Batsˈi schiknajel te machˈatik ya smilsbajik, chˈayeletik, tenel lokˈel sok milel ta stojol te alaletik sok kerme achˈixetik
Jóvenes de Secundaria hablan sobre el suicidio. Foto: Ángeles Mariscal
Nokˈol awaibel, jun kˈop aˈyej te bajem ta stojol te batsˈil ants winiketik ta Chiapas, chajpambil yuˈun te Noticiero Chiapas Paralelo, te ya x-aˈtej sok te Alianza de Medios de la Red de Periodistas de a Pie.
Te Red por los Derechos de las Infancias y Adolescencias en Chiapas (REDIAS) la yakˈik ta nael te smelo yoˈtanik ta swenta sbatsˈijel schiknajel kerem achˈixetik te ya smilsbajik, ta Altos yuˈun Chiapas.
Ta jun tikonbil kˈop aˈyej, te tsobleje la schol, ta spamal jlumaltik te ini wokolil jaˈ te yoxebal jach lajeltik ta stojol te machˈatik tsˈakayem lajuneb kˈalal ta chan lajuneb yaˈwilalik sok ta joˈlajuneb kˈalal ta chaneb schaˈwinik jaˈwil, te kˈunkˈun yakal ta mukˈubel yajtalul slajel te machˈatik ya smilsbajike, jaˈ yuˈun te 4.7 ta 2012 kˈax ta 6.6 ta jujun 100 mil antswiniketik ta 2021, jich yakˈo ta nael te INEGI.
Ta tikonbil kˈop yuˈunike, la yichˈik jalbeyel yuˈun te j-aˈtel patanetik yuˈun snaul nop jun, te smelo yoˈtanik te bin utˈil ayik te nopjunetike. Jich bin utˈil te maba sna binaspasik kˈalal ay machˈa ya xkˈojt smilsbaje sok te bin ya xkˈojt yaiyik-euke. “Kˈalal ya sjojkˈobonik te bitˈil ayone, ya jsut: lek ayon. Maba ya jkˈan jkal te bin schij te jkoˈtane, ma jna bin utˈil ya jchol, balbaltik ya jkai te ya xyal kojel ta jtojol te bajlumilale. Maba jna bin ya jpas yuˈun ya xbujtsˈaub tal te kˈinal”.
Ta jun chajpanbil jojkˈoyeletik, te la yichˈ pasbeyel 631 kerem achˈixetik ta yanyantik slumal batsˈil antswiniketik ta Altos yuˈun Chiapas, ta swenta te bin utˈil ya yilik te machˈatik ya xkˈojt yejchentes sbajik te banti yakatik ta kuxinele. Te lajuneb yoxwinik prosiento la yal te maba x-ichbotik ta wenta te skˈopike, waxakeb schaˈwinik porsiento ay xiwtesel, waxakeb yoxwinik porsiento ay pˈajel, joˈlajuneb schaˈwinik porsiento tenbilik ta spasel te bin maba skˈanike, jun schaˈwinik sok joeb porsiento ay utsˈinel yanxan te lajuneb schanwinik porsiento la yalik te “ya xkˈax biluk chopoliletik” te banti yakatik ta kuxinele.
Jaxan, kˈalal la yichˈik jojkˈobeyel teme ya yejchentes sbajike, te oxeb schaˈwinik sok joeb porsiento la yal te banti ayik ta kuxinele “ay kˈan smil sbajik”, te lajuneb schaˈwinik porsiento ya yalik te “ya yejchentes sbajik sok ya sboj sbojik”
REDIAS la yal te smelo yoˈtan ta swenta ijkitayel, te mayuk ichˈel ta mukˈ sok maba ayuk jun aˈtelil yuˈun te ajwalil ta swenta wokoliletik yuˈun te kerem achˈixetik yuˈun schˈamel te bina yalike, snael stojol sok yilbeyel te swokolike, ya jkalbeykotik te j-aˈtel patenetik yuˈun te snaul poxil sok te Educación Pública te yakuk xkˈojtik ta aˈtel ta bayuk munisipioetik jich bin utˈil Zinacantán, Chamula, San Andrés Larráinzar sok Chenalhó, banti te wokolile tulana yakal. Jich-euk ya jkalbeykotik te jtueneletik ta tut lumetik te yakuk yilik ta lek te alaletik sok te kerem achˈixetike, yakˈbeyel swokol te machˈatik ya schonik te chopol may, te tenel ta nujpunel, te utsˈineletik, sok te cheb weltaxan ta wokoltesel te macha la staj utsˈinel yuˈun jtul winik, ta stsakatesel sjunel te yale.
