Ta México bayal ta chiknajel milel ta stojol te machˈatik ya skanantayik te lum kˈinale / Tsoblej te chapatik ta tujkˈ ochik ta slumal Atzamiló, Chenalhó
Simon Pedro, como sabes, aquí en México existen dos tipos de justicia, una para los ricos y otra para los pobres, por ello lucharemos incansablemente para que tu muerte no quede impune. Cortesía: Las Abejas de Acteal/ Facebook
Nokˈol awaibel, jun kˈop aˈyej te bajem ta stojol te batsˈil ants winiketik ta Chiapas,
chajpambil yuˈun te Noticiero Chiapas Paralelo, te ya x-aˈtej sok te Alianza de Medios de la Red de Periodistas de a Pie.
Ta 2021, te tsoblej yuˈun Global Witness la stsak ta jun chanlajuneb yoxwinik lajeletik sok chˈayeletik ta stojol te jkananetik yuˈun te lum kˈinal ta México, jich bin utˈil la yakˈ ta nael te tsobleje, te milel ta stojol te jkananetike ya xchikna ta ilel te yakal ta mukˈubel, balunlajuneb chikna ta 2019; lajuneb schaˈwinik ta 2020 sok chanlajuneb yoxwinik akˈbil ta nael ta 2021, ja yuˈun ya yichˈ ilel te jlumaltik, banti bayal ya xchikna te ini wokoliletik, te jich ya yakˈ ta nael Global Witness.
Ta jaˈwil yuˈun 2012, Global Witness slejo te bin utˈil yakal ta utsˈinel te jmeˈtik lum, ta jun tikonbil kˈop aˈyej te tsobleje la yal “te wokoliletik ta stojol te kˈinale yakal ta batsˈijel, yakalto te utsˈinel ta stojolik te machˈtik ya skanantayik te slumalike sok te bajlumilale” te ajtal sjachojik yuˈun te milel, ta stojol te periodistaetik kˈojt ta 1 mil 733 ta jtul te machˈatik lajik ta spatilal lajuneb jaˈwil; ja ya skˈan ayal, jtul antswinik ya xlaj ta jujun cheb kˈajkˈal. Jich bin utˈil la yakˈik ta naele kˈaxem ta chaˈwinik porsiento te machˈtik lajemik o te chˈayemik ta México jaik-la te batsˈil ants winiketik.
Ta yan cholbil kˈop aˈyej te Voz de la Organización sociedad Civil Las Abejas de Acteal kˈopojik ta swenta stsˈakayel lajuneb schaˈwinik jawil te sjajchelike, soknix, te stsˈakayel joˈeb schaˈwinik jaˈwil yuˈun te lajele.
Jich jajch te tsobleje: ya jkuytik te xux, kˈalal yakal te sik sok te jaˈal ya xkejchajik ta aˈtel, jaˈnaxla yuˈun te maba xlokˈ slejik te nichimetik sok te bin ya xtuun yuˈunik ta spasle te chab; jaxan te smelelile, jaˈ te maba ya skux yoˈtanik ta yutil snajike, yakaliklame ta aˈtel. Jaˈ jich ay ta jtojolkotik-euk, jich bitˈil yakal te jaˈal te ini uˈ sok te jaˈaltiksbaj yilel te chopoltayel ta jtojolkotike, mayuk ichˈel ta mukˈ, utsˈineletik yuˈun te jkochelkotik bin uˈtil chˈich bakˈet sok teneletik ta stojol te aˈtel patantayel kuunkotike. Tsobolotikto sok yakalonkotik ta spasel najetik sok awilaletik te banti ya jkˈankotik te ichˈel ta mukˈ, banti maba ayuk bojlobel.
Tey ta cholbil kˈop aˈyej yuˈunike, la yalik te ya skˈan nael sok schiknatesel te maba jelunem te bin utˈil kuxajik te kˈaxel joˈeb schaˈwinik jaˈwile. Jich bin utˈil, te waklajuneb sok jun schaˈwinik yuˈun septiembre yuˈun 1997, te tenel yuˈun te paramilitaretik tulanub ta stojol te tsobleje sok yawilik te zapatistaetik ta municipio autónomo yuˈun San Pedro Polhó.
