Bayal ta jtul wixárika te bejenik kˈaxem ta chaˈbajkˈslajunwinik kilometro kˈalal ta Palacio Nacional
Foto: Daliri Oropeza
Nokˈol awaibel, jun kˈop aˈyej te bajem ta stojol te batsˈil ants winiketik ta Chiapas,
chajpambil yuˈun te Noticiero Chiapas Paralelo, te ya x-aˈtej sok te Alianza de Medios de la Red de Periodistas de a Pie.
Tsibabil yuˈun: Daliri Oropeza Alvarez
Bayal ta jtul antswiniketik tey wits yuˈun Tepeyac la yakˈik majtanil ta stiil te chˈul naˈ, te schˈichˈel, snujkulel sok xulub oxkojt chij, peyote, chˈul tsimaetik, tˈijmal teˈ te pasbilik ta kˈabil. Jokinbil ta kantelaetik sok schˈalujibal, jaˈnix jich te ay te sello yuˈun te j-aˈtel patanetik yuˈun kˈinal, junetik, lokˈombailetik yuˈun chambalametik sok te jalameˈtik.
Te warachetik kanabujul ya xchiknaj ta aiyel kˈalal ya yichˈ majel ta lum yuˈun te witse, te banti yakal te ajkˈot, jaˈnix xanabik te ants sok winiketik wixaritari te bejenik kˈaxem ta chaˈbajkˈslajunwinik kilometro ta swenta skˈanel sujtel te skˈinalike, te kˈaxem ta 11 mil ektarea smukˈul.
“Te namey jmeˈjtatik, jaik te ya stojlitesonkotik ta jwayichkotike, ja yuˈun, la jkikˈkotik talel-ek te tsitsawane jkuunkotike. Jaik te ya xkˈopojik sok te jkajwalkotik jaˈnix jich sok te namey jmeˈtatkotik, te tsitsawanejetik ya yalbonkotik te bin bej ya skˈan tˈunele. Te namey jmeˈtatkotik ya stojlintesik-ek te skˈanel ichˈel ta mukˈ sok te schˈulelike” jich la yal Sitlali Chino Carrillo, presidenta yuˈun te Concertación Agraria de San Sebastián Teponahuaxtlán.
Sitlali la yal te tulanla skˈoblal skanantayel te lume, ta swenta te ay bayal bin ya xtuun tea sok maba xu ta tsakele: “te jkˈoptik, te ayik-a te jchuchutik sok te jmamuchtik, te spˈijilal jilem yuˈun te namey jmetatike te yakal ta pujkel tea, jich bin utˈil-ek te kˈayojetik, chˈabajel, te batsˈil poxiletik sok yantikxan”
Kˈalal kojiktal tey ta wits yuˈun Tepeyac, te machˈtik la sjachik te bejel ta swenta skˈanel sujtel te skˈinalik jaˈik te antsetike, ja najilik ta bejel sok te bandera te xlichlun sok te ikˈ yuˈun te wits Tepeyac.
“Te ayinel liˈto, ta skanantayel te lum kˈinale, ya xtajba ta ilel te yakon ta sjolintayel te jmololab ta antsil wixáritari, jaˈ jun aˈtelil te najtˈijemix yuˈun te antsetik yuˈun te yochelik ta jlumaltike, ta yutil komunal, maba lum xchikna skˈop te ants ta tsoblejetik, sok ya jta ta nopel te bejenix te ini aˈtelil, jich ya xchˈiksbaj bayalxan antsetik sok ya xchiknajix ta ilel te ayix atsetik te yakalik ta kˈope, janix jich ya skˈanik stsakel jun aˈtelil ta jtunelil, jich la yal Sitlali
Luciana Mijares swinkilel yuˈun te Consejo de Ancianos yuˈun te slumal Wixárika ya schol te bin utˈil chaˈ jpam lumetik la stajik ta nopel ta komon skajel jun bejel kˈalal ta Palacio Nacional.
“Te karabana la yakˈ ta nael ta yuil marzo, ta asamblea, Oscar Hernández, comisariado comunal sok te machˈatik ay yaˈtelik ta j-aˈtel patan, jich bin utˈil Sitlali, ay la sjachojikix jun tsoblej ta snajilal, te banti la yakˈik ta nael te snopojibal yuˈunike sok te junax skˈop ya xjilike. Ta spatilal ya yakˈik ta nael sok te joˈotkotik. Te bin la yichˈ akˈel ta naele jaˈ te bejel kˈalal ta México. Kˈan yichˈ pasel ta febrero, ta swenta te chˈul tsoblej kuˈunkotik sok yantikxan kˈinetik jich bin utˈil te kuxibal maba ju. Jaˈ to ta spatilal te chˈul kˈinetik lokˈonkotik tal ta jlumalkotike”.
