Tsoblejetik yuˈun te sociedad civil la yakˈik ta nael skˈoblalul te tenel lokˈel ta jlumaltik

Nokˈol awaibel, jun kˈop aˈyej te bajem ta stojol te batsˈil ants winiketik ta Chiapas,

chajpambil yuˈun te Noticiero Chiapas Paralelo, te ya x-aˈtej sok te Alianza de Medios de la Red de Periodistas de a Pie.

Bayal ta chajp tsoblejetik yuˈun te sociedad civil la yabeyik snaˈ te Cecilia Jiménez-Damary, chol aˈyej yuˈun te Organización de las Nacionales Unidas ta swenta yochel te machˈatik tenblik lokˈel ta slumalik, jun cholbil kˈop yuˈun te bin utˈil ay ta spamal slumal México, sok te jay chajp tenel lokˈel ta slumal Chiapas.

Jaˈnix jich, la yalbeyik jokolayal te uˈlatayel yuˈun Jiménez-Damary, jaˈxan junax yoˈtanik ta slokˈesel lekil aˈtel yuˈun te machˈatik stajojik wokol yuˈun te tenel lokˈel liˈ ta estado.

Ta Chiapas, la yalik te wokolil yuˈun tenel lokˈel bayal skˈoblalil te chiknajemike jaˈtome te jaˈwiletik yuˈun lajuneb schanwinik kˈalal yoˈtik. Jich bin utˈil: majtamba ta swenta chˈunujeletik, mukˈul aˈteletik ta swenta chˈijel, sok wokoliletik yuˈun te jmeˈtik lum. Jich bin uˈtil utsˈineletik te ya xchiknaj ta spisil antswiniketik sok tenel ta swenta te bin utˈil ya yichˈ pasel te aˈtel patantayele. La yijkitay jilel 12 mil ta jtul te machˈatik la yichˈik tenel lokˈele ta jaˈwiletik yuˈun lajuneb yoˈwinik ta swenta sjajchel te Ejército Zapatista de Liberación Nacional (EZLN).

Ta jaˈwil yuˈun 2010 kˈalal yoˈtik, ta Chiapas ochem ta jun yuˈunik 14 mil 476 ta jtul te machˈatik la stajik tenel lokˈel.

Jaˈ jich, te kˈalal ay tenel lokˈele, te antsetik ya xu stajik tˈunel, utsˈinel sok xiwtesel, jich bin utˈil yantikxan tojlimbil utsˈineletik yuˈun yantik, ya xu stajik elekˈ, jachbeyel smulik sok chukel, chaˈtulantesbeyel te swokolike, sok ya xpitbotik te yal snichˈanik, te jich ya x-abotik swokolik.

Jaˈnix jich ya yochintayik te j-aˈtel patanetik ta jlumaltik te ya schopoltayik te antsetik maba ya yichˈik ta mukˈ, ya xlabanwan sok maba ya xkanantaywan, te jaˈ yochelik te antswiniketike, koltayel, sok schajpanel spisil te wokolile, jich la yotsˈik ta tikonbil june.

Ta yan, la yalik te maba ayuk chiknajem ajtaliletik ta swenta tenel lokˈel yuˈun te alaletik sok achˈixkeremetik. Jaxan, ya stajik ta yajtayel oxtul ta jujun lajuntul te stajojik tenel lokˈele.

Jaˈnix jich, la scholik skˈoblalulik te machˈatik ya skanantatik yochel te antswiniketike, jaik te ya yaˈtentayik te kanantaywane sok jokinwane ta swenta te tenel lokˈele, te ya xu xlajik yuˈun sok ya xu xchejba yotanik ta spasel te slekilale.

Jaˈ yuˈun, te tsoblejetike la yalbeyik te chol aˈyeje tsitseletik sok kˈaneletik ta stojol te Estado mexicano, jich bitˈil, yichˈel ta mukˈ te yochelik ta komon yuˈun te slumal batsˈil antswiniketik: ta stojol te yochelik yuˈun te kˈinale sok te yaˈtel patantayel sbajike.

