Ya xk’ojt ta Chiapas 743 chameletik sok 63 lajeletik yu’un COVID-19. (Tseltal)
Video:
Audio:
Transcripción:
Nok’ol awaiybel, jun k’op ayej te bajem ta swenta yu’un te bats’il antswiniketik ta Chiapas, te chajpambil yu’un te Noticiero Chiapas Paralelo, te ya x-a’tej sok te Alianza de Medios de la Red de Periodistas de a Pie.
Miércoles jtab yu’un mayo yu’un 2020
Ta 85 k’ajk’aletik te ayix ta bajel te muk’ul chamel yu’un coronavirus COVID-19, te estdo yu’un Chapas tsakal ta jun yu’un 743 chameletik sok 63 lajeletik, la yal te secretario yu’un Salud estatal, José Manuel Cruz Castellanos, k’alal la yak’ ta naelek ta slajibal ora te chiknaj 48 yach’il chameletik sok jo’eb lajeletik.
Tuxtla Gutiérrez ja’ te banti yakalto ta pujkel bayal te chamel, ja’nix jich-ek te slumal Tapachula, San Cristóbal sok Comitán. Te yantik municipioetik ta slumal bats’il ants winiketik te spujkel te chamele yalkal ta utsubel teek’a.
Ta swenta yutsubel spujkel te chamel yu’un COVID-19 ta Chiapas, te Secretaría de Movilidad sok Transporte yu’un te estado la yak’ ta nael ta nivel estatal te servicio público yu’un te muk’ul lum sok te nopol ayik ta muk’ul lum te ja’nax ay jun yorail yu’un xbeenik ta 06:00 sakubel k’inal k’alal ta 21:00 ora xmal k’ajk’al.
Sok la suj te yajwalel te karoetik te ja’nax ya xu xbeenik sok jteb ants winiketik. Te ban k’alalnax ya xu xkuch te karoetik jich bit’il te taxietik ja’nax cha’tul ya yik. Ta combi o Urvan waxakebnax ta tul; ta microbús waklajunebnax ta tul.
¿Bin uti’l ya xpujk te coronavirus COVID-19?
Ya julteskotik ta ajolik te virus te ya yak te chamel te yich’o sbiil COVID-19, ya xu xkuxin k’alal ta chaneb k’ajk’al ta sbaj te biluketik, jich bit’il, ya xkujch yu’un chaneb ora ta cobre sok k’alal ta chaneb k’ajk’al ta plastikoetik.
Te virus ay oxeb sbej yu’un x-och ta bak’etalil, te skajibal sbej yu’un tsakel ta chamel ja te k’alal ya yich’ tsakel te biluketik te banti jilem te virus sok tebi’ ya jtsaktik te jsitik, te jnitik sok te jkejtik. Ja swentail te tulan sk’oblal te joyob pokbil te jk’abtik ta ja’ sok xapon, ja’nix jich slok’esel ta lak te chamel sok te alkol.
Te schebal ja’ te k’alal toj ya xk’ojt te ya’lel te virus ta sitiletik, ta niil sok ta eal, te yoxebale te maba nabil ta lek, ja’ te k’alal ya yich ich’el ta ik te virus te ay ta beel ta ik’ te k’ax tut te maba xtaba ta ilel. Ja swentail te tulan sk’oblal stu’unel lente o careta sok te smajkil eal.
Li’ ta Chiapas Paralelo yatome jcholbeyexkotik te bintik ya xkojt ta pasele. te k’op ayej ini chajpanbil sok spatrocinio yu’un DW Akademie
Traducción y locución (sk’asesel sok scholel k’op ayej): Juan Gabriel López Ruíz
Gracias a:
No comments yet.