Ta swenta majtamba yuˈun te chopol tsoblejetik ta stiil slumal México sok Guatemala, te swinkilel lum yakal skˈanbelik koltayel ta ajnimal yuˈun te j-aˈtel patanetik

Nokˈol awaibel, jun kˈop aˈyej te bajem ta stojol te batsˈil ants winiketik ta Chiapas, chajpambil yuˈun te Noticiero Chiapas Paralelo, te ya x-aˈtej sok te Alianza de Medios de la Red de Periodistas de a Pie.

Te kˈaxel jueves joˈeb schaˈwinik yuˈun mayo, swinkilel slumal te munisipio Frontera Comalapa lokˈik ta ajnimal ta swenta majtambajetik yuˈun te swinikab Cártel de Sinaloa sok te  Cártel Jalisco Nueva Generación (CJNG), yakal stenbel sabajik ta swenta yuˈuntayel te stiil lumetik yuˈun México sok Guatemala.

Te kˈaxel mierkoles chaneb schaˈwinik yuˈun mayo tulanub te tsaktamba yuˈun te chopol tsoblejetik, te machˈatik ju slokˈelike la yalik te och winiketik te chapatik ta tujkˈ ta yut najetik, ta stenel te keremetik te yakuk x-ochik-euk ta tujkˈawe, teme maba yala spasike ya la xa yichˈikˈ milel.

Te bej banti xu xlokˈike la yichˈ makel janix jich-euk teˈ yakalik ta tujkˈaw, te machˈatik ochemik ta ini chopol tsobleje la stsibayik jilel ta tiˈti bejetik sok ta lona, banti la yalik jaik te CJNJ sok la yalik te yakal stˈunbelik te machˈatik ayik sok te Cártel de Sinaloa.

Te majtamba yuˈunik te chopol tsoblejetik ta swenta yuˈuntayel te tiˈ lumetik sok yantikxan kˈinaletik yuˈun Chiapas, kaj ta batsˈijel ta yojlilbal yuˈun 2021. Te bin bayal ya xchikna ta ini miltambaj yuˈun te chopol tsoblejetike, jaˈ te tenel ta stsakel te tujkˈ, te elkˈanel sok schˈayel te antswiniketik, ta yabilal yuˈun 2022 kˈalal yoˈtik kˈojt ta chiknajel oxeb schanwinik wokolileik, banti balunlajuneb yoxwinik te antswiniketik la yakˈik ta nael sok te j-aˈtel patanetik, jich akˈbil ta nael yuˈun te Fiscalía de Justicia.

Jaxan te balunlajuneb yoxwinik schˈayel antswiniketik ta skˈab te chopol tsoblejetik akˈbilik ta naele, te Fiscalía yuˈun Chiapas tsakbil ta jun yuˈun lajchayeb-xan lajeltik te chiknajemik ta bej yuˈun tut lumetik, te ayik ta stiil slumal México sok-euk te majtamba ya xkˈojt ta chiknajele ya yutsˈin te swinikilel lume.

“Mukˈ te wokolile, jujutsˈin yakal te tujkˈawe sok te mak bej yuˈun te chopol tsoblejetike (…) maba xkˈaxex ta ajkˈabal sok ta wen sajb, ayme tsakel sok milel te mayuk machˈa ya yil. Yakal ta kˈxel ta Comalapa jich-euk ta La Trinitaria, maba ayuk Guardia Nacional ni jauk te militaretik, janix jich maba ayuk j-aˈtel patanetik yuˈun te munisipio te ya xu skanantayotik” jich yakal yalbelik te machˈatik kuxatik tea.

Te swinkilel lum kaj yichˈbelik yip, ta swenta yakˈel ta nael te bin yakal ta kˈaxele, jaxan te swinkilel te ejido Nueva Libertad kˈojtik ta aw tey ta kapital yuˈun Chiapas te kˈaxel marzo, ta swenta yakˈel ta nael te bin yakal ta kˈaxel yuˈunike.

