K’op aˈyejetik te ya skˈan anabey stojol yuˈun te tsoblej LGBT+

Nokˈol awaibel, jun kˈop aˈyej te bajem ta stojol te batsˈil ants winiketik ta Chiapas,

chajpambil yuˈun te Noticiero Chiapas Paralelo, te ya x-aˈtej sok te Alianza de Medios de la Red de Periodistas de a Pie.

Ta México, ay jwojkˈ tsoblej te maba ichˈbilik ta mukˈ sok maba nabilik skˈoblal ta lek jaˈ te tsoblej LGBT+, jichnix-euk nabilik sbaj ta kaxlan kˈop personas con orientación sexual e identidad de género (OSIG) no normativas, ja ya skˈan ayal, jaˈik te machˈatik maba ya stˈunik te bin chapalixe sok te bin kˈajyemix ta pasel, ta winiketik sok antsetik.

Ta jujun kˈajkˈal, te chˈichˈ bakˈetik ini ya stajik labanel yuˈun te yantikxan xwinkilel lume.

Te machˈatik ochemik sok te LGBT+, jaxan te yantikxan sok OSIG no normativas, ya xchiknaj ta ilel te joyob ya stajik utsˈinel, jich bin utˈil kˈajkˈa sitayel o jun chopol kˈoptayel, jaxan maba xkˈojt ta ichˈbeyel ta mukˈ te yochelike sok ya xkˈojt ta sbajik te muliletike, jich akˈbil ta nael yuˈun te Consejo Nacional para Prevenir la Discriminación (CONAPRED).

Ja yuˈun te Revista Espejo la scholbey skˈoblalul te kˈop aˈyejetik ta kaxlan kˈop identidad de género, orientación sexual sok expresión de género, yuˈun jich te swinkilel lume ya staj ta ilel sok snabeyel skˈobla te ini tsoblej, jich ya yichˈik  pˈijubteselxan-a sok yakuk snopik ta lek te bin ya spasike.

CONAPRED ya schol te identidad de género bin utˈil yaiyel sbaj ta yutil yoˈtan sok ta stukel te chˈichˈ bakˈete, te bitˈil ya yaiy sbajik ta jujutule, teme ja ya schˈun o mauk te bin utˈil tajot ta ilel kˈalal ayine. Jaˈnix jich ya x-ichˈot ta wenta te bin pakˈil ya yich lapele, te bitˈil ya xkˈopo jtule sok te bitˈil ya yakˈsbaje. Ya xkaj ta chiknajel ta spisilik, ta waxaklajuneb uˈ yaˈbilalik sok ta oxeb jaˈbil yaˈbilalik.

Jich bin utˈil jalbil yuˈun te sinaloense Tiago Ventura, te ya x-aˈtej ta stojol LGBT+, te identidad de género jaˈ “te bin ya jkuy jbajtik o te bin yaiyel ta jkutiltik kˈalal winikotik sok antsotike, sok ay bajeltik maba ya jkuy jabajtik ta ants ni winik”.

Te orientación sexual maba pajaluk sok te identidad de género.

Jaˈme ya skˈan ayal te snupˈel jbajtik o te bin xchij jkoˈtantik sok te yane, teme ants sok ants o winik sok winik, jichnix-euk teme maba pajal yilelike. “ta spisilik, te smulanel oˈtanile ya xchiknaj kˈalal ya stsˈakay lajuneb jaˈbil”.

Ja yuˈun Tiago Ventura ya schol te orientación sexual bin utˈil “te skˈanel jnupˈel jbajtike sok te bin xchij koˈtantik ta stojol te yantike, ya xu soknix te machˈatik pajal yilelike, te maba pajal yilelike o ta schebal ants, winik”.

Te expresión de género, jaˈme te bin yilel stalel jtul chˈichˈ bakˈet, ya xu stˈun o mauk te bin utˈil ya yaksbaj sok te bin kˈajyem ta pasel ta jun winik o ants, jich akˈbil ta nael yuˈun te Human Rights Campaign jun tsoblej te ya skoltay te LGBT+.

“Jaˈ yakˈel ta ilel stalel jtul chˈichˈ bakˈet. Ya xtajot ta ilel te bitˈil ya xkˈopojike, te kˈax yantikto bin ya spas sok te sbakˈetalike, te bin pakˈil ya yichˈ túnele, te talelil ta jujutul, te bin utˈil ya yaksbaj o ya sjuksbajik ta kˈop sok te yantike, sjeluntesel sbakˈetalike, sok yantikxan” jich jalbil yuˈun te CONAPRED.