Ta stojolnix sok te ini kˈop aˈyej, ta skˈajkˈalel te chawiniketik, Melel Xojobal sok Red por los Derechos de la Infancias y Adolescencias en Chiapas (REDIAS) la sjachik jun altal ta stojol te alaletik sok kerme achˈixetik te chˈayikix bajel ta bajlumilal, yuˈun bayal ta chajp utsˈineletik te ya xchiknaj ta Chiapas. Chikan ta ilel sok slajel te antsetik, te machˈatik ya smil sbajik, tenel lokˈel sok te milel ta tujkˈ.
Schebal te tsoblejetik maba jich yoˈtanik sok te slajel bayal ta jtul alaletik sok kerem achˈixetik te maba chajpanbilik ta leke (#MuerteImpune), te maba la skˈan kˈaxe jaˈnix jich la yalik te mayuk chajpajel sok te melelile. Jich bin utˈil-euk snakˈel sok schˈikel sbajik te j-aˈtel patanetik ta yutsˈinel te alaletike.
Ta 2015 kˈalal ta 2022, tsakbil ta jun 212 mileletik ta stojol te alaletik sok kerem achˈixetik ta Chiapas. Banti te Secretariado Ejecutivo del Sistema Nacional de Seguridad Pública (SESNSP) la yakˈ ta nael te chanlajuneb ta jtul lajik ta yuil enero kˈalal ta septiembre yuˈun te ini jaˈwil.
Jaˈto te 2011 kˈalal ta octubre yuˈun 2022, Melel Xojobal la yal, ta swenta sbojlobel te winiketik laj waklajuneb schanwinik tut achˈixetik sok chˈiel aˈchˈixetik ta bayuk munisipioetik liˈ ta estado, banti ochem San Cristóbal de Las Casas, Tuxtla Gutiérrez sok Chilón, jaˈik te banti bayal ya xchiknaj te ini wokolil.
Ta ini jaˈwil, ta Chiapas ya xchˈay joˈeb yoxwinik ta jtul alaletik sok kerem achˈixetik ta jujun uˈ, banti 403 ta jtul naˈbil skˈoblale: oxeb swakwinik ta jtul te machˈatik maba tajbilike.
Ta spisil te machˈatik chˈayemike, joˈlajuneb schanwinik porsiento lokˈemikla ta slumal batsˈil ants winiketik sok ojlil antsetik te tsˈakayem lajchayeb kˈalal ta juklajuneb yaˈwilalik. Te ini wokoliletik ya yutsˈin bayal te munisipioetik yuˈun Tuxtla Gutiérrez, San Cristóbal de Las Casas, Tapachula, Palenque sok Comitán de Domínguez.
Ta swenta tenel lokˈele, la yalik te yakal spukbel sbaj kˈaxel ta yantikxan slumal Altos sokla te ini jaˈwil tsakbil ta jun juklajuneb sjukwinik alaletik sok kerem achˈixetik tenbilik lokˈel ta Aldama, Chenalhó sok Ocosingo.
Ta Chiapas Paralelo yatome jcholbeyexkotik te bintik ya xk’ojt ta pasele.
La skˈases ta batsˈil kˈop: Juan Gabriel López Ruíz.
Noviembre yuˈun 2022
……
Aumenta numero de suicidios, desapariciones, desplazamiento forzado y asesinatos en los niños, niñas y adolescentes.
Estás escuchando un espacio informativo para las comunidades indígenas de Chiapas, producido por el noticiero Chiapas Paralelo, integrante de la Alianza de Medios de la Red de Periodistas de a Pie.
La Red por los Derechos de las Infancias y Adolescencias en Chiapas (REDIAS) externaron su preocupación por el aumento de suicidios entre adolescentes y jóvenes de los Altos de Chiapas.
