Tulanub milel ta stojol te machˈatik ya skanantayik yochel antswiniketik ta Latinoamérica
Protesta contra la criminalización de defensores y defensoras ambientales. | Crédito: Km 169, Prensa Comunitaria Guatemala. Foto: Cortesía
Waklajuneb jaˈbil te mayuk ichˈel ta muk, tsoblejetik yakal skˈambelik lekeil chajpajel yuˈun te lajel ta Viejo Velasco
Nokˈol awaibel, jun kˈop aˈyej te bajem ta stojol te batsˈil ants winiketik ta Chiapas,
chajpambil yuˈun te Noticiero Chiapas Paralelo, te ya x-aˈtej sok te Alianza de Medios de la Red de Periodistas de a Pie.
Ta waklajuneb jaˈbil yuˈun le lajel ta Viejo Velasco, te ajwalil yuˈun México maba ayuk bin spaso ta stojol te ini wokolil, te milawe la sten lokˈel waklajuneb schaˈwinik antswiniketik, banti la yichˈik milel waktul, jaˈnix jich majel sok schujkel jtul achˈix, te laj ta 2010 yuˈun te majel sok te sojktesel kˈinal yuˈun te utsˈinele, jaxan chantulik te chˈayike.
“Ta waklajuneb jaˈbil yuˈun slajel te jbankiltik batsˈil tseltaletik sok chˈoletik, maba yichˈo chajpanel. Te machˈatik kuxatik jilel sok yermanotak te machˈatik lajike maba xnaba teme yato sujtik sok chajpanbeyel te swokolike” jich la scholik te tsoblejetike.
Te tsoblejetik sok yermanotak te machˈatik la stajik wokole la sjachikix jun denunsia tey ta Fiscalía General del Estado (FGE) yuˈun Chiapas, yuˈun te maba laj ta chajpanel ta lek te ini wokolile. Jaxan te federal j-aˈtel patanetik sok te Comisión Nacional de Derechos Humanos (CNDH) sikil chˈabalik ta stojol te utsˈinele, ja yuˈun te machˈatik la sjachik te wokolile sok te j-aˈtel patanetik schˈiko sbajik ta ini itsˈinele maba chukatik.
Tey ta kˈop aˈyeje, te tsoblejetik la yalik, te FGE maba la sjach ni jun aˈtelil ta stojol, sok ayix jaˈbil te kejchajik ta slejel te Antonio Peñate López sok Mariano Pérez Guzmán, jmamtiketik te chˈayik kˈalal yakal-a te ini wokolile.
Jaxan, la yichˈ jachbeyel smul te Diego Arcos, batsˈil winik promotor yuˈun te poxil, sok joˈtujlikxan la skoltayik te machˈatik la stajik ejchentesel yuˈun te majtambaje, swakebalik, yichˈo jalbeyel schukelik, kujchinbilik ta smilel te smojlolike
Janix jich, la yakˈik ta nael, te kˈaxel joˈeb schaˈwinik yuˈun septiembre yuˈun 2020, te Comisión Interamericana de Derechos Humanos (CIDH) la yakˈ ta nael yaˈtentayel te (swokolike) No. 264/20 de la petición 1594-10 del caso Pedro Núñez Pérez y otros, México.
Banti la yalik, te jaˈ yokel schajpanel te Estado mexicano te lajeletik, chˈayteseletik, tenel lokˈel, majel, chukel sok stejkˈanel te mantaletik yuˈun chukel te kˈojt ta pasel kˈalal chiknaj te wokol ta slumal Viejo Velasco. Tey ta Palenque, la schaˈ yalik ta lek stenel te Estado mexicano ta schajpanel swokolik te waklajuneb schaˈwinik tenbilik lokˈel ta slumalike.
…
Ta yan cholbil kˈop aˈyej, ta mayo kˈalal ta agosto yuˈun 2022 ta Latinoamérica batsˈi te wokolil ta stojol te machˈatik ya skanantayik yochel antswiniketi, jich la yakˈ ta nael te Oficina del Alto Comisionado de las Naciones Unidas para los Derechos Humanos (OACNUDH).
Ta swenta te bojlobeletike, te Comisión Interamericana de los Derechos Humanos (CIDH) la spuk ta jalel sbatsˈijel te chopoltayel, te komision yala smel yoˈtan, “kˈax tojyem yajtalul te milawetik ta bayuk mukˈul lumetik yuˈun Latinoamérica, jich bin utˈil-euk tˈunel sok jach mulil ta stojol te yaˈtelik bitˈil jkanan”.
Ta Brasil, la yichˈ akˈel ta nael balunlajuneb teneletik ta stojol te machˈatik ya skanantayik yochel te antswiniketik, banti juktul la yichˈik milel. ta Colombia, akˈbil ta nael yuˈun te Defensoría del Pueblo, ta mayo sok agosto yuˈun 2022 la yich ilel cheb schanwinik lajeletik ta stojol te jolol j-aˈtel patanetik sok jkananetik yuˈun te yochel antswiniketike, ta Guatemala oxtul la yichˈik milel, ta Honduras, te OACNUDH stsako ta jun cheb lajeletik, ta México, waktul jkananetik la yichˈik milel.