Jich bin utˈil-euk, spasel jun aˈtelil te ya xtenawan ta schˈunel te mantaletik yuˈun te tenel lokˈele, yakˈel wokolil kˈalal maba ya x-ichot ta mukˈe. Sok schˈunel te Ley de Desplazamiento Forzado yuˈun te slumal Chiapas.

Ta slajibal, manchuk ya stajik majel sok yakuk yichˈik kanantayel te machˈatik ya x-aˈtejik ta sjokinel te machˈatik stajojik te ini wokolil. Sok yakuk te fiscaliaetik ya yakˈik ta nael binn utˈil yakal ta bajel te yaˈtelik jich bin utˈil jalbil ta mantal te yotike.

Ta Chiapas Paralelo yatome jcholbeyexkotik te bintik ya xk’ojt ta pasele.

La skˈases ta batsˈil kˈop: Juan Gabriel López Ruíz.

Septiembre yuˈun 2022.

Versión en español

Organizaciones de la sociedad civil presentaron informe de la situación de desplazamiento forzado en el estado.

Estás escuchando un espacio informativo para las comunidades indígenas de Chiapas, producido por el noticiero Chiapas Paralelo, integrante de la Alianza de Medios de la Red de Periodistas de a Pie.

Diversas organizaciones de la sociedad civil presentaron a Cecilia Jiménez-Damary, relatora especial de la Organización de las Nacionales Unidas sobre Derechos Humanos de los Desplazados Forzados Internos, una descripción de la situación nacional, estatal y regional, con enfoque diferenciado e interseccional sobre las dinámicas del desplazamiento forzado interno en Chiapas.

Así mismo, agradecieron la visita de Jiménez-Damary, pues están seguros de que rendirá importantes resultados para los miles de víctimas de desplazamiento forzado que hay en el estado.

En Chiapas, indicaron que el problema del desplazamiento forzado ha tenido varias causas desde los sesentas hasta la actualidad. Por diversos motivos como: conflictos religiosos, proyectos de desarrollo y desastres naturales, así como la violencia generalizada y sociopolítica de carácter contrainsurgente; que dejó alrededor de 12 mil personas desplazadas en los noventa tras el levantamiento del Ejército Zapatista de Liberación Nacional (EZLN).

Desde el año 2010 a la fecha, han documentado el desplazamiento de 14 mil 476 personas en Chiapas.

Es así como, durante el desplazamiento forzado, las mujeres están expuestas al acoso, violación y tortura sexual, como a formas de violencia directa por parte de diversos actores. Expuestas al despojo, persecución, criminalización y encarcelamiento, fabricándoles delitos, revictimizándolas y poniendo en el desamparo a sus hijos e hijas para castigarlas.

Se enfrentan también al Estado misógino que las ignora, discrimina y priva de los derechos de protección, asistencia humanitaria y reparación integral del daño, agregaron en el informe.

Por otro lado, indicaron que no existen datos oficiales respecto al desplazamiento para el sector de las infancias y adolescencias.  No obstante, calculan que 3 de cada 10 de las personas en condición de desplazamiento son niñas, niños y adolescentes (NNA).

También, expusieron la situación de las personas defensoras de derechos humanos, quienes asumen tareas de defensa y acompañamiento en torno al desplazamiento forzado, lo que pone en riesgo su vida e integridad personal.

Por lo que, las organizaciones sugirieron a la relatora recomendaciones y exigencias para el Estado mexicano, entre ellas, el respeto a los derechos colectivos de los pueblos indígenas: en particular lo referente al derecho al territorio y autonomía.

Así como, implementar un mecanismo que garantice el respeto de principios rectores para los desplazamientos forzados, con medidas de sanción en caso de incumplimientos. Y, cumplir con la Ley de Desplazamiento Forzado para el estado de Chiapas.

Por último, se garantice la integridad física y la protección de las personas defensoras que acompañan a víctimas del fenómeno. Y, la rendición de cuentas por parte de las fiscalías ante avances de acuerdo a la normativa vigente.

Desde Chiapas Paralelo te seguiremos informando.

TRADUCTOR: Juan Gabriel López Ruíz

Septiembre del 2022.