Podcast no.19 Tsotstil – Lum mexico epal millones las toj k’uchal tas tave’ spoxil li covid-19 pe muyuk-tome’ nabil mi taj ta jkotoltik
Multimedia
- Archivo de audio mp3 (2.0 Mb)
- Archivo de audio mp3 (1 Mb)
- Archivo de video mp4 (55 Mb)
- Archivo de video mp4 (17 Mb)
Otros idiomas
Li me’ cha’bai jbel chabeluk kuts kalaltak ba’tsi vinik antsetik taj lumaltik Chiapa, k’uxelan chal noticiero Chiapas paralelo, ti jaik jtsomlejetik ta Alianza de Medios de la Red de periodista de a pie.
Li lunes lajcham yun octubre 2020.
Li ajbalil la me yak mas ta 3 mil millones tak’in tas venta li Alianza de Vacunas tas venta ta sa’el li k’uchal oyuk jtatik jkotoltik li svacuna-il li coronavirus COVID-19.
Li le ne’ mu yukto me’ nabil mi xu taj tatik jkotoltik li vacuna yun ja no xu tas ta’ chim ta lajunem mexicano li k’uyepal tojbil. Li ajbalile te me la yak ta na’el ti ja me bayuk xu’ta xich’ik akbel vacuna li mol me’eletik chiuk li boch’otik ipik ta diabetes chiuk hipertensión. Chiuk ja nox xu’ ta xich’ik akbel bayuk li j-amteletik ta tas venta pox-tael yun me ja tsots sk’olalik ta k’elel yun me ja tas poxtaik li vinik ants.
li yantik li boch’otik xu ja’ bayuk xu chich’ik li vacuna ja jech k’uchal li boch’otik tax amtejik ta seguridad social jech k’uchal li militares chiuk policiaetik. La yal li Organización Mundial de la Salud te la yak ta na’el li oy-xame’ jayibuk jpas poxiletik ti oyik-xa tas pasanel, chiuk nox-tok oy xa jayibuk binik antseti tas k’an ta xich’ik li poxiletik tas venta tas k’elel mix tun.
Li mantal yun lij amteletik te me’ oy o’, ta mes k’anbik li vinik antsetik ti ak’ume sk’el sbaik li k’uchal mux ipajik ti mu’uk xbatik ta abilaletik ti bu’ oy ep tax k’ot vinik ants. Ta mes k’anbutik noxtok ti ak’ume jtunestik’o li smak ketik smak jni’tik. Li ta ora ne’ja xa me ipajem 37 millones krixchanoetik tas bajlijil balumil, mas ta jun millón li chamenik xa’. Estados Unidos ja me país ti bu oy ep lij chameletik chiuk ti ep tax chamik.
Li ta mexico li nabil lij chameletik ja xa x’ech ta 800 mil vinik ants, pe oy me ep li muyuk akbil ta na’el ti ipajik chiuk ti chamik yun me muyuk xich’ik k’elel.
Li ta Chiapa lij tsomlejetik Ejercito Zapatista de Liberacion Nacionel {EZLN} te xa me’ lik spasik li mak’eal ti ja lek pokbolik chiuk ts’isbil, yun me ja tas k’anik ti mu’uk xa tax epaj li COVID-19, ti butik nakalik.
Lij Zapatistaetik la yak’ik ta na’el ti k’uxi mux ipajik ti li ta chamel , k’alal ja to lok tal li chamel COVID-19 li ta mexico, te me’ ochik ta chapal k’op ti las mak li sparajeik, las tunesik lis mak ye’ik chiuk muyuk las tsoban sba-ik.
Chiuk muyuk xlok’ik ta muktik lumetik, chiuk las bok’ik chim semana li boch’otik xu oy xch’amojik li chamel, chiuk nox-tok li las pok lek lis k’obik, tas koj li lek las k’el sba’ik janox me chamik lajcham vinik ants lij tsomlej zapatistaetik.
Li ta Chiapa paralelo te to me’ ta xich aleltal. Li jbel cha’bel loile ja patrocinio yu-un DW Akademie.
Ti boch´o las jelumtas taj koptik: Ana lucia López Hernández.
Boch´o las tsiba: Maximiliano López Pérez.
Gracias a
No comments yet.