Te CIDH la yal, te jach mulil ta stojol jkananetik ya xjukawan ta stuch kˈabtayel sok xiwtesel spisil te swinkilel lume; jaˈ bayal ya schiknaj ta stojolik, “te antsetik kˈalal ya spasik te ini aˈtelil, te jach mulil ya xtenawan ta stejkˈanel te aˈtelile, jaxan ya xmukˈub sok ya xbatsˈi te jay chajp utsˈineletike”.
Ta swenta sbatsˈijel te bojlobele, te CIDH la yal, “jaˈ yokelik te Estadoetik skanantayel ta skojtol te machˈatik ya skanantayik te yochel antswiniketike”.
Ta Chiapas Paralelo yatome jcholbeyexkotik te bintik ya xk’ojt ta pasele.
La skˈases ta batsˈil kˈop: Juan Gabriel López Ruíz.
Noviembre yuˈun 2022.
….
16 años de impunidad, organizaciones exigen justicia de la masacre de Viejo Velasco / Aumenta asesinatos de personas defensoras de derechos humanos en Latinoamérica
Estás escuchando un espacio informativo para las comunidades indígenas de Chiapas, producido por el noticiero Chiapas Paralelo, integrante de la Alianza de Medios de la Red de Periodistas de a Pie.
A 16 años de la masacre de Viejo Velasco, el gobierno de México mantiene una total impunidad en el caso. La masacre provocó el desplazamiento forzado de 36 personas, la ejecución extrajudicial de seis de ellas, la privación ilegal de la libertad y tortura de una joven discapacitada, quien falleció en 2010 a causa de la tortura física y emocional a la que fue sometida. Aunado a ello, cuatro desapariciones forzadas
“A 16 años ya de esa masacre de nuestros hermanos indígenas tseltales y ch´oles, no se ha encontrado justicia. Los sobrevivientes y familiares de las víctimas continúan sin garantías para el retorno y sin reparación del daño”, indicaron las organizaciones.
Familiares y organizaciones han denunciado a la Fiscalía General del Estado (FGE) de Chiapas por no realizar una investigación completa y efectiva de estos hechos. Mientras que el gobierno federal y la Comisión Nacional de Derechos Humanos (CNDH) han guardado total silencio al respecto, por lo que los responsables intelectuales, los operadores políticos y los autores materiales siguen en la impunidad.
En el pronunciamiento las organizaciones agregaron que la FGE nunca contó con un plan de investigación y desde hace años ha cesado las acciones de búsqueda de Antonio Peñate López y Mariano Pérez Guzmán,ancianos que desaparecieron en estos hechos.
Esto, sumado a la criminalización hacia Diego Arcos, promotor indígena de salud, quien junto otros cinco personas dieron auxilio a las víctimas de la masacre. Todos ellos, continúan con órdenes de aprehensión, acusados de asesinar a sus propios compañeros.
Así mismo, informaron de manera pública, que el pasado 25 de septiembre de 2020, la Comisión Interamericana de Derechos Humanos (CIDH) emitió su informe de admisibilidad No. 264/20 de la petición 1594-10 del caso Pedro Núñez Pérez y otros, México.
En donde, señalaron la responsabilidad internacional del Estado mexicano por las ejecuciones extrajudiciales, desapariciones forzadas, desplazamiento forzado, tortura, privación arbitraria de la libertad y emisión de órdenes de aprehensión irregulares que tuvieron lugar durante la agresión violenta de la comunidad Viejo Velasco. Desde Palenque, reiteraron una vez más la exigencia al Estado mexicano de justicia para las 36 personas en desplazamiento forzado.
…
En otras noticias entre mayo y agosto del 2022 en la Latinoamérica se registró un aumento significativo de violencias contra personas defensoras de derechos humanos, así lo informó la Oficina del Alto Comisionado de las Naciones Unidas para los Derechos Humanos (OACNUDH).
Ante estos crímenes, la Corte Interamericana de los Derechos Humanos (CIDH) emitió una alerta, pues le preocupa a la Comisión “el elevado número de asesinatos en varios países de la región, así como actos de hostigamiento y criminalización por sus actividades de defensa”.
En Brasil, se presentaron 19 casos de ataques contra personas defensoras de derechos humanos, de los cuales siete fueron asesinatos, en Colombia, con información de la Defensoría del Pueblo, entre mayo y agosto de 2022 se verificaron 62 casos de homicidios a personas líderes sociales y defensoras de derechos humanos, en Guatemala, al menos, tres personas fueron asesinadas, en Honduras, OACNUDH documentó dos asesinatos y en México, fueron seis personas defensoras asesinadas.
Para la CIDH, la criminalización de personas defensoras promueve el estigma colectivo y envía un mensaje intimidatorio a toda la población; en especial, “cuando se trata de mujeres que realizan esta labor, la criminalización resulta inhibidora, además aumenta y exacerba las desigualdades sociales existentes”.
Ante la elevada situación de violencia, la CIDH recuerda que “es obligación de los Estados de proteger integralmente a quienes ejercen la defensa de los derechos humanos”.
Desde Chiapas Paralelo te seguiremos informando.
TRADUCTOR: Juan Gabriel López Ruíz
Noviembre del 2022.
No comments yet.