…

Ta yan, ta slumal El Jocote ay jun yawil te Ejército Mexicano, ta sbejlal Paso Hondo – Frontera Comalapa te ay junxan yuˈun te Guardia Nacional sok ta munisipio yuˈun Chicomuselo jaˈ te kˈax muk awilal yuˈun te Ejército mexicano ta Chiapas; ta sit te ini awilaletik sok ayik ta stiil slumal Chiapas sok Guatemala, ta kˈajkˈaliletik te lajelikto ta kˈaxele, swinikab te chopol tsoblejetik ya xkˈaxik sok skaroik te chapalik ta tujkˈ, kˈalal yakalik ta majtamba te chaˈ wojkˈ tsobleje.

Te bin lajelto ta jalele akˈbil ta nael yuˈun te swinkilel lum te makal ayik ta slumalik yuˈun te wokole, ja yuˈun tsoblejetik te ya skanantayik yochel antswiniketik, te Sección 40 yuˈun te Sindicato de Trabajadores de la Educación (SNTE), swinkilel te barrio, ejidoetik, komun j-aˈtel patanetik, sok swinkilel te lum banti yakal te wokole la skˈanbeyik te ajwalil yuˈun México te yakuk yakˈ mantal ta swenta kanantayel skuxlejal antswinketik, te slekilal bakˈete, yuˈun te xiwele sok slamal kˈinal yuˈun te swinkilel te munisipio yuˈun Frontera Comalapa, Amatenango de la Frontera, Chicomuselo sok La Trinitaria.

Te Centro de Derechos Fray Bartolomé de Las Casas (Frayba), la yakˈ ta nael, te bin yalojik te machˈatik la skˈanik koltayele, te kˈaxel domingo waxakeb schaˈwinik yuˈun mayo yakalikto ta tenel lokˈel ta slumalik sok antswiniketik yakal slejbelik albergue; “te yantikxane ayix skˈajkˈalel te snakˈo sbajik ta jamal o ta yantikxan awilaletik te ya skuyik leke”.

“Janix jich la yalbonkotik, bayal ta jtul antswiniketik makal ayik ta snajik te maba xu xlokˈik, smako sbajik ta naˈ yuˈun te tulan xiwel yakal ta kˈaxel yuˈunike”, te Frayba ya skuy te ini wokolil bi utˈil awilaletik yuˈun miltamba te najtˈubenix bayal uˈ tey ta lum kˈinale.

Te tsoblejetik jkanan yochel ants winiketik, ta stukelik, la skˈanbeyik te Estado mexicano sok te j-aˈtel patanetik te ay yaˈtelik ta kanantaywane, te yakuk x-ochik ta ajnimalnax ta stejkˈanel te wokolile sok te xiwel yakal ta kˈaxel tey ta stiil slimal Chiapas.

Ta Chiapas Paralelo yatome jcholbeyexkotik te bintik ya xk’ojt ta pasele.

La skˈases ta batsˈil kˈop: Juan Gabriel López Ruíz.

Tsˈibabil yuˈun: Angeles Mariscal

Mayo yuˈun 2023

Versión en español

Por enfrentamientos del crimen organizado en la  zona fronteriza México y Guatemala, habitantes exigen la intervención inmediata de las autoridades.

Estás escuchando un espacio informativo para las comunidades indígenas de Chiapas, producido por el noticiero Chiapas Paralelo, integrante de la Alianza de Medios de la Red de Periodistas de a Pie

El pasado jueves 25 de mayo, familias del municipio Frontera Comalapa huyeron de sus viviendas para escapar de los enfrentamientos entre integrantes del Cártel de Sinaloa y el Cártel Jalisco Nueva Generación (CJNG), quienes se disputan el control de esta zona fronteriza entre México y Guatemala.

