Mukˈub te wokoliletik ta stojol te machˈatik tsˈakayem sero kˈalal ta juklajuneb yaˈwilalik ta jlumaltike / CIDH la yulatay slumal tsotsiletik yuˈun Chalchihuitán, Chenalhó sok Aldama
Foto: Cortesía
Nokˈol awaibel, jun kˈop aˈyej te bajem ta stojol te batsˈil ants winiketik ta Chiapas,
chajpambil yuˈun te Noticiero Chiapas Paralelo, te ya x-aˈtej sok te Alianza de Medios de la Red de Periodistas de a Pie.
Ta México, bayal wokoliletik chiknajem ta stojolik te machˈatik tsˈakayem sero kˈalal ta juklajuneb yaˈwilalik, la yich akˈel ta nael, yuˈun te yuil enero kˈalal ta junio yuˈun 2022 te maba spaj sok te jaˈwil kˈaxele, te ajtaliletik yuˈun te chopolil kˈojyemik ta pasele akˈbilik ta nael yuˈun te fuero común yuˈun te Secretariado Ejecutivo del Sistema Nacional de Seguridad Pública (SESNSP). Yakotik ta kˈop ta swenta jukchajp chopoliletik ta stojolik te alaletik sok chˈiel achˈixkeremetik, batsˈijemik li ta jlumaltik México ta yawilal 2021 sok 2022.
Sjukel ta spasel chopoliletik te alaletik, tsajlaw, milel ta stojol te antsetik, milawetik, ejchentesel, tsakel sok schonel antswiniketik, banti te milel ta stojol te antsetik, schonel antswiniketik sok Sjukel ta spasel chopoliletik te alaletike, ja bayel ya xchikna ta stojolik te antsetike, jaxan te milawetik, ejchentesel sok tsakel, bayal ya schikna ta stojolik te winiketik.
Ja yuˈun ta yoxebal articulo yuˈun te Convención sobre los Derechos del Niño, jich ayal, te slumal México jaˈ yokel “skanantayel sok yilel te bin ya xtuun ta swenta slekilalik te alaletike […]”
Ja ta swenta te Red por los Derechos de la Infancia en México (REDIM) ya yakˈ ta nael lekil aˈteletik, yuˈun jich te slumal México ya schˈun skanantayel, yakˈel ta nael sok yilel teme ya x-ichˈot ta mukˈ te yochel alaletik sok te chˈiel achˈixkeremtik:
Schajpanel jun lekil aˈtel ta swenta skanantayel sok stejkˈanel te wokoliletik te ya yutsˈin te yochelike, akˈa yakˈ ta ilel te yichˈel ta mukˈ te alaletik sok te chˈiel achˈixkeremetik, ta stojol te yakal ta batsˈijel te lajeletik ta jlumaltike.
Ta yan cholbil kˈop aˈyej, te Comisión Interamericana de Derechos Humanos (CIDH) la sjach ta bulucheb kˈalal ta joˈlajuneb yuˈun julio yuˈun 2022, jun ulataywane ta México ta swenta yilel te bin utˈil yakal ta bajel te aˈteletik yuˈun koltaywane ta stojol slumalab te tsotsiletik yuˈun cheb schaˈwinik ta jpam lumetik te ayik ta municipio yuˈun Chalchihuitán, Chenalhó sok Aldama, ta stojol te wokoliletik chiknajemik ta yaˈwilal 2017 sok 2018.
Ta lajchayeb yuˈun julio, te machˈatik tikonbilik ta ilawe bajtik ta Aldama, jokinbilik yuˈun te j-aˈtel patanetik federal sok estatal sok yuˈun te Centro de Derechos Humanos «Fray Bartolomé de Las Casas» (Frayba). Banti te presidenta constitucional sok te presidente por usos y costumbres la yakˈik ta nael te aˈteletik ta swenta schajpajel te wokolile.
