Podcast no.32 Tseltal – Ya xmoj yajtalul te mach’atik ta tsakel yu’un COVID-19 ta Chiapas, ajwalil ya spa’j
Multimedia
- Archivo de audio mp3 (4.3 Mb)
- Archivo de audio mp3 (2.7 Mb)
- Archivo de video mp4 (51 Mb)
- Archivo de video mp4 (16 Mb)
Otros idiomas
~
Yakal awaiybel jun yawil cholbil k’op ayej yu’un te bats’il ants winiketik ta Chiapas,te chajpanbil yu’un te Noticiero Chiapas Paralelo, te ya x-a’tej sok te Alianza deMedios de la Red de Periodistas de a Pie.
Yo’tik lunes buluchebyu’un enero yu’un 2021.
Chiapas ay ta “yaxal semaforo” ja’tote k’axel oxeb scha’winik yu’un noviembre, ta swenta te jtebiktachiknajel te mach’atik ta tsakel yu’un te coronavirus COVID-19 te snaul poxiletik ya yak’ik ta naele: ta swenta yu’un, te yo’tike, yanyantik ts’oblej yu’unswinkilel lum sok ta spisilte ants winiketik,ya yalik temojyajtalul te mach’atik yak ta tsakeltechamele te k’ax tulan yakal, temaba ya yich’ta wenta teajwalile.
Te inimel o’tantiksbajta stojoliktep’ijubteswanejetike, ta swenta te ajwalilela snop te yo’tik lunes bulucheb yu’un enero ya xkaj te sujtel tasnaulnop jun, te banti maba ayuk te yawilal yu’un stejk’anel techamele, jich bin ut’iljujuts’in stsakel te ja’,sokmabamuk’yutil te najetikyu’unnopjuneta swentaspitelta jujutulte jnopjunetike.
Te jololyu’unjukeb Secciónyu’un teSindicato Nacional de Trabajadores de la Educación (SNTE), Pedro Gómez Bamaca,la yalte maba yakal sp’ajbelik te sujtel ta snaulnopjune, ja’nax yu’un la yal te lotil tejtebnax mach’atik ta tsakel techamele, ja’ yu’un teya xu staj wokolil te p’ijubteswanejetik, jich bin ut’il-ek te jnopjunetik sok te yermanotakike.
Ta swenta te coronavirus COVID-19ay lajemik ta yojlilsonasok costa yu’unChiapasjuklajuneb yo’winikp’ijubteswanejetik, sok k’axemtaOxwinikte mach’atik kejchajikta a’tele. Te jololyu’un te p’ijubteswanejetikela yal te yo’tik lunes yax-ayin tsoblejetik sok te me’tatiletik ta swenta yu’un spisilik ya snopik teme ya sujtikmak te maukta stjk’lejalikta snaul nopjune.
Ta yan sk’oblal, poxtawanejetik, tsoblejetik yu’un ants winiketik sok empresarioetik ya yalik ta lek,ay ta mojel yajtalul te mach’atik yak ta tsakelyu’untechemele te yakalikta nak’el yu’un te ajwalile. La scholiktek’ajk’aletiklajelikto ta ka’xele bayal mach’atil lajikmakbats’ijemschamelik; sok te sanul poxiletike yakal ta nojel.
Te secretaría de Salud taChiapasja’nax yak’oj ta nael te ay oxlajuneb yach’ilchameletikta jujun k’ajk’al.
Ta yantikxan cholbil k’op a’yejetik, swinkilel te municipioyu’un San Juan Cancucla sk’anikxan ta schebal welta, stejk’ajel ta pasel te“Carretera de las Culturas”,te yaxa yak’ stajsbaj San Cristóbal de Las Casas sokPalenque.La stajik ta nopelte a’telil inimaba ya xkoltayotikta spatilal, ja’lametapojbeyel sk’inalikesok te ch’ul lumetike.
Ta senyajul te sk’anel ich’elta wentae, layak’ik letreroetik ta bayuk lumetik yu’un te smunisipioike,sok te ya’yejal “Te slumal bats’il ants winiketik ya jp’ajkotik te muk’ul bej”.Te mach’atik yakatik ta k’opej, ayik sok te Movimiento por la Vida y el Territorio;la scholik te ya’telike ja’laskanantayel te jme’tik lum, ta swenta te ja’ junmajtanilte bayalix ja’wil ak’bilotike, testsumablik te smamuchike sok te schuchuike, la skanantayik. La yak’ik ta nael,te j-a’tel patanetik yu’un te ajwalile ta Chiapas k’ojyik ta ulatayelta swenta te yo’tanukiksjeluntesik te sk’opikeyu’unspasel te beje. Te swinkilel yu’un San Juan Cancucya yalik,te mach’atikay bin ya stajike ja’ te empresarioetike.
Li’ ta Chiapas Paralelo yatome jcholbeyexkotik te bintik ya xkojt ta pasele.Te k’op ayej ini chajpanbil sok spatrocinio yu’un DW Akademie.sk’asesel sok scholel te k’op ayej: Juan Gabriel López Ruíz.
Gracias a
No comments yet.