Tseltaletik yuˈun San Jerónimo Tulijá, Chilón, la sjelik sok te snaul nop te bin ya snaik spasel jich-euk te spˈijilalik
Concluye diplomado en San Jerónimo Tulijá, Chiapas. Cortesía: UAM
“Lek ay te Mochila”, la sjachik komon aˈteletik ta spatilal te chopoltayel yuˈun te nopjunetik
Nokˈol awaibel, jun kˈop aˈyej te bajem ta stojol te batsˈil ants winiketik ta Chiapas,
chajpambil yuˈun te Noticiero Chiapas Paralelo, te ya x-aˈtej sok te Alianza de Medios de la Red de Periodistas de a Pie.
Ta jun kˈop aˈyej sok te j-aˈtel patanetik yuˈun te ajwalil ta Chiapas, la yakˈik ta nael te komon aˈteletik la spasike, ta schajpanel te wokolil yuˈun te nopjunetik ta secundaria yuˈun Bochil sok Tapachula, te banti chikna yan wokolil-euk.
Ta stojol ini, Rosa Aidé Domínguez Ochoa, secretaria yuˈun Educación, la yal, ta swenta stejkˈanel yochel biluketik mak weeliletik ta snaul nop jun, te ya xu ayakˈ ta wokol jbakˈetaltik sok skuxlejal achˈix keremetik ya la xa spasik te Operativo Mochila, te jich chajpa jilel sok te pˈijubteswanejetik sok meˈtatiletik.
Ja yuˈun, te Red por los Derechos de la Infancia en México (REDIM), kˈopo yuˈun te aˈtelil la staj ta nopel te ajwalil yuˈun Chiapas, ta swenta yilel te achˈix keremetik te la stajik chamele, intoxicación mak veneno ta kaxlan kˈop. Jaˈnix jich tenawan ta ajnimal slejel smelelil te chopolteseletik chiknajemik ta jlumaltike.
Jaˈxan te Estado mexicano sok j-aˈtel patanetik, jaˈ yokelik skanantayel te alaletik sok te spisil biluk utsˈineletik, janix jich la yal te jaˈ yokelik te mukˈul naj yuˈun te ajwalil yakˈel ta nael bin utˈil yakal ta bajel te aˈteletik yuˈun te wokolil chiknajeme.
Ta yan, José Manuel Cruz Castellanos, secretario yuˈun Salud, la schol skˈoblalul te Escuela Secundaria Federal No.1 ta Tapachula, la stajik chamel jun schaˈwinik ta jtul nopjunetik, te lekubenix sbakˈetalik sok sjolik. ta swenta te Escuela Telesecundaria 388 Ricardo Flores Magón, la stajik joˈtul te machˈtik la stajik wokole, spisilik la stam sbajik jajchel ta lek, jich la yal te secretario yuˈun Salud.
Jaxan te Escuela Secundaria Juana de Asbaje ta Bochil, la yakˈ ta nael, lajchayeb schanwinik ta jtul te machˈatik tsakotik ta chamele, bulucheb ayik ta snaul poxil, lajuntul te lek ayike sok jtul tulan schamele, jaxan maba batsˈijem bayal.
“Te koltayel yakal ta akˈel ta junax sok spisil te jay chajp aˈtelil yuˈun te snaul poxiletike, jich bin utˈil te tojbil snaul poxile, yuˈun jich lek ya stam sbajik jajchel te achˈix keremetik te la stajik wokole. Janix jich, yakalotik ta aˈtel sok te mukˈul najetik yuˈun te ajwalil te jaˈ yokelik schajpanel ini wokolil ta snael te bin utˈil chiknaje” jich la yal Cruz Castellanos.
Ta yan cholbil kˈop aˈyej, José Antonio De los Reyes Heredia, rector general yuˈun te Universidad Autónoma Metropolitana (UAM) sok Javier Soria López, rector yuˈun te ini snajul nopjun sok sede ta Chiapas, la yakˈbeyik sjunik te swinkiel slumal San Jerónimo Tulijá, Chilón, yuˈun te ochik ta jun diplomado ta stojol te derechos económicos, ambientales, sociales sok culturales.
Te machˈatik ochik ta pˈijubtesele, kˈaxem ta lajuneb schaˈwinik ta jtul ants winiketik, te kˈax scholik ta kaxlan kˈop sok chaˈoxtulik ta batsˈil kˈop tseltal, te bin la snopik sok yilik ta sjunal jaˈwil, ichˈbilik ta mukˈ yuˈun te yaˈtelik ta komun tsobleje, te la sjelik sok te snaul nop jun yuˈun te Unidad Xochimilco te bin ya snaik spasele jich-euk te spˈijilike
Te skˈinul la yichˈ pasbeyel tey ta sluamal yuˈun te gobierno comunitario, De los Reyes Heredia la yal ta lek, yakukla te mukˈul snaul nop junetike sok yantikxan tsoblejetik, ya skˈan wikˈilukla sitik ta yilel te bin wokoliletik ya xchikna ta yojlil te jlumaltik, yuˈun jich yichˈbeyel ta mukˈ te yochelike.
Te ban mukˈ skˈoblal la yaike, ja te sjelel snopojibal yuˈunik sok te snaul nop june, te bin la stajik ta nopel, yuˈun skˈambeyel te jay chajp ajwaliletik, janix jich-euk ta stojol te aˈtel patantayel jbajtike, aˈteletik te ya xu x-ichˈbot ta mukˈ yochelik, jich bin utˈil yaˈtel te antsetike.
