Te tsoblej yuˈun autodefensa “El machete” la yichˈ ta muk te stsˈakayel jun jaˈwil sjajchele / Ta spatil bayal jaˈwiletik ta skˈanel ichˈel ta mukˈ chontal antsetik la yichˈik te sjunik yuˈun komuneraetik
«El Machete» celebra primer aniversario de su lucha.
Foto: Cortesía
Nokˈol awaibel, jun kˈop aˈyej te bajem ta stojol te batsˈil ants winiketik ta Chiapas,
chajpambil yuˈun te Noticiero Chiapas Paralelo, te ya x-aˈtej sok te Alianza de Medios de la Red de Periodistas de a Pie.
Ta jun tsoble te banti maba juˈ yochelik te jchol kˈop aˈyejetik, “El Machete” la yichˈ ta muk te stsˈakayel jun jaˈwil sjajchele sok la yalik ta lek te ya la xa aˈtejukik jatome te kˈalal laj stenbelik lokˈel spisil senyajul te kasikeetik ta Pantelhó.
Te ban kˈalal naˈbil stojole, jajchik ta kˈop ta sit te swinkilel lum ta jukeb yuˈun julio yuˈun 2021, te Macheteetik la yakˈik ta nael, la stsajik te waxakeb yuˈun mayo, bin utˈil skˈajkˈajlel yichˈel ta mukˈ te sjajchelike, ja la yuˈun ta ajtalil ini la yichˈ milel jtul smojlolik Enrique Pérez Pérez sok te snichˈan kˈalal yakalikla ta aˈtel ta skˈinale.
Ta stojol te ini wokolil, te tsoblej yuˈun autodefensa “El Machete” la yichˈ jachel ta swenta yochintayel te chopol tsoblejetik te jaˈ jololetikla-a tey ta municipio Dayli de los Santos Herrera sok teyto la ta kabesera municipal yuˈun Pantelhó “la yakˈbeyik xiwel kˈaxem ta joˈwinik ta jpam slumal batsˈil ants winiketik”.
Te tsoblej yuˈun Autodefensa la sanaikek te slajel te actibista sok jkanan yuˈun te yochel antswiniketik Simón Pedro Pérez López, te joˈeb yuˈun julio yuˈun 2021, la yichˈ milel ta jun sbej te munisipio yuˈun Simojovel kˈalal sojokino- a te snichˈane.
“joˈonkotik bin utˈil jkananetik yuˈun te lum El Machete ya xa aˈtejonkotik sok te swinkilel lume jaˈnix jich ta stojol te swinkilel lume, maba jauk sok te narkotrafikanteetik ya jnatik te li ta jlumaltik yakal ta batsijel bayalxan sok bayal te machˈatik yakatik ta ochel liˈto, jaˈ bayalik te narkotrafikanteetike jaˈ yuˈun liˈ ya x-ayinonkotik ta skanantayel te swinkilel te lume. Jich la yal te machˈa yichˈo yaˈtel ta Comandante Machete”.
Ta yan cholbil kˈop aˈyej ta jun aˈtelil te kˈojt ta chiknajel ta stojol slumalab batsˈil antswiniketik yuˈun Oaxaca, sok ta spatilal chaneb jaˈwiletik ta aˈtel, balunlajuneb schaˈwinik ta jtul batsˈil antsetik yuˈun te slumal chontal tey ta lumetik Santa María Candelaria sok Santa Lucía Mecaltepec, yuˈun te munisipio San Carlos Yautepec, Oaxaca, la yichˈik te sjunik yuˈun komunera te ja ya yakˈ ta ilel te tsakalik ta jun tey ta padron yuˈun te Registro Agrario Nacional (RAN), te ja ya xu x-akˈotik kˈaxel ta awilaletik te banti ya yichˈ chapel aˈteletik ta stojol te kˈinal sok te skanantayele.
Tsobolik tey ta pamal lum yuˈun Santa María Candelaria sok ta sitik kˈaxem ta lajuneb slajchawinik komuneroetik, Berenice Rodríguez Avendaño, jtul ants te buluchem schaˈwinik yaˈwilal, la yal ta swenta te ini kˈajkˈal te kˈax mukˈ ta stojole sok ta swenta te slumale.
“Ichˈbilix ta mukˈ te jkˈopkotik sok te jbotokotik” ta swenta skanantayel te jkaˈalkotik yuˈun te empresaetik te ya schonik te chiil jaˈ sok te talemik ta yantik mukˈul lum te ya skˈan yuˈuntayike, sok yala xa koltawanukik ta stejkˈanel te slokˈesel yutsil lume.
Berenice la yal, jokolayal te jokinel abot yuˈun te Tequio Jurídico, jun tsoblej te la yal aˈtejik sok te antsetik yuˈun stajel te ini ichˈel ta mukˈ sok tsakbil ta jun yuˈun te Ley Agraria ta artículo 37.