Ja yuˈun, te swinkilel lume la yakˈik ta nael waxak chajp kˈop aˈyejetik te maba jich yoˈtanik sok te aˈteletik te tajbilik ta pasele: (Jun) skojlel ta oranax te Cristóbal Santiz “te jtunel chukul”, (cheb) stsajtayel, slokˈsel ta kˈaxel te tujkˈetik, stsakel sok akˈbeyek swokol te machˈatik bojlobike, (oxeb) koltayel, (chaneb) yawilik te polisia sok soldadoetik, (joeb) schajpanel te bej yuˈun Cotzilnam kˈalal ta Xuxch’en sok ta Yeton kˈalal ta Cotzilnam. (Wakeb) biluketik te ya xtuun ta snaul poxil yuˈun te machˈatik ya stajik ejchen sok ta spisil te swinkilel lum. Ambulansia, yilel te machˈatik ya stajik ejchen, chajpanel sok yakˈel slamalil oˈtanil, (jukeb) yawilik te lajchayeb ta jpam lumetik tenbilik lokˈele, yachˈil sanul nop jun ta Tabac. Yachˈil agencia municipal yuˈun Tabac sok Coco’, (waxakeb) chˈajan takˈin.
Te jay chajp kˈop aˈyejetike, la yich akˈel sok la yich cholbeyel te oxchajp mukˈul aˈteletik yuˈun te ajwalile, jaxan, maba ichbilik ta mukˈ, janax te chaneb kˈop aˈyeje. Ja yuˈun, te ulataywane yuˈun te CIDH, la scholbeyik te bin utˈil kuxajemik talel ta ini joˈeb jaˈwile.
Ta San Cristóbal de Las Casas, te machˈatik talemik ta ilawe la stsob sbajik sok te j-aˈtel patanetik estatal, presidenteetik sok komisariaetik yuˈun te municipio yuˈun Aldama sok Chenalhó, banti la yichˈik cholbeyel te aˈteletik la yichˈ pasel yuˈun stejkˈanel te majtamaba yuˈun kˈinale.
Ta Chalchihuitán, te ulawetike la stsobsabaj sok te machˈatik ayik sok te tsoble yuˈun chalchihuite, te banti la yilik te bin utˈil yakal ta bajel te sjachel najetike. Jaxan te swinkilel lum yuˈun Canalumtik, Chenmut sok Pom, la yakˈik ta ilel te bin la yijkitay jilel te wokolile sok la yalik te jujutsˈin ta tˈojmel tujkˈetik tey ta lumetik te slakˈojike, te jaˈ ya yakˈ ta ilel te yakatik ta xiwtesel.
Ta slajibal kˈajkˈale, te ulawetike la staj sbajik sok Francisco Javier Estrada Correa, secretario Ejecutivo de la Comisión Nacional de los Derechos Humanos (CNDH), yuˈun sjelel kˈop aˈyetik ta swenta te bin utˈil ay yoˈtik Aldama, Chenalhó sok Chalchihuitán.
Ta Chiapas Paralelo yatome jcholbeyexkotik te bintik ya xk’ojt ta pasele.
La skˈases ta batsˈil kˈop: Juan Gabriel López Ruíz.
Julio yuˈun 2022
……
Aumenta delitos cometidos contra personas de 0 a 17 años en el país, La CIDH visitó comunidades tsotsiles de Chalchihuitán, Chenalhó y Aldama
Estás escuchando un espacio informativo para las comunidades indígenas de Chiapas, producido por el noticiero Chiapas Paralelo, integrante de la Alianza de Medios de la Red de Periodistas de a Pie.
En México, más delitos contra personas de 0 a 17 años se han reportado de enero a junio de 2022 que durante los mismos meses de 2021, de acuerdo a las cifras de incidencia delictiva del fuero común del Secretariado Ejecutivo del Sistema Nacional de Seguridad Pública (SESNSP). En particular, estos son los siete delitos contra niñas, niños y adolescentes que han incrementado en el país entre 2021 y 2022.
