈun te Organizaciones Sociales  Indígenas, CDLI-XIˈNICHˈ, Tsoblej yuˈun Wokoltik sok UCISECH, la snaiktal te wokolil te  matoba ichˈbil ta wenta yuˈun te Estado mexicano, ta stojolik te machˈatik la sjachik sok la  snakˈik te bin kˈoy ta pasele, chˈayeletik sok tenel lokˈel, te ayix joˈlajuneb jaˈwil tey ta lum  kˈinal.  

Te tsoblejetik la yalik, te ini jaˈ te kˈax tulanik ustˈinel ta stojol te yochel ants winiketik te chaˈ tijbil sok te mayuk ichˈel ta wenta yuˈun te chajpanwanejetik, jaˈnix jich maba yichˈo  ilel te yaˈtel te mukˈul j-aˈtel patanetik, jich bin utˈil Vicente Fox kˈaxel ajwalil yuˈun México,  Pablo Salazar kˈaxel ajwalil yuˈun Chiapas sok Mariano Herrán Salvatti kˈaxel procurador de  justicia te cham ta 2017. 

La yakˈik ta nael te machˈatikla ya skˈan skanantayik te slumalike ya stajik chukel sok milel jich bin utˈil te Samir Flores ta estado yuˈun Morelos sok ta stojol te Simón Pedro Pérez  López swinkilel yuˈun te tsoblej Las Abejas de Acteal. 

La yalik ta lek te maba xkejchajik ta skˈanel te lekil chajpajel sok te smelelil ta stojol te wokolil  ta Viejo Velasco, Acteal, Ayotzinapa sok te machˈatik chˈayemik ta México.  

La skˈanik sjachel jun Comisión de la Verdad ta swenta schiknatesel ta lek te bintik kˈojyem  ta pasele sok jun aˈtelil te maba jaˈuknax ta México ta swenta yochintayel te utsˈineletik yuˈun jich ya yichˈ ichˈel ta mukˈ yochel te antswiniketik ta snael te smelelil, chajpajel,  slekubtesel sok te manchuk ya sujt ta utsˈinel te yochel antswiniketike.  

Ta Chiapas Paralelo yatome jcholbeyexkotik te bintik ya xk’ojt ta pasele.  La skˈases ta batsˈil kˈop: Juan Gabriel López Ruíz.

……

“La rabia no basta, queremos justicia”, exigen el derecho a la verdad, y el respeto a los derechos humanos

Estás escuchando un espacio informativo para las comunidades indígenas de Chiapas, producido por el noticiero Chiapas Paralelo, integrante de la Alianza de Medios de la Red de Periodistas de a Pie.

Hoy es viernes 19 de noviembre de 2021.

Las colectivas Tsa tsal O’ntonal, Cereza Colectiva y Melel Xojobal A. C. convocaron a la rueda de prensa “No basta la rabia, queremos justicias: violencias contra niñas, adolescentes y mujeres en Chiapas”, con la presencia de familiares víctimas indirectas de feminicidio y sobrevivientes, como la voz de las mujeres en prisión, esto en el marco del Día Internacional de Eliminación de la Violencia contra la Mujer.

En la reunión, las madres víctimas indirectas de feminicidio exigieron justicia ante la violencia contra niñas y adolescentes en el estado, así mismo exigieron la observación a la falta de investigación conforme a los protocolos de perspectiva de género o debida asistencia. Como madres víctimas indirectas, resaltaron la existencia de un sistema de justicia que comete omisiones en las carpetas de investigación, lo que las llevó a tomar acciones para alzar la voz.

Aunque nuestras hijas no estén aquí y las hayan callado, nosotras somos su voz. No mendigamos justicia, la exigimos, la verdad del ¿Por qué asesinaron a nuestras hijas?, dijo una de las madres en el evento.

Melel Xojobal le preocupa como la violencia hacia las niñas y adolescentes se ha agravado en los últimos años, en particular los feminicidios, a partir de 2011 a 2021, 70 de ellas han sido víctimas de este delito, y el 30 % del total son indígenas, detalló Jennifer Haza, directora de la asociación civil.

Acerca de las mujeres en prisión, la mayoría de ellas son inocentes. La asociación civil presentó 4 casos, entre ellas la de Maricela Gómez Bautista, recluida junto a su bebé de un año en el Centro de Reinserción Social para Sentenciados (CERESO) No. 5 en San Cristóbal de Las Casas, lleva dos años de prisión a la espera de una audiencia de juicio oral.

Haza menciono que Hace cuatro años que la Mesa no libera a una mujer. Actualmente hay 37 mujeres en la prisión, inocentes y pagadoras de delitos que no han cometido, mencionó que castigan más a las mujeres que a los hombres. Por esta razón, exigió a las autoridades tomar en cuenta los casos de mujeres en prisión, muchas merecen su libertad y justicia.

En otras noticias familiares de víctimas y víctimas sobrevivientes de la Masacre de Viejo Velasco, junto a la Coordinadora de Organizaciones Sociales Indígenas, CDLI-XI’NICH’, Tsoblej yu’un Wokoltik y UCISECH recordaron la aún impunidad del Estado mexicano en contra de los responsables de la acción y omisión de

ejecuciones, desapariciones y desplazamiento forzado hace 15 años en la comunidad.

Las organizaciones apuntaron que este es uno de los casos de grave violación a los derechos humanos alimentado por la falta de respuesta institucional, pues no se ha investigado la responsabilidad de funcionarios públicos, entre ellos Vicente Fox expresidente de México, Pablo Salazar ex gobernador de Chiapas y Mariano Herrán Salvatti ex procurador de justicia (fallecido en 2017).

Señalaron que quienes luchan para defender sus territorios son encarcelados y asesinados como es el caso de Samir Flores en el estado de Morelos y el caso de Simón Pedro Pérez López integrante de la Organización Sociedad Civil Las Abejas de Acteal.

Subrayaron que no se cansaran de exigir justicia y verdad para las víctimas en la Masacre de Viejo Velasco, Acteal, Ayotzinapa y todas las personas desaparecidas en México.

Exigen la creación de una Comisión de la Verdad para el esclarecimiento histórico y un mecanismo internacional contra la impunidad para garantizar de manera efectiva los derechos a la verdad, justicia, reparación y no repetición de las violaciones a los derechos humanos.

Desde Chiapas Paralelo te seguiremos informando. TRADUCTOR: Juan Gabriel López Ruíz