Janix jich, kˈopojik ta swenta stajel te “kuxul snaul poxil”, banti ya yich ta mukˈ te waˈmal poxiletik, jtam alaletik, chajpanwanejetik ta poxil te ya yichˈ ta mukˈ spˈijilal namey jmeˈ jtatike, spukel kˈop aˈyejetik ta tseltal sok ta schebal kˈop, snopel schˈalel te pakˈ sok sjachel aˈteletik yuˈun teatro.
Jaxan te María Dolly Espínola Frausto, directora yuˈun te División de Ciencias Sociales y Humanidades yuˈun te Unidad Xochimilco, la yalbey jokoyal te antswiniketik yuˈun te gobierno comunitario ta San Jerónimo Tulijá, Chilón, yuˈun te pajal aˈtejike.
Ta Chiapas Paralelo yatome jcholbeyexkotik te bintik ya xk’ojt ta pasele.
La skˈases ta batsˈil kˈop: Juan Gabriel López Ruíz.
Octubre yuˈun 2022
…..
Tseltales de San Jerónimo Tulijá, Chilón, intercambiaron experiencias y saberes con la academia/“Mochila segura”, tomaron acciones interinstitucionales tras intoxicación de estudiantes
Estás escuchando un espacio informativo para las comunidades indígenas de Chiapas, producido por el noticiero Chiapas Paralelo, integrante de la Alianza de Medios de la Red de Periodistas de a Pie.
En conferencia de prensa, autoridades del Gobierno de Chiapas dieron a conocer las acciones interinstitucionales que han realizado para atender el caso de intoxicación en estudiantes de secundaria en Bochil y Tapachula, donde se dio otro caso de intoxicación.
Al respecto, Rosa Aidé Domínguez Ochoa, la secretaria de Educación, indicó que, con el fin de prevenir la introducción de objetos o alimentos en las escuelas, que pongan en riesgo la salud e integridad de las y los adolescentes, realizarán el Operativo Mochila, en acuerdo con docentes, madres y padres de familia.
Por lo que, la Red por los Derechos de la Infancia en México (REDIM) se pronunció ante las acciones tomadas por el Gobierno de Chiapas para atender a las y los adolescentes intoxicados. Además, reiteró la exigencia de una investigación urgente y eficiente sobre casos de intoxicación que se registran en el país.
Dado que el Estado mexicano y sus autoridades tienen la obligación de proteger a las infancias contra toda forma de violencia. Así mismo, afirmó que es deber de las instituciones informar sobre los avances de la investigación respecto a las causas de ese evento.
Por otro lado, José Manuel Cruz Castellanos, secretario de Salud, detalló que respecto al caso de la Escuela Secundaria Federal No.1 en Tapachula, resultaron afectados 21 estudiantes, todos recuperados física y mentalmente. Con relación a la Escuela Telesecundaria 388 Ricardo Flores Magón, se registraron cinco afectados, todos se han recuperado de manera adecuada, agregó el secretario de Salud.
Mientras que, en la Escuela Secundaria Juana de Asbaje en Bochil, informó que resultaron 72 afectados, 11 se encontraban hospitalizados, 10 estables y una persona con estado delicado, pero con diagnóstico estable.
“La atención se está brindando de manera conjunta entre todo el sistema de salud, incluyendo a las instancias privadas, para garantizar una plena recuperación de las y los jóvenes afectados. Así mismo, estamos colaborando con las instancias correspondientes para identificar las causas de estos acontecimientos”, dijo Cruz Castellanos.
En otras noticias, José Antonio De los Reyes Heredia, rector general de la Universidad Autónoma Metropolitana (UAM) y Javier Soria López, rector de la institución sede Chiapas, entregaron reconocimientos a pobladores de San Jerónimo Tulijá, Chilón, al colaborar en el diplomado sobre derechos económicos, ambientales, sociales y culturales.
Quienes participaron en este diplomado, fueron más de 30 hombres y mujeres, quienes expusieron en español y algunos en lengua tseltal, los temas vistos a lo largo de un año, como referentes para la organización comunitaria y su experiencia en el intercambio de saberes con académicos de la Unidad Xochimilco.
En la ceremonia que se llevó a cabo en la sede del gobierno comunitario de la localidad, De los Reyes Heredia resaltó que universidades y organizaciones sociales, deben estar atentos a las necesidades que surgen en las colectividades del país, para procurar el respeto de sus derechos.
Un aspecto que destacaron, fue el intercambio de saberes con los académicos y la reflexión que alcanzaron para exigir a los distintos gobiernos, incluyendo el comunitario, estrategias para garantizar sus derechos y el reconocimiento de los mismos, como el valor que tiene el trabajo femenino en las familias.
También, hablaron de la necesidad de tener “farmacias vivas”, que le den valor al conocimiento de las plantas medicinales, parteras, promotores de salud que promuevan saberes ancestrales, hacer publicaciones en tseltal o bilingües, talleres de bordado y obras de teatro.
Por su parte, María Dolly Espínola Frausto, directora de la División de Ciencias Sociales y Humanidades de la Unidad Xochimilco, agradeció la oportunidad de poder trabajar con mujeres y hombres del gobierno comunitario de San Jerónimo Tulijá, Chilón.
Desde Chiapas Paralelo te seguiremos informando.
TRADUCTOR: Juan Gabriel López Ruíz
Octubre del 2022
Sin comentarios aún.