Mariel Yee, jolol yuˈun te yawil aˈtejibal Diversidad Sexual y Orientación de Género yuˈun te Secretaría de las Mujeres ta Sinaloa, la yal te smukˈul kˈoblalul nabeyel stojol sok nael spitel ta lek te ini kˈop aˈyejetike jaˈme swenta  “snael te bin yuˈun mapa pajalik te chˈichˈ bakˈete sok  snael ta lek te jkocheltik  yuˈun te bin utˈil ya jkuy jbajtike sok te jkocheltik yuˈun te manchuk ay makel kˈalal ya xkaj ta chˈijel te jtaleltike, janix jich nabil-euk  te bayel ta chajp te jtaleltike, jaxan te kˈalal ayotik ta yutil te bintik chajpanbilix yuˈun te winiketike te ya xtenawan ta stˈunele”.

Ta Chiapas Paralelo yatome jcholbeyexkotik te bintik ya xk’ojt ta pasele.

Tsˈibabil yuˈun: Alexandra Figueroa

Pukbil ta: Revista Espejo.

La skˈases ta batsˈil kˈop: Juan Gabriel López Ruíz.

Febrero yuˈun 2023.

Términos que necesitas conocer de la comunidad LGBT+

Estás escuchando un espacio informativo para las comunidades indígenas de Chiapas, producido por el noticiero Chiapas Paralelo, integrante de la Alianza de Medios de la Red de Periodistas de a Pie.

En México, uno de los grupos más marginados y menos comprendidos es la comunidad LGBT+, o bien, las personas con orientación sexual e identidad de género (OSIG) no normativas, es decir, quienes cuya orientación sexual o identidad de género desafían las normas y roles tradicionales del género masculinos y femeninos.

Cada día, estas personas son discriminadas por el resto de la población.

Las personas de la comunidad LGBT+ y las personas con OSIG no normativas reciben violencias visibles en la vida cotidiana que pueden ir desde una mirada reprobatoria o un comentario mordaz, hasta la negación de sus derechos fundamentales y crímenes de odio, de acuerdo con el Consejo Nacional para Prevenir la Discriminación (CONAPRED).

Al respecto la Revista Espejo presentó el siguiente glosario con los términos identidad de género, orientación sexual y expresión de género, para que la sociedad pueda diferenciar y comprender a este grupo y con ello, abonar en su reconocimiento y valoración.

CONAPRED define a la identidad de género como una vivencia interna e individual del género, tal como cada persona la siente, misma que puede corresponder o no al sexo asignado al nacer. También incluye otras expresiones de género como la vestimenta, el modo de hablar y los modales. Se desarrolla, por lo general, entre los 18 meses y los tres años de edad.

De acuerdo con el activista LGBT+ sinaloense, Tiago Ventura, la identidad de género es “como nos identificamos o la vivencia interna que tenemos respecto a lo masculino y lo femenino y en algunos casos no identificarnos con ninguno”.

La orientación sexual es diferente a la identidad de género.

La primera se define como la capacidad de sentir una atracción erótica y/o afectiva por personas de su mismo género, o de un género diferente al suyo. “En general, la orientación sexual se descubre alrededor de los 10 años de edad”

En este sentido, Tiago Ventura definió la orientación sexual como “la atracción sexual y afectiva que sentimos respecto a las personas y puede ser por personas de nuestro mismo sexo, sexo diferente o ambos sexos”.

La expresión de género es la apariencia externa de la identidad de género y puede o no ajustarse a los comportamientos y características típicamente asociados al género masculino o femenino, de acuerdo al Human Rights Campaign.

“Es la manifestación del género de la persona. Puede incluir la forma de hablar, manierismos, modo de vestir, comportamiento personal, comportamiento o interacción social, modificaciones corporales, entre otros aspectos” CONAPRED.

Para Mariel Yee, jefa del departamento del área de Diversidad Sexual y Orientación de Género de la Secretaría de las Mujeres en Sinaloa, la importancia de conocer y poder diferenciar estos términos radica en la “capacidad de entender las diferencias entre las personas y entender que el derecho a la identidad y el derecho al libre desarrollo de la personalidad también incluye el sabernos diversas, diverses y diversos dentro de esta idea heteronormativa del deber ser”.

Desde Chiapas Paralelo te seguiremos informando.

Redacción: Alexandra Figueroa

Medio: Revista Espejo.

Traductor: Juan Gabriel López Ruíz

Febrero del 2023.