Podcast 37 Tseltal – Antsetik te ya spasikch’albil biluketik,Tut lumetik, bin ut’il kuxajik k’alal yakal te muk’ul chamele
Multimedia
- Archivo de audio mp3 (4.5 Mb)
- Archivo de audio mp3 (2.9 Mb)
- Archivo de video mp4 (52 Mb)
- Archivo de video mp4 (16 Mb)
Otros idiomas
Yakal awaiybel jun yawil cholbil k’op ayej yu’un te bats’il ants winiketik ta Chiapas, te chajpanbil yu’unte Noticiero Chiapas Paralelo, te ya x-a’tej sok te Alianza de Medios de la Red de Periodistas de a Pie.
Yo’tik lunes jo’lajuneb yu’un febrero yu’un 2021.
Yu’unto marzo yu’un 2020 te turismo pejk’a sokla yuts’in bayal te ants winiketik sok te mach’atik junax sts’umbalike te ya x-a’tejikta swenta turismo sok te schonel ch’albil biluketik. Te ini ja’ la yak’ ta nael te puk cholbil k’op ayej Pie de Página.
Te antsetik te ya spasik te ch’albil biluketik ja’ik te uts’inbilikbayal ta swenta te maba jauknax te kejchaj ta chonel te sbilukike sok ta swenta te maba x-ich’otik ta wenta te ya’telike.
Cha’tul chol k’op ayejetik te ayinik ta Oaxaca sok antsetik te ya spasik te ch’albil biluketik, ya scholik teteajecha’oxtul antsetik la skoltaysabajik soyte tak’in ya xtikonbotiktalte yermanotakik te lok’ slejik atel ta Estados Unidos; te yantike la yak’ yo’tanik ta ya’tentayel tek’altik yu’un slok’esel te sweel yuch’elik sok sjelel te binay yu’unik yu’un jich ya stajik te yantikxan biluketik te ya xtu’un yu’unike.
Te ini ja’wil lek jteb ta ilel ta swenta te scha’muk’ubel jajchel te turismo, sok ta swenta te yawan xkaj ta jamel te yawil chon ch’albil biluketik k’alal te juju teb xkaj ta pejk’ajel spujkel te chamele sok yakal ta vejel te julel yu’un te COVID-19.
Ta Chiapas, ta lunes jo’lajuneb yu’un febrero, te ajwalil ta jlumaltik la snop te ya scha’ sujt ta “yaxal semáforo”, ta swenta te pejk’ajem spujkel te chamele; ja’ yu’un te yo’tik ya xuta pasel biluk a’telil, ja’nax yu’un ya sk’an tu’unel te tsitsel yu’un te poxtawanejetik yu’un jich maba stsakotik te chamele.
Te ini snopojibal o’tanil maba lek ilbil yu’unte swinkilel lum te yak’ojik ta nael,te ay mach’atik snabeyo sbajikmak yermanotakik, te tsakbilik yu’un te chamele soklajemik yu’un te ini chamel, ya yalik ta lek te antswiniketik ini maba ajtabilik,ta jun te ak’bil ta naele.
j-a’tel patanetik yu’un poxil yu’unte ajwalil ta jlumaltik la yak’ ta nael, ta Chiapas yawan xu xkaj te a’tel yu’un sjulel te ants winiki nojpteswanejetik, yu’un ta yach’il u’jetik te yak ta talele, ya xu sujtik ta p’ijubtesel te nop junetik, maba yak’ojik jun ajtal yu’un skajel te julel ta ants winik nojpteswanejetike.
Ta yanxan, te chol k’op ayejetikyu’un Chiapas, México, Guatemala, Honduras sokNicaragua, la yulatayik tut lumetik sok ants winiketik te ya ya’tentayik te lum k’inal, te ya skanatyik sbak’ te ts’unubile, te ya yak’ yotanik ta yilel te weel uch’el ta yut naj, te maba ya sk’an schonik spisil te bin ay yu’unik sok te muk’ul empresaetik, sok pajalnax ya x-a’tejik sok te spat xujk’ike.
Ch’in lumetik te kuxajemik sok te awal, te skanantayel sbak’ te ts’unubiletik, te lum k’inal, te ja’, te te’ wa’maletik, te lekil weel uch’elil, te a’tel, te chajpajibal, te p’ijilal, te kuxlejalilsokte mayu’k mach’a xtal suj te slumal bats’il anta winiketik k’alal yakal te chamele.
Ta swenta Chiapas, te zoqueetik ta yajk’olal te estado la scholik te bin ut’il schapo sbajik, ja’nix jich tescha’tunel te sbats’il spoxike, sok yu’un yilel te bin ut’ilte ay a’teletik te yakal yuts’inbel te slumalike.
Te ya’telik te ini chol k’op ayejetik ya xu ta tajel ta jkawilkotik ta internet: chiapasparalelo.com
Li’ ta Chiapas Paralelo yatome jcholbeyexkotik te bintik ya xkojt ta pasele.Te k’op ayej ini chajpanbil sok spatrocinio yu’un DW Akademie.
sk’asesel sok scholel te k’op ayej: Juan Gabriel López Ruíz
Gracias a
No comments yet.