En un comunicado, la organización explicó que a nivel nacional, esta problemática representa la tercera causa de muerte entre población de 10 a 14 años y de 15 a 24 años, con un aumento progresivo en la tasa de muertes por presunto suicidio por lo que se ha pasado de 4.7 en 2012, a 6.6 por cada 100 mil habitantes para el 2021 según el INEGI.
En su comunicado, refirieron que las autoridades escolares les han expresado su preocupación por el estado anímico de las y los estudiantes. Así como la impotencia cuando ocurren casos de suicidio y el impacto que esto tiene en ellas y ellos. “Cuando me preguntan cómo estoy, respondo: Estoy bien. No me siento seguro en decir lo que siento, no sé cómo expresarme, a veces siento que el mundo se me cae encima. No sé qué necesito para sentirme mejor”.
En una encuesta realizada a 631 adolescentes de diversas comunidades indígenas de los Altos de Chiapas sobre la percepción de conductas de daño que hay en el lugar donde viven, el 50% expresó que no permiten opinar, 28% que hay amenazas, 48% que hay rechazo, 35% que se obliga a hacer cosas que no quieren; 21.5% hay abuso sexual; y 70% dice que “pasan cosas malas” en el lugar donde viven.
Además, al preguntar sobre conductas autolesivas, el 23.5% percibe que en el lugar donde viven “han intentado matarse a sí mismos” y 30% percibe que “se lastiman o se cortan a sí mismos”.
REDIAS señaló su preocupación el abandono, la indiferencia y la falta de una política pública enfocada a las problemáticas de la población adolescente para escucharla, comprender y atender sus necesidades. Exhortamos a las autoridades de Salud y Educación Pública a implementar intervenciones masivas en municipios como Zinacantán, Chamula, San Andrés Larráinzar y Chenalhó donde la problemática es especialmente severa. Así mismo, hacemos un llamado a las autoridades comunitarias para poner en el centro el interés superior de la infancia y adolescencia, sancionando la venta de drogas, los matrimonios forzados, la violencia sexual y la doble violencia de forzar a las víctimas de agresiones sexuales a completar sus embarazos.
Relacionado a estos datos, durante la celebración del Día de Muertos, Melel Xojobal y Red por los Derechos de la Infancias y Adolescencias en Chiapas (REDIAS) realizaron un altar por las niñas, niños y adolescentes (NNA) que pierden la vida por las diferentes violencias que suceden en Chiapas. Bajo un rostro de feminicidio, suicidio, desaparición, desplazamiento forzado y asesinato con armas de fuego.
Ambas organizaciones se posicionaron contra la #MuerteImpune de cientos de NNA que no debieron ocurrir y denunciaron falta de justicia y verdad. Así como, la omisión y complicidad de las autoridades frente a las violencias contra la niñez.
De 2015 al 2022, han registrado 212 asesinatos de niñas, niños y adolescentes en Chiapas. De ese total, el Secretariado Ejecutivo del Sistema Nacional de Seguridad Pública (SESNSP) indicó que 14 corresponden al periodo de enero a septiembre del presente año.
Desde el 2011 a octubre de 2022, Melel Xojobal indicó que la violencia machista le ha quitado la vida a 76 niñas y adolescentes en diferentes municipios del estado: en el que sobresale San Cristóbal de Las Casas, Tuxtla Gutiérrez y Chilón como los espacios que concentran el mayor número de casos.
Para este año, Chiapas ha tenido un promedio de 45 desapariciones de NNA por mes, con un total de 403 casos: 103 permanecen sin localizar.
Del total de casos, el 75% eran de algún pueblo originario y la mitad adolescentes mujeres entre 12 y 17 años. Dicha problemática afecta de manera principal a los municipios de Tuxtla Gutiérrez, San Cristóbal de Las Casas, Tapachula, Palenque y Comitán de Domínguez.
Sobre el desplazamiento forzado, señalaron que se ha ido extendiendo a más comunidades de los Altos y que en este año registra 137 NNA de Aldama, Chenalhó y Ocosingo.
Desde Chiapas Paralelo te seguiremos informando.
TRADUCTOR: Juan Gabriel López Ruíz
Noviembre del 2022.
No comments yet.