Aracely Carbajal Morales, coordinadora yuˈun Tequio Jurídico la yal, te antsetike yakal stulantesbelik jun aˈtelil yuˈun skanantayel te kˈinal ta slumalik sok te yochintayel jun mukˈul aˈtelil yuˈun slokˈesel yutsil te lum, te yaˈtel Tequio Jurídico ja sjokinel te aˈtele sok kapasitasion, yuˈun te yochelik batsˈil antsetike, te bin utˈil ya xu xkˈopojik ta stojol te j-aˈtel patanetik ta komun sok te yakuk xu x-ochik ta jtuneletik ta swenta kˈinaletik sok sjelel te bintik snopojik sok yantikxan aˈteletik yuˈun jich snopel ta lek bin utiˈil te yaˈtel te winiketik la yuˈtsin te antsetik ta spisil te bintik chiknajemik ta skaxel tal te jaˈwile.
Ta Chiapas Paralelo yatome jcholbeyexkotik te bintik ya xk’ojt ta pasele.
La skˈases ta batsˈil kˈop: Juan Gabriel López Ruíz.
Mayo yuˈun 2022.
….
El grupo de autodefensa “El machete” celebró su primer aniversario / Después de varios años de lucha mujeres chontales recibieron constancias de comuneras.
Estás escuchando un espacio informativo para las comunidades indígenas de Chiapas, producido por el noticiero Chiapas Paralelo, integrante de la Alianza de Medios de la Red de Periodistas de a Pie.
En un evento cerrado a la prensa, «El Machete» celebró su primer aniversario de fundación y ratificaron su lucha armada hasta que haya sido desterrado todo vestigio de cacicazgo en Pantelhó.
Si bien irrumpieron públicamente el 7 de julio del 2021, Los Machetes dieron a conocer que eligieron el 8 de mayo, como el día para celebrar su fundación, pues fue en esa fecha que fue asesinado uno de sus compañeros Enrique Pérez Pérez junto a su hijo cuando estaban trabajando en su parcela.
A raíz de este crimen, el grupo de autodefensas «El Machete» se creó para enfrentar a los sicarios del grupo armado que encabezaba en ese municipio Dayli de los Santos Herrera y que desde la cabecera municipal de Pantelhó “imponían el terror en más de 100 comunidades rurales”.
El grupo de Autodefensa recordó también el asesinato del activista y defensor de derechos humanos Simón Pedro Pérez López el 5 de julio del 2021. ejecutado en una de las calles del municipio de Simojovel cuando se encontraba con su hijo.
“Nosotros como autodefensa del pueblo El Machete vamos a trabajar con el pueblo y para el pueblo, no con los narcotraficantes sabemos que en este país está empeorando más y muchas personas están entrando aquí, más son los narcotraficantes por eso vamos a estar aquí para defender el pueblo, dijo el autodenominado Comandante Machete”.
En otras noticias en un hecho histórico para los pueblos indígenas de Oaxaca, y después de cuatro años de lucha, 39 mujeres indígenas del pueblo chontal de las comunidades de Santa María Candelaria y Santa Lucía Mecaltepec, del municipio de San Carlos Yautepec, Oaxaca, recibieron sus constancias de comuneras que acredita su calidad legal en el padrón agrario ante el Registro Agrario Nacional (RAN), que les permitirá acceder a los espacios de toma de decisiones sobre la tierra y su defensa.
Reunidas en la explanada de Santa María Candelaria y ante la presencia de más de 230 comuneros, Berenice Rodríguez Avendaño, una mujer de 31 años de edad, calificó este momento como algo trascendental para ella y su comunidad.
“Ya tenemos voz y voto” para defender nuestro río de una empresa refresquera trasnacional que se lo quiere adueñar y también para seguir apoyando a la no minería.
Berenice agradeció el acompañamiento que le ha brindado Tequio Jurídico, una organización social que asegura ha luchado junto con ella para lograr este reconocimiento que valida la Ley Agraria en su artículo 37.
Aracely Carbajal Morales, coordinadora de Tequio Jurídico recalcó que las mujeres están fortaleciendo un proceso de defensa del territorio en su región frente a un proyecto minero y el trabajo de Tequio Jurídico es acompañar el proceso con capacitación, en derechos de las mujeres indígenas, de participación política comunitaria y de acceso a cargos agrarios e intercambio de experiencias con otros procesos para reflexionar sobre las condiciones históricas del sistema patriarcal que ha discriminado a las mujeres en todos los contextos.
Desde Chiapas Paralelo te seguiremos informando.
TRADUCTOR: Juan Gabriel López Ruíz
Mayo del 2022.
Sin comentarios aún.