Podcast 36 Tseltal – Ta tut lumetik yu’un Chiapas, meelmamaletik ya xu yich’ik te poxil julel yu’un te CODIV k’alal ya xbajtyich’ik te koltayele
Multimedia
- Archivo de audio mp3 (5 Mb)
- Archivo de audio mp3 (3.1 Mb)
- Archivo de video mp4 (57 Mb)
- Archivo de video mp4 (17 Mb)
Otros idiomas
Yakal awaiybel jun yawil cholbil k’op ayej yu’un te bats’il ants winiketik ta Chiapas,te chajpanbil yu’un te Noticiero Chiapas Paralelo, te ya x-a’tej sok te Alianza deMedios de la Red de Periodistas de a Pie.
Yo’tik lunes waxakeb yu’un febrero yu’un 2021.
Te ajwalil yu’un México la yak’ ta nael,ta skajibal te schebal seman yu’un febrero, ya xa kajuk ta ak’el ta meelmamaletikte ts’akayem mak k’axem ta oxwinik ya’wilalik, te poxil jule,yu’un jich maba stsakotik te coronavirus COVID-19.
Tamuk’ullumetik, te mach’atik ya sk’an yak’ sbajik ta julel ya me sk’an snajkan sbijilik ta internet, ta tut lumetik sok lumetik te k’ejel ayik jich bin ut’il ta Chiapas, te ajwalil la yak’ ta nael te ya xa yak’ik awilaletik yu’un te poxil julel te banti te meelmamaletik ya xk’ojt yich’ik te koltayeleyu’un te Secretaría del Bienestarsok yantikxan secretariaetik yu’un te ajwalil. Ta swentate mach’atik te ts’akayem mak k’axem ta oxwinik ya’wilalikte k’ejel kuxatik sok te slumal bats’il ants winiketik te ya sk’an yak’sbajik ta julel, ja’nax yu’un te maba snajkano sbijilik ta ni jun koltayel yu’un te ajwalil, te j-a’telpatanetik yu’un te munisipio sok te jtuneletik tach’in lumetik ya xa yak’ik ta nael te banti ya xu xbajtik.
Ta Chiapasmaba spisil te antswiniketikya sk’an yak’ sbajik ta julel, jich bin ut’il, ta municipioyu’un San Juan Cancuc,tepresidente munisipalla yak’ ta nael ta Secretaría de Saludte j-a’tel patanetik tamunisipiosok yu’un te ch’in lumetik la stsob sbajikta k’opte banti la yich’ cholel te yochel ants winiketik yu’un yich’el te poxiljulel, sok te bin snaojik ta stojol te poxil julelk’alal yo’tike.
Tey ta tsoblej yu’un te waxakeb scha’winik yu’un enero, la yalik te junax k’ojyik ta snopel te maba xa sk’anik te julel tey ta munisipio. J-a’tel patanetik yu’un te poxil yakalikto ta a’yej sok te jtuneletik yu’un te ch’in lumetik, yu’un slejel te bin ut’il te mach’atik ya sk’anyak’sbajik tajulele, ya xu spasik.
Ta yantik cholbil k’op a’yejetik, swinkilel yu’unSan Cristóbal de Las Casasla yak’ik ta nael te ts’ajts’a ja’etik,lum k’inaletikte ya sk’ej te ja’ te ya xtu’un yu’un te swinkilel lum, ya xu xch’aybajel ta bayel swentail.
Jun te swentaileja’ te empresaetik sok yantikxanants winiketik tey tayawilal tets’ajts’a ja’etike yakal spasbelik najetik,lumk’inaletikte ya stsobja’, la yalik te ja’la taswenta, jun empresa te ya schon chi’il ja’etikte yakal slok’esbel te ja’e.
Yu’un sk’anel te stejk’ajel teini wokol, ta k’ajk’aletik te lajelikto ta k’axel la yich’ ik’el te swinkilel lum yu’un te ak’a snopik ta stojol te ini wokol, sok ay spasojik marchaetik ta sit te swinkilel lum yu’un sk’ambeyel te j-a’tel patanetik te ak’a stejk’ana’teletik te ya xu yak’ xch’aybajel te bantiya xlok’ te ja’.
Yanxan te bink’ax ta Chiapas, ja’ te slajel jtul ach’ix poxtawanej, sok yakal takuxinel-ata slumal Nueva Palestina, yu’unOcosingo, te ach’ixMariana Sánchez Dávalos.Te ini wokolil la yabey slab yo’tan sok la yak’ bejenuk bayalta jtul te swinkilel lumetik ta k’ajk’aleletik te lajelikto ta k’axele, ta swentate jich bin ut’il te ach’ixe, bayal ta jtul antsetik, ay yich’ojik uts’inel sok milel.
Te bin yak’oj ta nael te snante ach’ixe, ja’ te maba xnabajte mach’a la smile, janax te ta ujetik k’axele jtul smojlol ta a’tel chopol k’optayotsoktsakot yu’un, te ach’ixe la yabey sna te j-a’tel patanetike te maba ich’ot ta wenta. Te stejk’ajel te xiwtesel, chopol k’optayel, uts’inel sok milel ta stojolte antsetik,ja’ te bin yakal sk’ambelikbayalik ta jtul antsetik yu’unte ch’in lumetik sok ta muk’ul lumetik te ak’ayilike.
Li’ ta Chiapas Paralelo yatome jcholbeyexkotik te bintik ya xkojt ta pasele.
e k’op ayej ini chajpanbil sok spatrocinio yu’un DW Akademie.sk’asesel sok scholel te k’op ayej: Juan Gabriel López Ruíz
Gracias a
No comments yet.