Te yawike namal chikan yuˈun te mukˈul najetike:
“¿Banti ya xbotik? Ta Palacio Nacional. ¿bina te jkokeltike? Ta swenta sujtel te jkˈinaltike”.
“López Obrador, sutbonkotik te jkˈinalkotike”
“López Obrador, pasa te bin la awale”
Te bejel jajchem tey ta wits yuˈun Tepeyac kˈojt ta lokˈel tey ta Zócalo yuˈun te mukˈul lume sok la yakˈ sbajik ta sit te Palacio Nacional. La yalbeyik te Óscar Hernández, mukˈul j-aˈtel patanil, te yakuk xkˈaxuntay te makbil bej sok yakuk skˈojkˈon te stiˈ naje.
Luciana abot slab yoˈtan yuˈun te maba la sjamik te naje, maba ya xu sujtonkotik te maba ya sutik te kˈinanale.
Ta Chiapas Paralelo yatome jcholbeyexkotik te bintik ya xk’ojt ta pasele.
La skˈases ta batsˈil kˈop: Juan Gabriel López Ruíz.
Junio yuˈun 2022
……
Una multitud wixárika caminaron más de mil kilómetros hacia el Palacio Nacional.
Estás escuchando un espacio informativo para las comunidades indígenas de Chiapas, producido por el noticiero Chiapas Paralelo, integrante de la Alianza de Medios de la Red de Periodistas de a Pie.
Texto: Daliri Oropeza Alvarez
Una multitud de personas en el cerro del Tepeyac ofrenda a las puertas del templo la sangre, piel y cuernos de tres venados, peyote, jícaras sagradas, flechas realizadas a mano. Están acompañadas de velas con listones coloridos. También hay sellos de las autoridades agrarias, documentos, cuadros con figuras de animales o de vírgenes.
Los huaraches la hacen de percusiones que retumban en el suelo del cerro, donde detona la danza. Son los mismos huaraches de mujeres y hombres wixaritari que caminaron más de mil kilómetros para exigir la restitución de sus tierras invadidas. Son más de 11 mil hectáreas.
“Los ancestros son los que nos guían a través de los sueños, entonces, por eso también traemos a nuestros sabios. Que son quienes se comunican con nuestras deidades y ancestros y ellos ya a través de su palabra nos van diciendo qué camino seguir. Los ancestros guían la lucha también de manera espiritual”, asegura Sitlali Chino Carrillo, presidenta de la Concertación Agraria de San Sebastián Teponahuaxtlán.
Para Sitlali es importante defender la tierra porque hay cosas que están en ella que son intangibles: «Nuestras lenguas, ahí están nuestras abuelas y abuelos, los conocimientos ancestrales que ahí se transmiten, el patrimonio inmaterial como los cantos, los rezos, la medicina tradicional y más».
Al bajar del cerro del Tepeyac, quienes inician la caminata por la restitución de sus tierras son las mujeres. Van al frente con banderas que ondean con el viento de la cima del cerro del Tepeyac.
“El estar aquí en este espacio defendiendo el territorio, de alguna manera representando a mis compañeras wixáritari, es un avance enorme para la participación política de las mujeres, adentro de lo comunitario. No es muy común que una mujer participe todavía en las asambleas, y creo que es un avance porque de esta manera se suman más mujeres y ya viendo que hay mujeres participando, también ellas se animan a tomar un cargo tradicional”, aseguró Sitlali.
Luciana Mijares integrante del Consejo de Ancianos del pueblo Wixárika cuenta cómo fue que los dos pueblos wixaritari decidieron colectivamente realizar una caminata hasta el Palacio Nacional.
“La caravana la propuso en marzo, en asamblea. Oscar Hernández, comisariado comunal y las personas con cargo, como Sitlali, ya habían tenido una reunión donde hacen propuestas y llegan a acuerdos. Luego lo dan a conocer con nosotros. Esa propuesta fue la caminata a México. Se tenía contemplada en febrero, pero teníamos ceremonias y otras fiestas como la Semana Santa. Pasando las celebraciones fue que salimos de la comunidad”.
Sus consignas irrumpieron entre los edificios:
“¿A dónde vamos?, a Palacio Nacional. ¿A qué vamos? Por la restitución de nuestras Tierras”.
“López Obrador, regrésanos las tierras”.
“Lopez Obrador, cumple tu palabra”.
La caminata desde el cerro del Tepeyac desembocó en el Zócalo de la Ciudad y se estaciono frente al Palacio Nacional. Ahí piden que Óscar Hérnández, autoridad máxima, entre por las vallas y toque a la puerta.
Luciana sintió rabia porque no abrieron. No nos podemos ir sin que nos den las tierras, dice.
Desde Chiapas Paralelo te seguiremos informando.
TRADUCTOR: Juan Gabriel López Ruíz
Junio del 2022
Sin comentarios aún.