Te yoˈtike, vayal tut lumetik yuˈun Chenalhó banti kuxatik swinkilel te Las Abejas, la yichˈik utsˈinbeyel te yochelike sok tenel lokˈel ta slumalik. jaˈ ta swenta te majtamba jajchem ta yaˈwilal 1997 tey ta municipio te maba chajpanbil; te yoˈtik yachˈil paramilitaretik, te yanix yejlawik jaxan monbilikto yuˈun te jolol yuˈunike, te jaˈ yaˈtelik slajinel te ichˈel ta mukˈ yuˈunike.
Te kˈaxel jueves baluneb schaˈwinik yuˈun septiembre, jun tsoblej te chapatik ta tujkˈ tema oxwinik ta jtulik yuˈun Santa Martha, Chenalhó, smakojik te slumal Atzamiló, teynix ta ejido yuˈun Santa Martha sok la smilikix chantul swinkilel te lume, jich la yalik te machˈatik kuxatik tea.
Swinkilel yuˈun Santa Martha la spasik firmar jun chajpanbil aˈtel ta swenta slamalil kˈinal sok yijkitayel te tujkˈ, te jaˈ yuˈun la stenik lokˈel te machˈatik ochemik ta jun tsoblej te chapatik ta tujkˈe sok te yakal yutsˈinbelik swinkilel te municipio yuˈun Aldama.
Jaˈ yuˈun, ta lajuneb ora sakubel kˈinal, kˈojtik ta slumal Atzamiló ta swenta yuˈuntayel te yawil tsˈunubiletik. Kˈojt tea te komisariado Ejidal yuˈun Santa Martha, Jesús Jiménez Velasco, la yichˈ tujkˈayel yuˈun te machˈatik yakatik ta bojlobele, sok maba tajot ta ejchentesel.
Ta xtibitayel kˈinal yuˈun te kˈaxel viernes, ta spatilal jun kˈajkˈal te la yichˈik makele, swinkilel yuˈun Atzamiló ju stikonbelik lokˈel te kˈop banti la yalik te ay chaˈoxtul snakˈo sbajik ta witsetik, yuˈun, te machˈatik chapatik ta tujkˈe yuˈuntayojik te slumalike sok te sbejlal slumalike jaˈnix jich ta Santa Martha, la yalik te ay chantul te machˈatik chamike sok bayalik te machˈatik ejchenemike, te j-aˈtel patanetik yuˈun te ajwalil ta Chiapas sok te Guardia Nacional (GN) maba juem yochelik.
“Te ini tsobleje yato skˈan xtenawanik, jaˈik te machˈtik ya stenik te slumal Aldama, yato skˈanik stˈunel te chopol beje, te jonkotike la jkalixkotik te mauke jaˈ yuˈun yakal yutsˈinbelonkotik te yoˈtike. Te joonkotike ya jkˈankotik te ya xkˈojt te chukawetike, ay machˈatik ejchenem sok ay machˈtik lajemik yuˈun te tujkˈayele”, jich la schol jtul swinkilel yuˈun Santa Martha, te juˈ skˈojyel ta San Cristóbal de Las Casas.
Ta Chiapas Paralelo yatome jcholbeyexkotik te bintik ya xk’ojt ta pasele.
La skˈases ta batsˈil kˈop: Juan Gabriel López Ruíz.
Octubre yuˈun 2022
…..
México con más casos de asesinatos a defensores del territorio / Grupo armado irrumpieron en la comunidad de Atzamiló.
Estás escuchando un espacio informativo para las comunidades indígenas de Chiapas, producido por el noticiero Chiapas Paralelo, integrante de la Alianza de Medios de la Red de Periodistas de a Pie.
En 2021, la organización Global Witness registró un total de 54 asesinatos y desapariciones de defensores del territorio en México. De acuerdo con la organización, esos ataques contra los defensores mantienen una tendencia en aumento, de 19 casos en 2019; 30 en 2020 y los 54 mencionados en 2021, lo que coloca al país, como el territorio con más casos en los registros de Global Witness.