Desde el miércoles 24 de mayo se recrudecieron los ataques entre grupos del crimen organizado y de acuerdo a testimonios de personas que lograron escapar, personas armadas han entrado a las viviendas para obligar a los hombres jóvenes a participar en los enfrentamientos, bajo la amenaza de que si no lo hacen serán asesinados.

La carretera que los podría sacar de la zona fue bloqueada porque también está siendo zona de enfrentamientos. Integrantes de estos grupos dejaron leyendas en algunas bardas y lona, identificándose como CJNJ, y amenazando a personas que consideran son el Cártel de Sinaloa.

La disputa entre grupos del crimen organizado por el control de la zona fronteriza y de otras regiones de Chiapas se incrementó desde mediados de 2021. La expresión más violenta de esta guerra entre cárteles es el reclutamiento forzado, el secuestro y desaparición de personas,  del 2022 a la fecha hay 63 casos, y de estos 59 los familiares hicieron las denuncias penales, según las fichas de búsqueda de la Fiscalía de Justicia.

Además de las 59 denuncias por desaparición forzada relacionada con la presencia de grupos del crimen organizado, la Fiscalía de Chiapas tiene al menos una docena más por homicidios cometidos en los caminos que comunican las comunidades de la zona fronteriza y por enfrentamientos que afectan a la población.

“Es mucho el riesgo por las constantes balaceras y retenes que ponen los grupos armados (…) no pasen por la noche ni muy de mañana porque hay levantones y asesinatos que nadie investiga. Tanto en Comalapa como en La Trinitaria, no hay Guardia Nacional ni militares, mucho menos autoridad municipal que pueda cuidar nuestra seguridad”, señalan alertas que coloca la población de la zona.

La población de la zona se ha ido armado de valor para denunciar los hechos, incluso los habitantes del ejido Nueva Libertad se manifestaron en la capital de Chiapas el pasado marzo, para denunciar la situación que están viviendo.

…

Por otro lado, en la localidad de El Jocote existe un destacamento del Ejército Mexicano, en el tramo carretero Paso Hondo – Frontera Comalapa está uno más de la Guardia Nacional, y en el municipio de Chicomuselo está el cuartel más grande del Ejército mexicano en Chiapas; frente a estos lugares ubicados en la zona fronteriza de Chiapas con Guatemala, en los últimos días, integrantes de los cárteles de la droga han transitado a bordo de camionetas artilladas, en el marco de los enfrentamientos que sostienen los grupos rivales.

Lo anterior ha sido denunciado por la población atrapada en las localidades afectadas, por lo que organizaciones defensoras de derechos humanos, la Sección 40 del Sindicato de Trabajadores de la Educación (SNTE), habitantes de barrios, ejidos, autoridades comunitarias y pueblos de la región, exigieron al gobierno mexicano aplique medidas para garantizar la vida, la seguridad e integridad física, psicológica y emocional de las y los habitantes de los municipios de Frontera Comalapa, Amatenango de la Frontera, Chicomuselo y La Trinitaria.

El Centro de Derechos Fray Bartolomé de Las Casas (Frayba) informó que de acuerdo a personas que han solicitado ayuda, el pasado domingo 28 de mayo siguen los desplazamientos forzados y pobladores continúan buscando albergues provisionales; “otros llevan días refugiándose en los montes o algún lugar seguro”.

“También nos informan que muchas familias permanecen en sus casas sin poder salir, están encerradas por el terror extremo que están viviendo”, situación que considera el Frayba son escenarios de guerra que se ha prolongado durante meses en esta región.

Las organizaciones defensoras de derechos humanos, por su parte, exigieron al Estado mexicano y las autoridades correspondientes que intervengan de manera urgente para frenar la violencia y el terror que se viven en la región fronteriza de Chiapas.

Desde Chiapas Paralelo te seguiremos informando.

Traductor: Juan Gabriel López Ruíz

Redaccion: Angeles Marsical

Mayo del 2023.