Corrupción de menores, Extorsión, Feminicidio, Homicidio, Lesiones, Secuestro y Trata de personas. De estos delitos, el feminicidio, la trata de personas y la corrupción de menores afectan mayormente a las mujeres, mientras los homicidios, las lesiones y el secuestro se observan más en los hombres.
Por ello en el artículo tercero de la Convención sobre los Derechos del Niño, se establece que México, como Estado parte, está comprometido “a asegurar al niño la protección y el cuidado que sean necesarios para su bienestar […]”
Por esta razón la Red por los Derechos de la Infancia en México (REDIM) promueve medidas, para que el estado Mexicano cumpla con su deber de defender, promover y garantizar los derechos de la infancia y la adolescencia:
Desarrollar una estrategia integral de seguridad y prevención con enfoque de derechos, que garantice la protección de niños, niñas y adolescentes ante el incremento de la violencia armada en el país.
En otras noticias, la Comisión Interamericana de Derechos Humanos (CIDH) realizó del 11 al 15 de julio de 2022, una visita de trabajo a México con el objetivo de supervisar la implementación de las medidas cautelares a favor de familias tsotsiles de 22 comunidades pertenecientes a los municipios de Chalchihuitán, Chenalhó y Aldama, por hechos de violencia otorgadas en 2017 y 2018.
El 12 de julio, la Comisión se trasladó a Aldama, acompañada de autoridades federales y estatales y del Centro de Derechos Humanos «Fray Bartolomé de Las Casas» (Frayba). En esa ocasión, tanto la presidenta constitucional y el presidente por usos y costumbres manifestaron el trabajo de concertación y diálogo para la resolución del conflicto.
De este modo, la población plasmó sus inconformidades en los siguientes ocho puntos de las medidas cautelares: (1) liberación inmediata de Cristóbal Santiz “preso político”, (2) investigación, desarme, detención y castigo al grupo agresor (3) apoyo humanitario, (4) base de operaciones mixtas, (5) arreglo de camino Cotzilnam a Xuxch’en y de Yeton a Cotzilnam. (6) equipamiento de hospital para heridos, lesionados y población en general. Ambulancia. Atención médica a heridos y lesionados, rehabilitación, física y psicológica, (7) albergue para desplazados en las 12 comunidades, nueva escuela primaria de Tabac. Nueva agencia municipal de Tabac y Coco’. (8) radios de comunicación y teléfonos satelitales.
Dichos puntos fueron entregados y expuestos a los tres niveles de gobierno, sin embargo, no ha habido cumplimientos, a excepción del punto 4. Por ello, ante la visita de la CIDH, exteriorizaron la situación en la que viven desde hace cinco años.
En San Cristóbal de Las Casas, el equipo de la visita se reunió con autoridades del gobierno estatal, y con presidentes y comisarios de los municipios de Aldama y Chenalhó, donde recibió información sobre las acciones realizadas para erradicar las causas que originan la disputa territorial.
En Chalchihuitán, la delegación se reunió con personas beneficiarias del grupo chalchihuite, donde observó el avance de la construcción y entrega de viviendas. Mientras que, integrantes de las comunidades Canalumtik, Chenmut y Pom mostraron los efectos de la violencia y reportaron que con frecuencia escuchan disparos de armas de fuego en los territorios cercanos, lo que tendrían como finalidad intimidarlos.
El último día, la Comisión mantuvo un encuentro con Francisco Javier Estrada Correa, secretario Ejecutivo de la Comisión Nacional de los Derechos Humanos (CNDH), para intercambiar información sobre la situación actual en Aldama, Chenalhó y Chalchihuitán.
Desde Chiapas Paralelo te seguiremos informando.
TRADUCTOR: Juan Gabriel López Ruíz
Julio del 2022.
Sin comentarios aún.