Desde 2012, Global Witness ha recopilado datos sobre la destrucción de la tierra y el medio ambiente. En un comunicado de prensa, la organización advirtió que mientras “la crisis climática se intensifica, la violencia contra quienes protegen su tierra y nuestro planeta persiste”. Su recuento de agresiones mortales contra periodistas encontró un total de 1 mil 733 personas han sido asesinadas en los últimos diez años; es decir, una persona muerta cada dos días. De acuerdo con el informe más del 40 por ciento de las personas asesinadas o desaparecidas en México eran indígenas.
En otras noticias La Voz de la Organización sociedad Civil Las Abejas de Acteal se pronunció en el marco del cumplimiento de tres décadas desde su nacimiento y, así mismo, el 25 aniversario de la masacre.
La organización inició: Se cree que las abejitas (los insectos), en tiempo de frío y de lluvias dejan de trabajar, solamente porque no salen al campo a buscar flores y lo que necesitan para hacer la miel; en realidad, nunca descansan dentro de su caja, siguen trabajando internamente. Así nos pasa también a nosotros, que a pesar de la lluvia literal de este mes y de la lluvia de ataques, desprestigios, violaciones a nuestros derechos humanos y amenazas a nuestros proyectos autonómicos, seguimos organizándonos y, sobre todo, construyendo casas y espacios para la formación de nuestra lucha No Violenta.
En su comunicado, reiteraron la necesidad de recordar y denunciar que no ha cambiado nada la situación que viven desde hace 25 años. Ya que, entre el 16 y 21 de septiembre de 1997, las agresiones paramilitares se intensificaron en contra de la Organización y de las bases zapatistas del municipio autónomo de San Pedro Polhó.
Actualmente, en varias comunidades de Chenalhó donde existen miembros de Las Abejas, han sido violentados sus derechos y hasta desplazados de la comunidad. Esto porque el conflicto suscitado desde el año de 1997 en el municipio no se ha solucionado; y ahora la nueva generación paramilitar, con otro rostro pero controlados por el mismo patrón, se encargan de desgastar su lucha.
El pasado jueves 29 de septiembre, un grupo armado de aproximadamente 60 personas de Santa Martha, Chenalhó, mantiene sitiada la comunidad Atzamiló, ubicada en el mismo ejido y ha asesinado a al menos cuatro personas, denunciaron pobladores del lugar.
Habitantes de Santa Martha decidieron firmar un acuerdo de paz y desarme, lo que les llevó a expulsar del lugar a quienes integran un grupo armado que mantiene bajo asedio a la población del municipio vecino de Aldama.
En este contexto, alrededor de las 10 de la mañana, llegaron a terrenos de la comunidad Atzamiló para apoderarse de zonas de cultivo. Ante los hechos, acudió al lugar el comisariado Ejidal de Santa Martha, Jesús Jiménez Velasco, a quien el grupo armado atacó, sin que resultara herido.
La tarde del viernes pasado, tras un día de estar sitiados, habitantes de Atzamiló lograron comunicarse para denunciar que se encuentran algunos escondidos en las montañas, porque el grupo armado tiene el control de la comunidad y los accesos a la zona y a Santa Martha, Denunciaron también que hay cuatro personas fallecidas y varias heridas, las autoridades del gobierno de Chiapas y de la Guardia Nacional (GN) no han podido entrar a la zona.
“Este grupo quiere seguir atacando, son los que atacan a Aldama. Ellos quieren seguir con la violencia, nosotros dijimos que ya no y por eso nos están atacando ahora. Nosotros pedimos que llegue la policía porque hay personas heridas y muertas por los disparos”, explicó uno de los pobladores de Santa Martha, quien logró llegar a la ciudad de San Cristóbal de Las Casas.
Desde Chiapas Paralelo te seguiremos informando.
TRADUCTOR: Juan Gabriel López Ruíz
Octubre del 2022
Sin comentarios aún.