Podcast no.27 Tsotsil – Meltsajemik’xa lis poxil li chamel COVID, mej net’umtsetik ja ep te las tamik ololetik k’alal ta yora’il ti chamel.
Multimedia
- Archivo de audio mp3 (5.4 Mb)
- Archivo de audio mp3 (3.3 Mb)
- Archivo de video mp4 (67Mb)
- Archivo de video mp4 (20 Mb)
Otros idiomas
Meltsajemik’xa lis poxil li chamel COVID, mej net’umtsetik ja ep te las tamik ololetik k’alal ta yora’il ti chamel.
li lunes bukum yun diciembre ta 2020
Tedros Adhanom Ghebreyesus,lij amtel yun li poxtael li Organización Mundial de la Salud OMS, te la yak ta na’el li viernes ti k’alal oy xa lis poxil li chamel COVID-19 jame’ tas k’an ta xal ti ja xa xu te tax lekum li kuxlejal yun li vinik ants yun xa ja slajem li chamel.
Pe tey la yalik ti jnak’lum jk’ulejetik chiuk jbu’eletik ti mu me xu tas ch’ay ta yontonik li vats’i vinik ants me’unetik, ti ja’ me tsots sk’olal ta xich’ik lis poxilik’ek.
Li ajbalil li ta mexico ja me tas mala’ mi tal yich pukel tas cha’ sutelal li ta diciembre ti k’alal mi tal ti 250,000, ti ja ta xak’tal li farmacéutica Pfizer.
Li ta orane’ jech k’uchal te ta’lum Ciudad de México chiuk Chihuahua lij chameletik ta COVID-19 oy me’ ta epajel, lis na’il poxta’eletik oy me ta no’jel
lij poxtabanejetik te me’ la yak’ik ta na’el ti le chamel xu me tax epajto’ yun lij nak’lumetik muyuk me’ tas ch’unik li mantal ti k’uxi tas k’el sba’ik ti k’uchal mux ipajik. Li ajbalil Andrés Manuel López Obrador te me’ oy o’ ta yalel ti ak’u jtunestik lis mak ketik. li xemanane’ te me laj yal ti te’uk me oyukutik’o ti taj na’tik.
Jech noxtok te me’ laj yalbutik ti butik mexicano’utik ti muik jpastik li k’inetik jech k’uchal li sna’ubil sbok’el kajbaltik ti komkutikuk taj na’tik, yun me te laj yich ak’el ta ayel ti oy ta sutel tal li chamel COVID.
Li ta Chiapa te me’ oyutik’o’ ta semáforo verde.
Li ta yanantik ayej, tsomlejetik li ja’ sbi’ik “Lo Público es Nuestro” chiuk li“Red de Mujeres de los Pueblos Indígenas y Afrodescendientes de Chiapas” te la yak’ik ta ilel ti k’uxelan las jak’ik li ta Chiapa jun ta lajunem li antsetik ta yabilalik lajunem chiuk baxak’lajunem ja’ik me’iletik ti butik tax k’otan ta pasel li le ne’ ja tey ta lumetik San Andrés Duraznal, Mitontic, Jitotol, Nicolás Ruiz chiuk Amatán.
te la yalik li alajel ta baik’it li ants ja me te ta xilbajil lis kuxlejalik ta ts’akal li totil me’iletik , yun me’ ja te tas komesik lis chanunik.
Li ta yora’il li chamel, li ta Chiapa, epal na’il poxta’el las makik muyuk bu’ laj yich’ik k’elel li antsetik jayim oyik ta olol, muyuk xk’otik lij poxtabanejetik ta paraje’etik, li muktik na’il poxtael muyuk bu jech x’amtejik k’uchal nopem xa’yik yun ja laj yich’noox k’elel lij chameletik ta COVID, chiuk epal jpoxtabanejetik muyuk x’amtejik,.
Tas koj lene’ jayun le ta olol yun octubre, 73 chamik ta alajel, jech la yak’tana’el li Dirección General de Epidemiología de la Secretaría de Salud.
Pe le yepal antsetik, li mej net’um astetik te me las k’elik epal atsetik oyik ta olol li ta Chiapa li le’ikne’ mu me’ junuk ants cham yunik , jech la yak’ik ta na’el li mej net’um atsetik “Camati-Mujeres Construyendo desde Abajo”.
Xi sbi’ik Li le antsetik te la yalik li chamel ja’ me te ep ak’bat yamtelik pe jelo me’ skotol yunik, li antsetikne oyik me tas ma’lael mi ta xich’ik otkinbel li yamtelik mu me ja’ tas k’anik li toyel ja me tas k’anik li oyuk yich’ik lekumtasbel li yamtejemik chiuk ti lajuk’xa k’op li labanel tas tojolalik.
Li ta Chiapa paralelo te to me’ ta xich aleltal. Li jbel cha’bel loile ja patrocinio yu-un DW Akademie.
Ti boch´o las jelumtas taj koptik: Ana lucia López Hernández.
Boch´o las tsiba: Maximiliano López Pérez.
Gracias a
No comments yet.